Numbers 32

Mien Bible (Thai Script) © Thailand Bible Society, 2007

1ลูเบน ฝีง เหธา กาด ฝีง ม่าย ง่ง, ม่าย ปะกี ยู่ง ธั้ม ไห่. นิ่น บัว ปวัด ยาเซ เหธา กิเลอาด เต่ย คู่ ยู์ง แซง-คู้ ไห่,

2ฯฒฯ มี่ง บั๋ว โมเซ เหธา เอเลอาซา ไซ เมี่ยน เหธา แปะ ฝีง เญย เปย๊ย เฒ้ย,

3“ เฒี้ยว เถง อิสะลาเอน เมี่ยน ธ้าง ต้าย เญย เต่ย-ปูง ม่าย อาทาโล้ด ฒี่ง, ดีโบน, ยาเซ, นิมลา, เฮ้ดโบน, เอเลอาเล, เสบาม, เนโบ, เหธา เบโอน ฒี่ง. เซ คู่ ยู์ง แซง-คู้ ไห่. เยีย บัว, เม่ย เญย โปว, หย่า ม่าย ง่ง ม่าย ปะกี ยู่ง ธั้ม ไห่.”

5นิ่น บัว แอ๋ง ก๊อง, “สี ก๊อง เยีย บัว หอบ เม่ย เญย เฮญี้ยว, โท้ ปุน น้าย นอม เต่ย-ปูง เป๋น เยีย บัว เญย ป่วน. โท้ ไม้ ตู๋ง ต้อ เยีย บัว เจี๋ย วั้ว หง่าน หฒิ จอแดน ด้าย เยียม.”

6โมเซ เตา กาด ฝีง เหธา ลูเบน ฝีง, “อ๋อย ปุน เม่ย บัว เญย ก๋อ-โย์ว ธ้วด มี่ง เบ๊าะ จ๋า มป่า เม่ย บัว กั้น ขูง เฒว์ย เจี๊ยน น้าย?

7เม่ย บัว เหว่ย หาย ติ่ว อ๋อย ปุน อิสะลาเอน เมี่ยน เฮญี้ยว เมา ฯฒฯ ไม้ เจี๋ย วั้ว หง่าน เปียะ เฒี้ยว เหธย ปุน เม่ย บัว วั้ว นอม เต่ย-ปูง?

8ฒิ่น ด่าง เยียม คาเดดบาเนีย วั้ว หฒั่น, เยีย พ้าย เม่ย บัว เญย เตีย มี่ง ฒ่า วั้ว นอม เต่ย-ปูง เญย เฒี่ยง โห่, นิ่น บัว ฮนั้ง น้าย นอ โหฒว.

9มี่ง เถา เอดโค ฮ์อง, ฒ่า ลิ์ว วั้ว นอม เต่ย-ปูง หฑวน ต้าย วั้ว หฒั่น, นิ่น บัว โหฒว ปุน หฒวัง แปะ ฝีง เฮญี้ยว เมา, ไม้ เปียะ เฒี้ยว เหธย ปุน เญย เต่ย-ปูง.

10ต้ง วั้ว ฮนอย เฒี้ยว เฉีย เจี์ย ไห่ ฯฒฯ โฮ้ว เจี๊ยน ก๊อง,

11‘ตะฟ่าน เยียม อียิบ เต่ย-ปูง ธ้วด เญย เมี่ยน, หฮญัง-เจ๊ย หญี่ เหฒียบ หฮญัง ฝาว แหมง เญย มจั่ง ตอน, หลาย นิ่น บัว ไม้ หล่ง เหฑ่ง เฮญี้ยว กัน เยีย, ฮนั้ง หาย ฒู้ง ไม้ ม่าย เหยียด เต้า ตุ๊ ปวัด เยีย แล์ง แหง่ง หว่า ปุน อับลาฮัม, อีสัก เหธา ยาโค้บ วั้ว นอม เต่ย-ปูง.

