Numbers 35

Mien Bible (Thai Script) © Thailand Bible Society, 2007

← Chapter 34 Jump to: Chapter 36 →

1เยียม โมอับ เดา-แป้ง, จอแดน ด้าย เฮลน, เยลีโค ฒี่ง ต๋อย-หง่าน, เฒี้ยว ก๊อง บั๋ว โมเซ,

2“อ๋อย หฒุ พ้าย อิสะลาเอน เมี่ยน เยียม นิ่น บัว ตุ๊ หฑิบ เญย เดา เฒาะ เต๋ย ฒี่ง จิว ปุน เลวี เมี่ยน เยียม. หย่า อ๋อย หฒุ ปุน เต๋ย ฮวีง ก๋อม ฒี่ง เญย เมี้ย-เธี้ยง.

3ฮนั้ง น้าย เลวี เมี่ยน ฯฒฯ ม่าย ฒี่ง เยียม หย่า ม่าย เมี้ย-เธี้ยง ยู์ง นิ่น บัว เญย ง่ง, ยู่ง เหธา หญู่งๆ แซง-คู้.

4“จิว ปุน เลวี เมี่ยน วั้ว เต๋ย ฒี่ง อ๋อย หฒุ ม่าย เมี้ย-เธี้ยง เยียม ปูงๆ ฒี่ง หลาด ธ้วด มี่ง เหยียด ธิน เดาะ โก.

5ฒี่ง กะเหญี่ย อ๋อย หฒุ เดาะ ตง ปูง อี ธิน เดาะ, น่าม ปูง อี ธิน เดาะ, ไฟ ปูง อี ธิน เดาะ, ป๊ะ ปูง อี ธิน เดาะ, ปุน ฒี่ง เยียม เหฒียง บุด๋ง. นิ่น บัว ฯฒฯ ม่าย น้าย เต๋ย เดา โหฒว ฒี่ง เญย เมี้ย-เธี้ยง.

6“เม่ย บัว ปุน เลวี เมี่ยน เญย ฒี่ง อ๋อย หฒุ กั้น หธะเหล่ง ปุน จุ๊ นอม เหว่ย โหฒว เสีย แหม่ง ฒี่ง, ปุน ไต๋ เมี่ยน เญย เมี่ยน เปย๋า มี่ง เยียม. อ๋อย หฒุ แอ๋ง ธั้ม เฝย เหฒียบ เหญ่ย นอม ฒี่ง จิว ปุน นิ่น บัว.

7จิว ปุน เลวี เมี่ยน เญย ฒี่ง เหยียด ฒู้ง ม่าย เฝย เหฒียบ เป๊ด นอม, เลี่ยม ฒี่ง เญย เมี้ย-เธี้ยง.

8หฒิว ฝีงๆ อิสะลาเอน เมี่ยน หฑิบ เญย ป่วน อ๋อย หฒุ แมะ เต๋ย ปุน เลวี เมี่ยน. หาย ฝีง ตุ๊ ธั้ม อ๋อย หฒุ ปุน ธั้ม. หาย ฝีง ตุ๊ โหฒะ อ๋อย หฒุ ปุน โหฒะ.”

9เฒี้ยว ก๊อง บั๋ว โมเซ,

10“อ๋อย หฒุ ก๊อง บั๋ว อิสะลาเอน เมี่ยน, ‘เม่ย บัว เจี๋ย วั้ว หง่าน หฒิ จอแดน ด้าย เปียะ คานาอัน เต่ย-ปูง,

11อ๋อย หฒุ กิ๊น เต๋ย ฒี่ง โหฒว เม่ย บัว เสีย แหม่ง ฒี่ง เหว่ย ปุน ธะ-โป่ว ไต๋ เมี่ยน เญย เมี่ยน เปย๋า มี่ง เยียม วั้ว.

12น้าย เต๋ย ฒี่ง เซ โหฒว เสีย แหม่ง เญย ต๋อง ปุน ไต๋ เมี่ยน เญย เมี่ยน เปย๋า จ๊าว เมี่ยน แหม่ง วิน เญย เมี่ยน, ฯฒฯ ไม้ หฒุ ไต่ ด่าง ตุ๊ เยียม กั๊บ ฒุ้น เญย เมี่ยน เญย หฑะเฮมียน หฒุ เซี้ยม.

13เม่ย บัว ปุน เญย น้าย เต๋ย จุ๊ นอม ฒี่ง อ๋อย หฒุ โหฒว เสีย แหม่ง ฒี่ง.

