Numbers 33 — Mien Bible (Thai Script) © Thailand Bible Society, 2007

1น้าย เซ อิสะลาเอน เมี่ยน หฒิว นิ่น บัว เญย กวั้น เยียม โมเซ เหธา อาโลน เญย ปั์ว-เดี๊ย ธ้วด อียิบ เต่ย-ปูง, เหยียด คัง เจี๋ย เหยียด คัง เญย เจ๊า-โหล่ว.

2หฒิว เฒี้ยว พ้าย เญย หว่า, โมเซ เฟี้ย เจี๊ยน เหยียด คัง เจี๋ย เหยียด คัง ฮนั้ง น้าย.

3ฒี่ หฮลา, เหฒียบ ฮม์ วั้ว ฮนอย, ต้ง เสีย แหม่ง ฒิบ ฆะฮ้า วั้ว ฮนอย, อิสะลาเอน เมี่ยน เยียม ลามาเสด ตอง เจี๊ยน อียิบ เมี่ยน ปู๋ง หล่าง เญย ธ้วด เจ๊า มี่ง.

4วั้ว หฒั่น อียิบ เมี่ยน เตง เจี๊ยน ปย๊บ นิ่น บัว เญย หฒวัง ตอน-หละเก๊า. น้าย เซ เฒี้ยว เยียม นิ่น บัว บุด๋ง ไต๋ วั้ว เต๋ย, เหว่ย หฒุ เฒี้ยว ตี่ง นิ่น บัว เญย เฒี่ยน เญย ฒุ์ย.

5อิสะลาเอน เมี่ยน ธ้วด ลามาเสด ซุ้ย มี่ง ธอง ด๊บ-ลิ่ว เธี้ยง เยียม สุกโค้ด.

6นิ่น บัว ธ้วด สุกโค้ด แอ๋ง ซุ้ย มี่ง เหลียบ เธี้ยง เยียม เต่ย-ปูง-ฮวาง เญย กะเฮลน, เอทาม วั้ว.

7นิ่น บัว ธ้วด เอทาม, ต๋าว ซิน หฑวน เถา ปีหะหิโล้ด, เยียม บาอันเซโฟน ตง ปูง แหมง, แอ๋ง เหลียบ เธี้ยง เยียม มิกโดน วั้ว.

8นิ่น บัว ธ้วด ปีหะหิโล้ด ยั่ง ค้อย บุด๋ง เจี๋ย เถา เต่ย-ปูง-ฮวาง, ยั่ง เอทาม เต่ย-ปูง-ฮวาง ปัว ฮนอย เญย เจ๊า, แอ๋ง เหลียบ เธี้ยง เยียม มาลา.

9นิ่น บัว ธ้วด มาลา ซุ้ย มี่ง เถา เอลิม เหลียบ เธี้ยง. เยียม หน่าย ม่าย เหฒียบ เหญ่ย นอม ววม-ฒี้ง เหธา เธี้ยด เหฒียบ ฒู่ง ตาว.

10เยียม เอลิม ซุ้ย มี่ง เหลียบ เธี้ยง เยียม ค้อย-ซิ เฮลน.

11เยียม ค้อย-ซิ เฮลน ซุ้ย มี่ง เหลียบ เธี้ยง เยียม สิน เต่ย-ปูง-ฮวาง.

12เยียม สิน เต่ย-ปูง-ฮวาง ซุ้ย มี่ง เหลียบ เธี้ยง เยียม โดฟะคา.

13เยียม โดฟะคา ซุ้ย มี่ง เหลียบ เธี้ยง เยียม อาลู้ด.

14เยียม อาลู้ด ซุ้ย มี่ง เหลียบ เธี้ยง เยียม เลฟีดิม. เยียม วั้ว ไม้ ม่าย ววม ปุน แปะ ฝีง ฮบ.

15เยียม เลฟีดิม ซุ้ย มี่ง เหลียบ เธี้ยง เยียม ซีนาย เต่ย-ปูง-ฮวาง.

16เยียม ซีนาย เต่ย-ปูง-ฮวาง ซุ้ย มี่ง เหลียบ เธี้ยง เยียม ขิบโล้ดหัดตาอาวา.