12ขูง ม่าย เคนัด เมี่ยน, เยฟุนเน เญย ตอน, คาเล้บ, เหธา นุน เญย ตอน, โยซูวา, ตุ๊ ปวัด, เหว่ย หฒุ นิ่น บัว อี เต้า หล่ง เหฑ่ง เฮญี้ยว กัน เยีย.’

13เฒี้ยว ฯฒฯ เฉีย เจี์ย ไห่ อิสะลาเอน เมี่ยน, ปุน นิ่น บัว โย่ว มี่ง โย่ว ต้าย เยียม วั้ว เต่ย-ปูง-ฮวาง เฝย เหฒียบ หฮญัง, ฒั้ว เยียม นิ่น เญย หฑะเฮมียน โหฒว หว่าย วั้ว ต่อย เมี่ยน เหยียด ฒู้ง ไต่ เหฑ่ง.

14“อี้ หฒั่น หมั่ง ก๋า! เม่ย บัว หฑิบ เจี๊ยน เม่ย บัว เญย เตีย เป๋น กั้น ปาน ฒุ์ย-เมี่ยน, อ๋อย โหฒว ปุน เฒี้ยว เก้า ฟัด เฉีย เจี์ย อิสะลาเอน เมี่ยน.

15สี ก๊อง เม่ย บัว ฮวิน ฆาง, ไม้ กัน นิ่น, นิ่น อ๋อย ปุน น้าย เต๋ย หฒวัง เมี่ยน แอ๋ง หฒุ เยียม เต่ย-ปูง-ฮวาง, หย่า หลาย เม่ย บัว ปุน นิ่น บัว หฒุ เหมียด เหฑ่ง.”

16นิ่น บัว ฯฒฯ มี่ง ฟัด เต๋ย โมเซ หย่า ก๊อง, “เยีย บัว อ๋อย เยียม น้าย โหฒว หลาด เว่ย ยู่ง เหธา ปะกี ยู่ง, หย่า เหธย ฒี่ง หลาด เหว่ย เปว เจี๊ยน เยีย บัว เญย เอ๊า-เจว๊ย.

17เยีย บัว กั้น แอ๊ะ, อ๋อย ต้อ เบ๊าะ จ๋า เญย หวัวะ กิ่น มี่ง ด่าง อิสะลาเอน เมี่ยน, ฒั้ว นิ่น บัว เหยียด ฒู้ง เถา นิ่น บัว เญย ต๋อง. มป่า เยีย บัว เญย เอ๊า-เจว๊ย อ๋อย หฒุ เยียม น้าย เว่ย ว้วน เญย ฒี่ง เหว่ย บู้ง น้าย นอม เต่ย-ปูง เญย เมี่ยน.

18เยีย บัว ไม้ หฑวน เปย๊า, ฒั้ว เถา โม์ว เต้า อิสะลาเอน เมี่ยน ตุ๊ ฒิบ นิ่น บัว หฑิบ เญย ป่วน.

19เยีย บัว ไม้ เหธา นิ่น บัว เยียม วั้ว ปูง จอแดน ด้าย หฑิบ หาย หญู่ง เหว่ย หฒุ เยีย บัว ตุ๊ หฑิบ เญย ป่วน เซ เยียม น้าย ปูง จอแดน ด้าย ตง ปูง แหมง.”