14เยียม น้าย จอแดน ด้าย ตง ปูง อ๋อย หฒุ เฒาะ ธ้วด ปัว นอม. เยียม คานาอัน เต่ย-ปูง แอ๋ง เฒาะ ธ้วด ปัว นอม.

15น้าย เต๋ย จุ๊ นอม ฒี่ง ฯฒฯ โหฒว เสีย แหม่ง เญย ต๋อง เหว่ย ปุน อิสะลาเอน เมี่ยน ไฟ กั้น ฝีง เมี่ยน, ไม้ กุ๊น เหยียด ลิ์ว เหธา นิ่น บัว เยียม ไฟ เยียม โต่ว ป๊า ฮนั้ง, ตะฟ่าน หาย เต้า ธะ-โป่ว ไต๋ เมี่ยน ไฮ่ เปย๋า มี่ง เยียม วั้ว.

16“‘สี ก๊อง ม่าย หาย เต้า หล่ง เฮลียะ โหฒว ต้าย เญย กะน้าย เบ๊าะ เมี่ยน, เมี่ยน ฯฒฯ ไต่, วั้ว เต้า เซ โหฒว ไต๋ เมี่ยน เญย เมี่ยน. อ๋อย หฒุ ไต๋ นิ่น อ๊ะ.

17ไฟ สี ก๊อง หาย เต้า หล่ง ไฮ่ เบ๊าะ เมี่ยน ไต่ เญย หละเปย๊ย ฒง เมี่ยน, เมี่ยน ฯฒฯ ไต่, วั้ว เต้า เซ โหฒว ไต๋ เมี่ยน เญย เมี่ยน. อ๋อย หฒุ ไต๋ นิ่น อ๊ะ.

18ไฟ สี ก๊อง หาย เต้า หล่ง ไฮ่ เบ๊าะ เมี่ยน ไต่ เญย เดี๋ยง-จา-สี่ เบ๊าะ เมี่ยน, เมี่ยน ฯฒฯ ไต่, วั้ว เต้า เซ โหฒว ไต๋ เมี่ยน เญย เมี่ยน. อ๋อย หฒุ ไต๋ นิ่น อ๊ะ.

19จ๊าว เมี่ยน แหม่ง วิน วั้ว เต้า กั้น อ๋อย หฒุ ไต๋ ต้ง ไต๋ เมี่ยน วั้ว เต้า. หาย หฒั่น ปวัด ฯฒฯ ไต๋ นิ่น อ๊ะ.

20หาย เต้า หั่น เมี่ยน ฯฒฯ ฟ้ง นิ่น ไฟ ป่าๆ หล่ง กะน้าย ฒอย นิ่น, นิ่น ฯฒฯ ไต่,

21ไฟ หลาย ม่าย วิน หล่ง ปั์ว-จ้วน เบ๊าะ เมี่ยน, เมี่ยน ฯฒฯ ไต่, ไต๋ เมี่ยน วั้ว เต้า ฯฒฯ อ๋อย หฒุ ไต่ อ๊ะ, เหว่ย หฒุ นิ่น เซ ไต๋ เมี่ยน เญย เมี่ยน. จ๊าว เมี่ยน แหม่ง วิน วั้ว เต้า หาย หฒั่น ปวัด อ๋อย หฒุ ไต๋ นิ่น อ๊ะ.

22“‘หาย เต้า ไม้ หั่น เมี่ยน มป่า ธะ-โป่ว ฟ้ง หฒุ ไฟ ฒอย กะน้าย ฒง หฒุ เมี่ยน,

23ไฟ หมั่ง ไม้ ปวัด เมี่ยน ฯฒฯ ปู๋ง ไฮ่ เบ๊าะ ตุ๊ เมี่ยน ไต่ เญย หละเปย๊ย แอ๋ง เบ๊าะ หฒุ เมี่ยน, เมี่ยน ฯฒฯ ไต่, เหว่ย หฒุ เหธา หฒุ ไต่ วั้ว เต้า ไม้ ม่าย วิน หย่า ไม้ ม่าย เฮญี้ยว ห่อย นิ่น,

24กั๊บ ฒุ้น เญย เมี่ยน อ๋อย หฒุ เยียม ไต๋ เมี่ยน ไต่ วั้ว เต้า เหธา จ๊าว เมี่ยน แหม่ง วิน วั้ว เต้า บุด๋ง หฒิว น้าย เต๋ย เล์ย เซี้ยม.