17เยียม ขิบโล้ดหัดตาอาวา ซุ้ย มี่ง เหลียบ เธี้ยง เยียม ฮาเซโล้ด.

18เยียม ฮาเซโล้ด ซุ้ย มี่ง เหลียบ เธี้ยง เยียม ลิดมา.

19เยียม ลิดมา ซุ้ย มี่ง เหลียบ เธี้ยง เยียม ลิมโมนเปเล้ด.

20เยียม ลิมโมนเปเล้ด ซุ้ย มี่ง เหลียบ เธี้ยง เยียม ลิบนา.

21เยียม ลิบนา ซุ้ย มี่ง เหลียบ เธี้ยง เยียม ลิดสา.

22เยียม ลิดสา ซุ้ย มี่ง เหลียบ เธี้ยง เยียม เคเฮลาทา.

23เยียม เคเฮลาทา ซุ้ย มี่ง เหลียบ เธี้ยง เยียม เซเฟ บง.

24เยียม เซเฟ บง ซุ้ย มี่ง เหลียบ เธี้ยง เยียม ฮาลาดา.

25เยียม ฮาลาดา ซุ้ย มี่ง เหลียบ เธี้ยง เยียม มักเฮโล้ด.

26เยียม มักเฮโล้ด ซุ้ย มี่ง เหลียบ เธี้ยง เยียม ทาหัด.

27เยียม ทาหัด ซุ้ย มี่ง เหลียบ เธี้ยง เยียม เทลา.

28เยียม เทลา ซุ้ย มี่ง เหลียบ เธี้ยง เยียม มิดคา.

29เยียม มิดคา ซุ้ย มี่ง เหลียบ เธี้ยง เยียม ฮัดโมนา.

30เยียม ฮัดโมนา ซุ้ย มี่ง เหลียบ เธี้ยง เยียม โมเสโล้ด.

31เยียม โมเสโล้ด ซุ้ย มี่ง เหลียบ เธี้ยง เยียม เบเนยาอะคัน.

32เยียม เบเนยาอะคัน ซุ้ย มี่ง เหลียบ เธี้ยง เยียม โฮฮักกีดกาด.

33เยียม โฮฮักกีดกาด ซุ้ย มี่ง เหลียบ เธี้ยง เยียม โย้ดบาทา.

34เยียม โย้ดบาทา ซุ้ย มี่ง เหลียบ เธี้ยง เยียม อับโลนา.

35เยียม อับโลนา ซุ้ย มี่ง เหลียบ เธี้ยง เยียม เอซีโอนเกเบ.

36เยียม เอซีโอนเกเบ ซุ้ย มี่ง เหลียบ เธี้ยง เยียม ซิน เต่ย-ปูง-ฮวาง, เซ คาเดด วั้ว.

37เยียม คาเดด ซุ้ย มี่ง เหลียบ เธี้ยง เยียม โฮอา บง, เอโดม เต่ย เญย กั๊บ-จ๋าย.

38อาโลน ไซ เมี่ยน หฒิว เฒี้ยว เญย หว่า ฝาว โฮอา บง, เยียม วั้ว เกวย เสย หมี่ อ๊ะ. น้าย เซ ต๋อย อิสะลาเอน เมี่ยน ธ้วด อียิบ เต่ย-ปูง ฆะฮ้า เฝย เหฒียบ หฮญัง วั้ว หฮญัง, ฮม์ หฮลา, แซง-เยี้ยด.

39อาโลน เยียม โฮอา บง เกวย เสย วั้ว หฒั่น, นิ่น เญย หฮญัง-เจ๊ย ตุ๊ เหยียด แป๊ะ หญี่ เหฒียบ ฟาม หฮญัง.

40คานาอัน เมี่ยน, อาล้าด ฒี่ง เญย ฮู่ง, ต้ง เยียม เนเกบ วั้ว นอม ต๋อง, ไฮ์ ก๊อง อิสะลาเอน เมี่ยน เถา อ๊ะ.

41อิสะลาเอน เมี่ยน เยียม โฮอา บง ซุ้ย มี่ง เหลียบ เธี้ยง เยียม สันโมนา.

42เยียม สันโมนา ซุ้ย มี่ง เหลียบ เธี้ยง เยียม ปูโนน.

