Numbers 2

Mien Bible (Thai Script) © Thailand Bible Society, 2007

← Chapter 1 Jump to: Chapter 3 →

1เฒี้ยว ก๊อง บั๋ว โมเซ เหธา อาโลน,

2“อิสะลาเอน เมี่ยน อ๋อย หฒุ ธอง กั้น เญย ด๊บ-ลิ่ว ฮวีง ก๋อม หย่า ฮวิน มี่ง หวุ่ย ปวั้ง เญย ด๊บ-ลิ่ว วั้ว ปูง, เก๊าะ-เมี่ยน เยียม เก๊าะ-เมี่ยน เญย ป๊วน-ฝีง เก้ เหธา ปู้ง ป่วน เก้ กะเดี๊ย.”

3เยียม ตง ปูง แหมง, บะฮนอย ธ้วด วั้ว ปูง, ยูดา ฝีง เญย กวั้นๆ อ๋อย หฒุ ธอง นิ่น บัว เญย ด๊บ-ลิ่ว เยียม กั้น เญย เก้ กะเดี๊ย. ยูดา ฝีง เญย เปย๊ย เฒ้ย ม่าย อัมมีนาดับ เญย ตอน, นาโซน.

4นิ่น เญย กวั้น ม่าย เสี่ย หว่าน เปยย ธิน หลัวะ แป๊ะ เต้า.

5อิดสาคา ฝีง อ๋อย หฒุ ธอง ด๊บ-ลิ่ว นิด เจี๊ยน ยูดา ฝีง. อิดสาคา ฝีง เญย เปย๊ย เฒ้ย ม่าย ฒูอา เญย ตอน, เนทันเอน.

6นิ่น เญย กวั้น ม่าย ปยา หว่าน เปยย ธิน เฝย แป๊ะ เต้า.

7เจี๋ย มี่ง, เสบูลุน ฝีง อ๋อย หฒุ ธอง ด๊บ-ลิ่ว นิด เจี๊ยน. เสบูลุน ฝีง เญย เปย๊ย เฒ้ย ม่าย เฮโลน เญย ตอน, เอลีอับ.

8นิ่น เญย กวั้น ม่าย ปยา หว่าน เสี่ย ธิน เฝย แป๊ะ เต้า.

9เปียะ ยูดา วั้ว ปูง เญย กวั้นๆ เหยียด ฒู้ง ม่าย เหยียด สิน เหฮยียด หว่าน จุ๊ ธิน เฝย แป๊ะ เต้า. ธ้วด เจ๊า เญย เฒี่ยง โห่ น้าย เต๋ย อ๋อย หฒุ มี่ง ด่าง.

10เยียม น่าม ปูง แหมง, ลูเบน ฝีง เญย กวั้นๆ อ๋อย หฒุ ธอง นิ่น บัว เญย ด๊บ-ลิ่ว เยียม กั้น เญย เก้ กะเดี๊ย. ลูเบน ฝีง เญย เปย๊ย เฒ้ย ม่าย เซเดเอ เญย ตอน, เอลีซู.

11นิ่น เญย กวั้น ม่าย เปยย หว่าน จุ๊ ธิน ฮม์ แป๊ะ เต้า.

12สิเมโอน ฝีง อ๋อย หฒุ ธอง ด๊บ-ลิ่ว นิด เจี๊ยน ลูเบน ฝีง. สิเมโอน ฝีง เญย เปย๊ย เฒ้ย ม่าย สูลิซัดได เญย ตอน, เซลูมิเอน.

13นิ่น เญย กวั้น ม่าย ปยา หว่าน ดั้ว ธิน ฟาม-แป๊ะ เต้า.

14เจี๋ย มี่ง, กาด ฝีง อ๋อย หฒุ ธอง ด๊บ-ลิ่ว นิด เจี๊ยน. กาด ฝีง เญย เปย๊ย เฒ้ย ม่าย เดอูเอน เญย ตอน, เอลียาสาบ.

15นิ่น เญย กวั้น ม่าย เปยย หว่าน ปยา ธิน หลัวะ แป๊ะ ฮม์ เหฒียบ เต้า.

16เปียะ ลูเบน วั้ว ปูง เญย กวั้นๆ เหยียด ฒู้ง ม่าย เหยียด สิน ปยา หว่าน เหยียด ธิน เฝย แป๊ะ ฮม์ เหฒียบ เต้า. ธ้วด เจ๊า เญย เฒี่ยง โห่ น้าย เต๋ย โหฒว ตะเหญ่ย กวั้น.

17ธ้วด เจ๊า เญย เฒี่ยง โห่, มี่ง ด่าง วั้ว เต๋ย อี กวั้น เหธา ฆะฮ้า มี่ง วั้ว เต๋ย อี กวั้น บุด๋ง, อ๋อย หฒุ ม่าย เลวี เมี่ยน ต้อ เจี๊ยน หวุ่ย ปวั้ง เญย ด๊บ-ลิ่ว มี่ง. อ๋อย หฒุ เฒว่ย เยี้ยด เฒว่ย เหญ่ย ธ้วด เจ๊า หฒิว กวั้นๆ ธอง นิ่น บัว เญย ด๊บ-ลิ่ว. กวั้นๆ อ๋อย หฒุ เยียม กั้น เญย ต๋อง หย่า เยียม กั้น เญย เก้ กะเดี๊ย.