25กั๊บ ฒุ้น เญย หฒวัง เมี่ยน อ๋อย หฒุ เหฌียว ไต๋ เมี่ยน วั้ว เต้า เปย๋า ดุ๊ด จ๊าว เมี่ยน แหม่ง วิน วั้ว เต้า เญย ปั์ว-เดี๊ย, แอ๋ง ฝูง นิ่น หฑวน นิ่น เปย๋า มี่ง เยียม วั้ว นอม เสีย แหม่ง ฒี่ง. นิ่น อ๋อย หฒุ เยียม วั้ว เถา ต้ง หล่ง ธีง-เหฑ่ง โย่ว ออน ต้าย วั้ว เต้า ต้ม ไซ เมี่ยน เกวย เสย.

26“‘มป่า สี ก๊อง ไต๋ เมี่ยน วั้ว เต้า, ไม้ กุ๊น หาย หฒั่น, ตะฟ่าน ธ้วด นิ่น เปย๋า มี่ง เยียม วั้ว นอม เสีย แหม่ง ฒี่ง กะเหญี่ย,

27จ๊าว เมี่ยน แหม่ง วิน วั้ว เต้า ปวัด นิ่น เยียม ฒี่ง กะเหญี่ย ฯฒฯ ไต๋, จ๊าว เมี่ยน แหม่ง วิน วั้ว เต้า หย่า ไม้ ม่าย ฒุ์ย.

28ไต๋ เมี่ยน เญย เมี่ยน อ๋อย หฒุ เยียม นิ่น เญย เสีย แหม่ง ฒี่ง ฒั้ว ต้ม ไซ เมี่ยน เกวย เสย, ฆะฮ้า หฑวน นิ่น กั้น เญย เปย๊า ตุ๊ อ๊ะ.

29“‘ไม้ กุ๊น เยียม หาย, น้าย เซ เม่ย บัว ต่อย เจี๋ย ต่อย อ๋อย หฒุ กัน เญย เล์ย.

30“‘หาย เต้า ไต๋ เมี่ยน อ๋อย หฒุ ม่าย อี เหฒีย เต้า โหฒว ฒอง-เหฒง หธีง ไต๋ ตุ๊ วั้ว เต้า ไต๋ เมี่ยน เญย เมี่ยน. ขูง ม่าย ดุ เต้า โหฒว ฒอง-เหฒง ฮนั้ง, ไม้ ตู๋ง ไต๋.

31“‘หลาย ไต๋ เมี่ยน ต่อง ฒุ์ย หฒี่ ตุ๊ ไต่ เญย เมี่ยน, ฒู้ง อ๋อย หฒุ ไต่. ไม้ ตู๋ง ฒิบ นิ่น อ๋อย ม์าย แหม่ง เญย กะน้าย.

32“‘หย่า ไม้ ตู๋ง ฒิบ เปย๋า มี่ง เยียม เสีย แหม่ง ฒี่ง เญย เมี่ยน อ๋อย หฒัวะ แหม่ง เญย ญ่าน เหว่ย ปุน นิ่น ตุ๊ หฑวน กั้น เญย เปย๊า, ไม้ ฒั้ว ต้ม ไซ เมี่ยน เกวย เสย ด่าง.

33“‘ไม้ ตู๋ง ปุน เม่ย บัว เยียม เญย เต่ย-ปูง ม่าย หวุย. หลาย ไต๋ เมี่ยน, ฑย้าม เหลี่ยว เหฌี่ย เดา, เซ ปุน เต่ย-ปูง ม่าย หวุย. หย่า ไม้ ม่าย หาย หญู่ง ไฮ่ สา ตุ๊ เหฑ่ง เหลี่ยว ธ้วด เญย ฑย้าม เญย หวุย, ธ้วด ลิ์ว ปุน ฑย้าม เหลี่ยว ธ้วด วั้ว เต้า เญย ฑย้าม.

34ไม้ ตู๋ง ปุน เม่ย บัว เยียม เจี๊ยน เญย เต่ย-ปูง ม่าย หวุย. เซ เยีย เยียม เญย ต๋อง, เหว่ย หฒุ เยีย, เฒี้ยว, เยียม อิสะลาเอน เมี่ยน บุด๋ง.’”

← Chapter 34 Jump to: Chapter 36 →