43เยียม ปูโนน ซุ้ย มี่ง เหลียบ เธี้ยง เยียม โอโบด.

44เยียม โอโบด ซุ้ย มี่ง เหลียบ เธี้ยง เยียม อีเยอาบาลิม, โมอับ เญย กั๊บ-จ๋าย.

45เยียม อีเยอาบาลิม ซุ้ย มี่ง เหลียบ เธี้ยง เยียม ดีโบนกาด.

46เยียม ดีโบนกาด ซุ้ย มี่ง เหลียบ เธี้ยง เยียม อันโมนดิบลาทาอิม.

47เยียม อันโมนดิบลาทาอิม ซุ้ย มี่ง เหลียบ เธี้ยง เยียม อาบาลิม บง, นิด เนโบ บง.

48เยียม อาบาลิม บง ซุ้ย มี่ง เหลียบ เธี้ยง เยียม โมอับ เดา-แป้ง, จอแดน ด้าย เฮลน, เยลีโค ฒี่ง ต๋อย-หง่าน.

49นิ่น บัว ธอง ด๊บ-ลิ่ว เฒว่ย จอแดน ด้าย เฮลน เยียม เบดเยซิโม้ด มี่ง เถา อาเบนซิดทิม.

50เยียม โมอับ เดา-แป้ง, จอแดน ด้าย เฮลน, เยลีโค ฒี่ง ต๋อย-หง่าน, เฒี้ยว ก๊อง บั๋ว โมเซ,

51อ๋อย หฒุ บั๋ว อิสะลาเอน เมี่ยน, “เม่ย บัว เจี๋ย จอแดน ด้าย เปียะ คานาอัน เต่ย-ปูง วั้ว หฒั่น,

52อ๋อย หฒุ หฒุ่น เยียม วั้ว เญย ป๊วน-เต่ย เมี่ยน ธ้วด เหฑ่ง, เหมียด นิ่น บัว หฒุ ต้าย เญย หละเปย๊ย-ฝัง เหธา หล่ง ฒ่อง โต๋ ต้าย เญย หมิ่ว-ฝัง. เหยียด ฒู้ง เยียม ฮลัง ป๋าย เฒี่ยน เญย ต๋อง หย่า อ๋อย หฒุ เหมียด เหฑ่ง.

53กุ๊น เปียะ มี่ง หล่ง น้าย นอม เต่ย-ปูง เหลียบ เม่ย บัว เญย งว์า-กอน, เหว่ย หฒุ เยีย จิว ปุน เม่ย บัว หฑิบ หมี่ อ๊ะ.

54อ๋อย หฒุ หฒิว เม่ย บัว เญย ฝีง ตี่ง แหม่ง หมั่ง, เฒาะ เดา พ้าย ปุน ฆอย. หาย ฝีง ธั้ม, อ๋อย หฒุ พ้าย ปุน นิ่น บัว หฑิบ จั๊ง. หาย ฝีง โหฒะ, ปุน นิ่น บัว หฑิบ เก้า เหบ. หาย เต้า ด๊อด หฒุ หาย เต๋ย เดา, วั้ว เต้า อ๋อย หฒุ หล่ง วั้ว เต๋ย. อ๋อย หฒุ หฒิว เม่ย บัว อง-ถาย เญย ฝีง พ้าย.

55“สี ก๊อง เม่ย บัว ไม้ หฒุ่น ป๊วน-เต่ย เมี่ยน ธ้วด, เม่ย บัว หธ่อ เลี่ยว เจี๊ยน วั้ว เต๋ย ฯฒฯ โหฒว ฌิ้ม เยียม เม่ย บัว เญย มฒีง หย่า โหฒว เหธย เยียม เม่ย บัว เญย หละญ้าบ. เม่ย บัว เปียะ มี่ง เยียม วั้ว นอม เต่ย-ปูง เญย เฒี่ยง โห่, นิ่น บัว อ๋อย หฒั่นๆ หละเญ้า เม่ย บัว.

56เยีย ฯฒฯ โหฒว ปุน เม่ย บัว ฮนั้ง เยีย ตี่ง โหฒว ปุน นิ่น บัว นอ.”