18เยียม ไฟ ปูง แหมง, เอฟาอิม ฝีง เญย กวั้นๆ อ๋อย หฒุ ธอง นิ่น บัว เญย ด๊บ-ลิ่ว เยียม กั้น เญย เก้ กะเดี๊ย. เอฟาอิม ฝีง เญย เปย๊ย เฒ้ย ม่าย อัมมีฮู้ด เญย ตอน, เอลีซามา.

19นิ่น เญย กวั้น ม่าย เปยย หว่าน ฮม์ แป๊ะ เต้า.

20มะนัดเส ฝีง อ๋อย หฒุ ธอง ด๊บ-ลิ่ว นิด เจี๊ยน เอฟาอิม ฝีง. มะนัดเส ฝีง เญย เปย๊ย เฒ้ย ม่าย เปดาซู เญย ตอน, กามาลิเอน.

21นิ่น เญย กวั้น ม่าย ปัว หว่าน อี ธิน หญี่ แป๊ะ เต้า.

22เจี๋ย มี่ง, เบนยามิน ฝีง อ๋อย หฒุ ธอง ด๊บ-ลิ่ว นิด เจี๊ยน. เบนยามิน ฝีง เญย เปย๊ย เฒ้ย ม่าย กิเดโอนี เญย ตอน, อาบีดัน.

23นิ่น เญย กวั้น ม่าย ปัว หว่าน ปยา ธิน เฝย แป๊ะ เต้า.

24เปียะ เอฟาอิม วั้ว ปูง เญย กวั้นๆ เหยียด ฒู้ง ม่าย เหยียด สิน เหฮยียด ธิน เหยียด แป๊ะ เต้า. ธ้วด เจ๊า เญย เฒี่ยง โห่ น้าย กวั้น โหฒว ตะฟาม กวั้น.

25เยียม ป๊ะ ปูง แหมง, ดาน ฝีง เญย กวั้นๆ อ๋อย หฒุ ธอง นิ่น บัว เญย ด๊บ-ลิ่ว เยียม กั้น เญย เก้ กะเดี๊ย. ดาน ฝีง เญย เปย๊ย เฒ้ย ม่าย อัมมีชัดได เญย ตอน, อาหิเยเซ.

26นิ่น เญย กวั้น ม่าย จุ๊ หว่าน อี ธิน เธี้ยด แป๊ะ เต้า.

27อาเซ ฝีง อ๋อย หฒุ ธอง ด๊บ-ลิ่ว นิด เจี๊ยน ดาน ฝีง. อาเซ ฝีง เญย เปย๊ย เฒ้ย ม่าย โอคาน เญย ตอน, ปากีเอน.

28นิ่น เญย กวั้น ม่าย เปยย หว่าน เหยียด ธิน ฮม์ แป๊ะ เต้า.

29เจี๋ย มี่ง, นับทาลี ฝีง อ๋อย หฒุ ธอง ด๊บ-ลิ่ว นิด เจี๊ยน. นับทาลี ฝีง เญย เปย๊ย เฒ้ย ม่าย เอนัน เญย ตอน, อาหิลา.

30นิ่น เญย กวั้น ม่าย ปยา หว่าน ปัว ธิน เฝย แป๊ะ เต้า.

31เปียะ ดาน ฝีง วั้ว ปูง เหยียด ฒู้ง ม่าย เหยียด สิน ปยา หว่าน เสี่ย ธิน หลัวะ แป๊ะ เต้า. ธ้วด เจ๊า เญย เฒี่ยง โห่ นิ่น บัว โหฒว ฆะฮ้า ลาย วั้ว กวั้น หย่า เยียม กั้น เญย เก้ กะเดี๊ย.

32น้าย เซ อิสะลาเอน เมี่ยน หฒิว นิ่น บัว เญย เมี่ยน โฮ์ว ซ้าว. เยียม ด๊บ-ลิ่ว เธี้ยง หฒิว นิ่น บัว เญย กวั้น ซ้าว ต้าย เหยียด ฒู้ง ม่าย จุ๊ สิน ปัว ธิน ฮม์ แป๊ะ ฮม์ เหฒียบ เต้า เมี่ยน.

33มป่า เลวี เมี่ยน ไม้ ตุ๊ ซ้าว เปียะ วั้ว เต๋ย อิสะลาเอน เมี่ยน ฮนั้ง เฒี้ยว พ้าย โมเซ นอ.

34อิสะลาเอน เมี่ยน ฯฒฯ โหฒว เหฑ่ง หฒิว เฒี้ยว พ้าย โมเซ เญย หว่า. นิ่น บัว ฮนั้ง น้าย นอ เยียม นิ่น บัว เญย เก้ กะเดี๊ย ธอง ด๊บ-ลิ่ว. เก๊าะ-เมี่ยน หย่า หฒิว เก๊าะ-เมี่ยน เญย ฝีง ฮนั้ง วั้ว นอ ธ้วด เจ๊า.

← Chapter 1 Jump to: Chapter 3 →