20โมเซ ฯฒฯ ก๊อง บั๋ว นิ่น บัว, “สี ก๊อง เม่ย บัว หฒะเก้ง เอย เม่ย บัว เญย หว่า โหฒว, เยียม เฒี้ยว เญย หฑะเฮมียน ต้อ เจี๊ยน หวัวะ กิ่น ธ้วด มี่ง เบ๊าะ จ๋า,

21เม่ย บัว เหยียด ฒู้ง ต้อ หวัวะ กิ่น เญย เมี่ยน หย่า เยียม เฒี้ยว เญย หฑะเฮมียน เจี๋ย จอแดน ด้าย ฒั้ว เฒี้ยว หฒุ่น นิ่น เญย วิน-วั้ง ถุย ธ้วด,

22วั้ว นอม เต่ย-ปูง หย่า เกวย เหฑ่ง เฒี้ยว, ฆะฮ้า เม่ย บัว ไฮ่ หฑวน ต้าย. แล์ง ปุน เฒี้ยว เหธา อิสะลาเอน เมี่ยน เญย หว่า หย่า ซูง หมี่ อ๊ะ. น้าย นอม เต่ย-ปูง เยียม เฒี้ยว เญย หฑะเฮมียน เป๋น เม่ย บัว หฑิบ เญย ป่วน.

23“มป่า สี ก๊อง เม่ย บัว ไม้ เอย เจี๊ยน เม่ย บัว แล์ง เญย หว่า โหฒว, เม่ย บัว ฯฒฯ ป์าม ฒุ์ย ต่อง เฒี้ยว, หย่า เหว่ย กั้น โหฒว เญย ด่ง หาย ฒู้ง หฒุ ตี่ง ฒุ์ย.

24กุ๊น เหธย ฒี่ง เหว่ย เม่ย บัว เญย เอ๊า-เจว๊ย หย่า โหฒว หลาด หววน เจี๊ยน เม่ย บัว เญย ยู่ง เหธา ปะกี ยู่ง. มป่า อ๋อย หฒุ เอย เจี๊ยน เม่ย บัว แล์ง ลิ์ว เญย หว่า โหฒว.”

25กาด ฝีง เหธา ลูเบน ฝีง เญย เมี่ยน ก๊อง บั๋ว โมเซ, “เยีย บัว, เม่ย เญย โปว, อ๋อย เอย เจี๊ยน เม่ย, เยีย บัว เญย เฒี้ยว, บั๋ว เญย หว่า โหฒว.

26เยีย บัว เญย เอ๊า-เจว๊ย, ง่ง, ยู่ง เหธา ปะกี ยู่ง, อ๋อย หฒุ เยียม น้าย กิเลอาด เต่ย เญย นอมๆ ฒี่ง.

27มป่า เยีย บัว, เม่ย เญย โปว, เต้าๆ มจั่ง ตอน, อ๋อย ต้อ เจี๊ยน เบ๊าะ จ๋า เญย หวัวะ กิ่น เยียม เฒี้ยว เญย หฑะเฮมียน เจี๋ย ด้าย เบ๊าะ จ๋า, ฮนั้ง เม่ย, เยีย บัว เญย เฒี้ยว, ก๊อง นอ.”

28โมเซ เหว่ย น้าย เต๋ย เมี่ยน พ้าย หว่า บั๋ว เอเลอาซา ไซ เมี่ยน เหธา นุน เญย ตอน, โยซูวา, เหธา ฝีงๆ อิสะลาเอน เมี่ยน เญย เปย๊ย เฒ้ย.

29นิ่น ก๊อง, “สี ก๊อง กาด ฝีง เหธา ลูเบน ฝีง, เหยียด ฒู้ง มจั่ง ตอน, ต้อ เจี๊ยน เบ๊าะ จ๋า เญย หวัวะ กิ่น, เหธา เจี๊ยน เม่ย บัว เยียม เฒี้ยว เญย หฑะเฮมียน เจี๋ย วั้ว หง่าน หฒิ จอแดน ด้าย, วั้ว นอม เต่ย-ปูง หย่า เกวย เหฑ่ง เม่ย บัว, เม่ย บัว อ๋อย หฒุ เฒาะ กิเลอาด เต่ย โหฒว นิ่น บัว หฑิบ เญย ป่วน.

30มป่า สี ก๊อง นิ่น บัว ไม้ ต้อ หวัวะ กิ่น เหธา เจี๊ยน เม่ย บัว เจี๋ย วั้ว หง่าน, นิ่น บัว ตุ๊ หฑิบ เญย ป่วน อ๋อย หฒุ เหธา เม่ย บัว เยียม คานาอัน เต่ย.”

