Numbers 30

Mien Bible (Thai Script) © Thailand Bible Society, 2007

← Chapter 29 Jump to: Chapter 31 →

1โมเซ ก๊อง บั๋ว ฝีงๆ อิสะลาเอน เมี่ยน เญย เปย๊ย เฒ้ย, “น้าย เซ เฒี้ยว พ้าย เญย หว่า.

2สี ก๊อง หาย เต้า แล์ง แหง่ง หว่า ปุน เฒี้ยว ไฟ โฮ้ว กั้น โหฒว เหยียด หญู่ง, นิ่น หย่า ไม้ ตู๋ง ปุน นิ่น เญย หว่า ด๊อด. อ๋อย หฒุ เอย เหฑ่ง นิ่น แล์ง เญย โจ๋วๆ หว่า โหฒว.

3“สี ก๊อง หาย เต้า เซียะ หธ่อ เยียม เจี๊ยน นิ่น เญย เตีย เญย เปย๊า วั้ว หฒั่น แล์ง แหง่ง หว่า ปุน เฒี้ยว ไฟ โฮ้ว กั้น โหฒว เหยียด หญู่ง,

4นิ่น เญย เตีย เยี้ยด ไฮ์ เถา นิ่น แล์ง เญย ไฟ โฮ้ว เญย หว่า หย่า ไม้ ก๊อง หาย หญู่ง, นิ่น แล์ง เญย เหธา โฮ้ว เญย โจ๋วๆ หว่า ฯฒฯ เยียม เจี๊ยน อ๊ะ.

5มป่า สี ก๊อง นิ่น เญย เตีย เยี้ยด ไฮ์ วั้ว หฒั่น ล่าน เจี๊ยน, ไม้ ปุน นิ่น โหฒว, นิ่น แล์ง เญย เหธา โฮ้ว เญย หว่า เหยียด ฒู้ง ฯฒฯ ป่า หมี่ อ๊ะ. เฒี้ยว ฯฒฯ กวั่ง ปุน นิ่น อ๊ะ, เหว่ย หฒุ นิ่น เญย เตีย ไม้ คั้ง ปุน นิ่น เอย เจี๊ยน โหฒว.

6“สี ก๊อง เซียะ ไม้ แก้ง ตอง จา เญย เฒี่ยง โห่ แล์ง แหง่ง หว่า, ไม้ กุ๊น หฒะเก้ง แล์ง ไฟ หละไกว้ แล์ง, ไฟ นิ่น โฮ้ว กั้น โหฒว เหยียด หญู่ง, ฆะฮ้า นิ่น ตอง จา,

7นิ่น เญย โหฆ ไฮ์ นิ่น ฮนั้ง น้าย แล์ง หย่า ไม้ ก๊อง หาย หญู่ง นอ, นิ่น แล์ง เญย ไฟ โฮ้ว เญย หว่า หธ่อ เยียม เญย.

8มป่า สี ก๊อง นิ่น เญย โหฆ ไฮ์ เญย เฒี่ยง โห่ ล่าน เจี๊ยน, ไม้ ปุน นิ่น โหฒว, นิ่น แล์ง เญย ไฟ โฮ้ว เญย, ไม้ กุ๊น หฒะเก้ง แล์ง ไฟ หละไกว้ แล์ง เญย หว่า, เหยียด ฒู้ง ฯฒฯ ป่า หมี่ อ๊ะ. เฒี้ยว หย่า อ๋อย กวั่ง ปุน นิ่น.

9“หาย เต้า เอ๊า-กว๊า ไฟ เอ๊า-เล่ย แล์ง แหง่ง หว่า ไฟ โฮ้ว กั้น โหฒว เหยียด หญู่ง, นิ่น อ๋อย หฒุ เอย เจี๊ยน วั้ว เต๋ย หว่า โหฒว เหฑ่ง.

10“สี ก๊อง ม่าย จา เญย มเซียะ ตอน แล์ง แหง่ง หว่า ไฟ โฮ้ว กั้น โหฒว เหยียด หญู่ง,

11นิ่น เญย โหฆ ไฮ์ หย่า ไม้ ก๊อง หาย หญู่ง, ไม้ ล่าน นิ่น, นิ่น แล์ง เญย เหธา โฮ้ว เญย เหยียด ฒู้ง ฯฒฯ เยียม เญย.

12มป่า สี ก๊อง โหฆ เยี้ยด ไฮ์ นิ่น ฮนั้ง วั้ว นอ แล์ง หย่า ล่าน เจี๊ยน, ไม้ ปุน นิ่น เอย เจี๊ยน โหฒว, นิ่น แล์ง เญย เหธา โฮ้ว เญย ฯฒฯ ป่า หมี่ อ๊ะ. เหว่ย หฒุ นิ่น เญย โหฆ ล่าน เจี๊ยน ไม้ ปุน นิ่น โหฒว, เฒี้ยว ฯฒฯ กวั่ง ปุน นิ่น หมี่ อ๊ะ.

13ไม้ กุ๊น เอ๊า แล์ง หาย หญู่ง ไฟ โฮ้ว กั้น โหฒว เหยียด หญู่ง หย่า เฒ์ย, นิ่น เญย โหฆ ม่าย เล์ย ตี่ง ปุน นิ่น เอย เจี๊ยน โหฒว ไฟ ไม้ ปุน นิ่น โหฒว.

14มป่า สี ก๊อง ฮนอย เจี๋ย ฮนอย โหฆ ไม้ ก๊อง หาย หญู่ง, เซ ฝุน ตี่ง ปุน นิ่น เอย นิ่น แล์ง เญย หว่า โหฒว. เหว่ย หฒุ โหฆ ไฮ์ วั้ว ฮนอย หย่า ไม้ ก๊อง หาย หญู่ง หธีง ฝุน นิ่น ตี่ง ปุน นิ่น เญย เอ๊า เอย เจี๊ยน โหฒว.

15สี ก๊อง โหฆ ไฮ์ ลิ์ว มป่า ฆะฮ้า หธีง ต้าย ล่าน เจี๊ยน, ไม้ ปุน เอ๊า เอย นิ่น แล์ง เญย หว่า โหฒว, โหฆ กั้น อ๋อย หฒุ ดาม เอ๊า เญย ฒุ์ย.”

16น้าย เซ เฒี้ยว จิว ปุน โมเซ เญย เล์ย ก๊อง ไม้ ม่าย จา เญย เซียะ หธ่อ เยียม เตีย เญย เปย๊า ไฟ ม่าย จา เญย มเซียะ ตอน แล์ง แหง่ง หว่า เญย เจ๊า.

← Chapter 29 Jump to: Chapter 31 →