bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Acts 1
Acts 1
Kamba (Mbivilia) 1956
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 2 →
1
Theovilo, naandĩkie ũvoo wa mbee wa maũndũ onthe ala Yesũ wambĩlĩlye kwĩka na kũmanyĩsya,
2
kũvika mũthenya ũla wosiwe ĩũlũ, amina kũmatiĩa atũmwa ala wanyuvie mĩao e nthĩnĩ wa Veva Mũtheu:
3
na nĩweyonanisye mwene kwamo na mawonan’yo maingĩ ma w’o, e thayũ, ĩtina wa kũnyamaa kwake, akĩmaumĩlĩla ĩvinda ya mĩthenya mĩongo ĩna, na aineena maũndũ ma ũsumbĩ wa Ngai:
4
na ombanĩte nao, ameaĩa maikaume Yelusaleme, ĩndĩ meteele watho wa Asa, ũla mweewie nakwa:
5
nũndũ nĩ w’o Yoana nĩwavatisie na kĩw’ũ; ĩndĩ inyw’ĩ mũkavatiswa na Veva Mũtheu ĩtina wa mĩthenya mĩvũthũ.
6
Na indĩ, yĩla moombanĩte vamwe, mamũkũlya, maiasya, Mwĩaĩĩ, ũkatũngĩa Isilaeli ũsumbĩ ĩvinda yĩĩ twĩ nayo?
7
Nake amea, Ti ũndũ wenyu kũmanya syathĩ na mavinda, ala Asa wiĩte ũkũmũnĩ wake mwene.
8
Ĩndĩ mũkoosa vinya, yĩla Veva Mũtheu wĩũka ĩũlũ wenyu: na mũkeethĩwa mwĩ ngũsĩ syakwa Yelusaleme, na Yutia yonthe, na Samalia, na kũvika itulu sya nthĩ.
9
Na amina kũneena maũndũ asu, ambatw’a ĩũlũ masyaĩtye; na ĩthweo yamwosa auma methonĩ moo.
10
Na maketee mũno ĩtunĩ eyĩendee, sisya, aũme elĩ maũngama nao mekĩĩte ngũa nzaũ;
11
nao masya, Inyw’ĩ andũ ma Kalilii, nĩkĩ mũkũũngama mũkĩsisya ĩtunĩ? Yesũ ũsu, ũla woswa ĩũlũ ĩtunĩ kuma vala mũĩ, akooka o ta ũu, o ũndũ mwamwona aithi ĩtunĩ.
12
Na indĩ maalũka Yelusaleme mauma kĩĩma kĩtawa Oliveti, kĩla kĩ vakuvĩ na Yelusaleme, mũendo wa mũthenya wa savato.
13
Na malika nthĩnĩ, mambata mavota nyũmbanĩ ya ĩũlũ, vala mekalaa; Vetelo na Yoana na Yakovo na Andalea, Vilivu na Thoma, Valitholomayo na Mathayo, Yakovo wa Alivaio, na Simoni Nzelote, na Yutasi wa Yakovo.
14
Asu onthe mekalaa na ngoo ĩmwe makĩvoya na kĩthing’ĩĩsyo, vamwe na ala aka, na Meli, inyia wa Yesũ, na ana‐a‐inyia make.
15
Na mĩthenya ĩsu Vetelo aũngamie kati wa ana‐a‐ĩthe, na asya, (na maĩ aingĩ mombanĩte vamwe, ũtalo woo waĩ ta ĩana na mĩongo ĩlĩ),
16
Ana‐a‐asa, nĩkwaĩle ũla ũandĩko wĩanĩw’e, ũla Veva Mũtheu wambie ũneena na kanyw’a wa Ndaviti ũndũ wa Yutasi, ũla waĩ mũtongoi wa ala mamũkwatie Yesũ.
17
Nĩkwĩthiwa atalĩlanaw’a naitũ, na nĩwosie kĩanda kyake ũthũkũminĩ ũũ.
18
(Na ĩndĩ mũndũ ũsu athooie mũũnda na ĩtuvi ya ũthũku wake; na avalũka na ĩvu, aatũkanĩla katĩ, na maa make onthe metĩka.
19
Na ũndũ ũsu wamanyĩkie nĩ onthe ala matwĩe Yelusaleme; na ũu watumie mũũnda ũsu wĩtwa kĩthyomonĩ kyoo Akelitama, na ũalyũlo wayo nĩ, Mũũnda wa nthakame.)
20
Nũndũ nĩkũandĩkĩtwe ĩvukunĩ ya Savuli, Ũtũo wake nĩwĩthĩwe mũthei, Na mũndũ o na wĩva ndakaaũtũe: na, Ũsyaĩĩsyo wake nĩwoswe nĩ ũngĩ.
21
Kwondũ wa ũu, nĩkwaĩle mũndũ ũmwe wa asu ala maatĩanĩe naitũ mĩthenya yonthe ĩla Mwĩaĩi Yesũ wavotaa na kuma katĩ waitũ,
22
kuma ũvatiso wa Yoana, kũvika mũthenya ũla wosiwe ĩũlũ kuma vala tũĩ, ethĩwe ngũsĩ ya kũthayũũka kwake, vamwe naitũ.
23
Na maia andũ elĩ, Yosevu wetawa Valisava, ũla waĩ na syĩtwa yĩngĩ Yusito, na Mathia.
24
Na mavoya, maiasya, We, Mwĩaĩi, ũla wĩsĩ ngoo sya andũ onthe, twon’ye ũla ũnyuvĩte wa aa elĩ,
25
ose ũthũkũmi na ũtũme ũũ, ũla waumiwe nĩ Yutasi nĩ kana aende vandũ vake mwene.
26
Nao malimana na wamũvalũkĩla Mathia; nake atalanĩlwa vamwe na ala atũmwa ĩkũmi na ũmwe.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28