31กาด เหธา ลูเบน เมี่ยน เตา, “ เฒี้ยว ทิน-ฮู่ง ฮนั้ง หาย นอ บั๋ว เยีย บัว, เม่ย เญย โปว, เยีย บัว ฯฒฯ ฮนั้ง วั้ว นอ โหฒว.

32เยีย บัว อ๋อย ต้อ หวัวะ กิ่น เยียม เฒี้ยว เญย หฑะเฮมียน เปียะ คานาอัน เต่ย-ปูง, มป่า เยีย บัว ตุ๊ หฑิบ เญย ป่วน เซ เยียม น้าย ปูง จอแดน ด้าย.”

33โมเซ ฯฒฯ จิว น้าย เต๋ย เต่ย-ปูง ปุน กาด ฝีง เหธา ลูเบน ฝีง แอ๋ง เหธา โยเซ้บ เญย ตอน, มะนัดเส, เญย ด๊าม-ฝีง. นิ่น เฒาะ อาโมไล เมี่ยน เญย สิโหน ฮู่ง เญย กั๊วะ, เหธา บาซาน เญย ฮู่ง, โอก, เญย กั๊วะ, เลี่ยม วั้ว นอม เต่ย-ปูง เญย นอมๆ ฒี่ง เหธา เว่ย ก๋อม เญย เต่ย จิว ปุน นิ่น บัว.

34กาด ฝีง แอ๋ง เหธย ดีโบน ฒี่ง, อาทาโล้ด, อาโลเอ,

35อัดโล้ดโซฟาน, ยาเซ, โย้กเบฮา,

36เบดนิมลา เหธา เบดฮาลาน, โหฒว ฒี่ง หลาด ว้วน เญย เว่ย ก๋อม ฒี่ง. นิ่น บัว แอ๋ง โหฒว ยู่ง เหธา ปะกี ยู่ง เญย ล่าน.

37ลูเบน ฝีง แอ๋ง กั้น เหธย เจี์ย เฮ้ดโบน ฒี่ง, เอเลอาเล เหธา คีลิยาทาอิม,

38หย่า กั้น เหธย เจี์ย เนโบ เหธา บาอันเมโอน, (น้าย เต๋ย บั๋ว ฆะฮ้า ทิ้ว หมี่ อ๊ะ,) เหธา สิบมา. นิ่น บัว แอ๋ง เหว่ย นิ่น บัว เหลียบ ต้าย เญย ฒี่ง ธ้วด บั๋ว.

39มะนัดเส เญย ตอน, มาคีเล, เญย ฟุน-ฟะ มี่ง ธ้าง กิเลอาด เต่ย-ปูง, แอ๋ง หฒุ่น ธ้วด เยียม วั้ว เญย อาโมไล เมี่ยน.

40โมเซ ฯฒฯ เฒาะ กิเลอาด เต่ย ปุน มะนัดเส เญย เฒ้ย-ฟุน, มาคีเล เมี่ยน. นิ่น บัว ฯฒฯ เยียม วั้ว นอม เต่ย-ปูง อ๊ะ.

41มะนัดเส เญย เฒ้ย-ฟุน, จาอี, แอ๋ง ธ้าง กิเลอาด เญย ฟิ้ว-ล์าง หย่า เหว่ย น้าย เต๋ย ฟิ้ว-ล์าง ธ้วด บั๋ว เห่ว ฮาวโว้ดจาอี.

42โนบา ธ้าง เคน้าด เหธา เว่ย ก๋อม เญย ล์าง, แอ๋ง เถง วั้ว นอม ต๋อง ธ้วด บั๋ว นิด นิ่น กั้น เญย บั๋ว, โนบา.

← Chapter 31 Jump to: Chapter 33 →