bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Acts 23
Acts 23
Kamba (Mbivilia) 1956
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 24 →
1
Na Vaulo, aimĩketeea ĩla nzama, asya, Ana‐a‐asa, nĩnekalĩtye thayũ wakwa mbee wa Ngai na wasya wa ngoo mũtheu kũvika ũmũnthĩ.
2
Na mũthembi mũnene Anania ameaĩa ala maũngeme na Vaulo mamũkũne kanyw’a.
3
Na ĩndĩ Vaulo amwĩa, Ngai nũkilĩlye ũkũkũna we, ũvai ũvakĩtwe ĩa: naku wĩkalĩte kũnzilĩla nyie kwĩanana na ĩla mĩao, naku wĩtw’a kana nĩkũnwe ũndũ ũvĩtanĩte na ĩla mĩao?
4
Na ala maũngyĩ ũtee masya, Wĩmũuma mũthembi mũnene wa Ngai?
5
Na Vaũlo asya, Ndyĩĩsĩ, ana‐a‐asa, kana we nĩ mũthembi mũnene: nũndũ nĩkũaandĩkĩtwe, Ndũkanenee mũnene wa andũ maku naĩ.
6
Ĩndĩ Vaulo oona kana kĩlungu kĩmwe kya nzama nĩ Asatukai, na kĩla kĩngĩ nĩ Avalisi, aneena mũno katĩ wa nzama, aiasya, Ana‐a‐asa, nyie nĩ Mũvalisi, na nĩ mwana wa Mũvalisi: kwondũ wa wĩkwatyo wa ũthayũũkyo wa akw’ũ nyie nĩngũsilĩlwa.
7
Na asya ũu, kwookĩla ngananĩo katĩ wa Avalisi na Asatukai; na nzama yatilĩkana.
8
Nũndũ Asatukai maasya kũi ũthayũũkyo, o na mũlaĩka, o na veva; ĩndĩ Avalisi nĩmalĩkĩlaa asu elĩ.
9
Na kwookĩla kĩlonzo kĩnene: na aandĩki amwe ma kĩlungu kya Avalisi maũngama na mateta mũno, maiasya, Tũtikwona ũthũku wa mũndũ ũũ: na ethĩwa veva waneena nake, kana mũlaĩka, kwĩ kĩ?
10
Na kwookĩla ngananĩo nene, ũla mũnene wa asikalĩ ngili aikĩa Vaulo ndakese ũkavũlangw’a nĩo, ameaĩa asikalĩ matheee mamumya Vaulo katĩ woo na vinya, na kũmũete ngomenĩ.
11
Na ũtukũ o ũsu Mwĩaĩi aũngama ũtee wake, na asya, Ĩthĩwa, na ũnyiau: nũndũ o tondũ waneenie ũkũsĩ ũndũ wakwa Yelusaleme, o ta ũu mũvaka ũneene ũkũsĩ Lomi.
12
Na kwakya, Ayuti moombana vamwe, na malũman’ya na kũya muma, maiasya kana maiya o na kũnyw’a matamũaĩte Vaulo.
13
Na ala meevĩtie ũu maĩ andũ mathonokete mĩongo ĩna.
14
Namo mooka kwa athembi anene na atumĩa, na mamatavya, Nĩtwĩvĩtie twaya muma mbai, tũikasame kĩndũ o na kĩva, tũtamũaĩte Vaulo.
15
Na ĩndĩ inyw’ĩ vamwe na nzama yonthe mũkamũtavye ũla mũnene wa asikalĩ ngili amũtheesye Vaulo oke mbee wenyu, mũkeke ta mũkwenda kũmanya nesa mbee ũndũ wake: naitũ nĩtwĩyũmbanĩtye kũmũaa atanamba ũthengeea.
16
Ĩndĩ mwĩvae wa Vaulo eew’a ũndũ memwoveesya, athi ngomenĩ na amũtavya Vaulo.
17
Na Vaulo amwĩta mũnene ũmwe wa asikalĩ ĩana, amwĩa, Mũtwae mwanake ũũ kwa ũla mũnene wa asikalĩ ngili; nũndũ e na ũndũ wa ũmũtavya.
18
Nake amwosa, na amũete kwa mũnene ũsu, na asya, Vaulo ũla mwove ambĩta kwake, enda nĩkũetee mwanake ũũ, nake e na ũndũ wa ũkũtavya.
19
Na mũnene ũsu amũkwata kw’oko, athi nake ũtee me nzama na amũkũlya, Nĩ ũndũ mwaũ ũla ũũndavya?
20
Nake amwĩa, Ayuti nĩmew’anĩte kũũvoya we ũmũtheesye Vaulo ũmwie mbee wa nzama ũnĩ, ta ũkwenda kũmanya ũvoo wake nesa mbee.
21
Naku ĩndĩ ndũketĩkĩle ũndũ ũsu woo: nũndũ andũ mathonoka mĩongo ĩna nĩmamwoveesye, nao nĩmaĩe muma, maikaye kana kũnyw’a matamũaĩte Vaulo: na yu nĩmeyũmbanĩtye, meteele watho waku.
22
Na ĩndĩ mũnene ũsu amũeka ũla mwanake athi, aimwĩaĩa atĩĩ, Ndũkatavye mũndũ o na wĩva kana nũmbonetye maũndũ aa.
23
Na ameta anene elĩ ma asikalĩ ĩana moke kwake, na amea, Ũmban’yai asikalĩ maana elĩ ma ũthi Kaisalea, na andũ mĩongo mũonza ala matũlĩte mbalasi, na ala me na matumo nao, maana elĩ, mathi saa itatũ sya ũtukũ:
24
na mbalasi nasyo mũseũvye, nĩ kana mũtonye kũmũtũlya Vaulo, na ũmũtwaa kwa Velike ũla ngavana, mũmũsũvĩĩte.
25
Nake aandĩka valũa ũilyĩ ũũ:
26
Kilautiosi Lisiasi, valũa ũũ wakwa ũmũvikĩe Velĩke, ngavana mũtaĩwa, nũvoo.
27
Mũndũ ũũ nĩwakwatiwe nĩ Ayuti, na makilĩlye kũmũaa, nakwa namatheeea nĩ na asikalĩ na namũtangĩĩa, namanya kana nĩ Mũlomi.
28
Na ngĩmantha kĩla mamũvinganĩĩsye, namũtheesya namũtwaa mbee wa nzama yoo:
29
nakwa noonie kana evinganĩĩw’a nũndũ wa mokũlyo ma mĩao yoo, ĩndĩ kũiaĩ ũndũ ĩũlũ wake ũtuma oawa kana kwovwa.
30
Nakwa nonetwe kana mũndũ ũũ akooveew’a, namũete kwaku oyu, ngĩmeaĩa ala mamũvinganĩsye nao, moke maneene mbee waku ũla me naw’o ĩũlũ wake. Ĩkala na ũvoo.
31
Na ĩndĩ, ala asikalĩ mamwosa Vaulo, o ũndũ meaĩwe, na mamũvikya Andivatili na ũtukũ.
32
Ĩndĩ ũnĩ ũsu masyoka ngomenĩ, mamatia ala matũlĩte mbalasi mathi nake:
33
nao mavika Kaisalea, mamũnenga ngavana ũla valũa, na mamwia Vaulo mbee wake.
34
Nake asoma, amakũlya nĩ mũndũ wa nthĩ yĩva; na amanya kana nĩ mũndũ wa Silisia,
35
asya, Ngakwĩthukĩĩsya vyũ yĩla meũka nao ala makũvinganĩsye: na eeaa asũvĩĩwe nyũmbanĩ ya sila ya Elote.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28