bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Acts 3
Acts 3
Kamba (Mbivilia) 1956
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 4 →
1
Na ĩndĩ Vetelo na Yoana mambatie ĩkalũnĩ ĩvinda ya kũvoya, saa kenda.
2
Na kwaĩ mũndũ ũmwe wasyaiwe e kyonze, nake akuawa, akaiwa kĩla mũthenya mũomonĩ wa ĩkalũ ũla wĩtawa Mwanakavye, avoye ũtethyo kwa ala mavotaa ĩkalũnĩ;
3
nake oona Vetelo na Yoana makĩlika ĩkalũnĩ, amavoya anengwe ũtethyo.
4
Na Vetelo, aimũketeea, vamwe na Yoana, asya, Tũsisye.
5
Na amasisya, akyasya nũnũũnengwa kĩndũ nĩmo.
6
Ĩndĩ Vetelo amwĩa, Ndi na vetha kana thaavu; ĩndĩ kĩla nĩ nakyo, nĩkyo ngũũnenga. Syĩtwanĩ ya Yesũ Klĩsto wa Nasaleti, ĩkinyie.
7
Na amũkwata kw’oko kwa aũme kwake amũkĩlya: na kavinda kau nyaĩĩ syake na maleenyũ ma ngũlimũ syake meekĩwa vinya.
8
Na ookĩla na aũngama, na ambĩlĩlya ũkinya; na avota ĩkalũnĩ vamwe nao, aikinya, na aithaanyũkanga, na amũkumya Ngai.
9
Na andũ onthe mamwona aikinya na aimũkumya Ngai:
10
na mamũmanya, kana niwe ũnekalaa aivoya ũtethyo Mũomonĩ Mwanakavye wa ĩkalũ; mausũwa nĩ kũsaanĩw’a na kũseng’a kwondũ wa ũndũ ũsu wamũkĩtĩkĩa.
11
Na amakwete Vetelo na Yoana, andũ onthe mamombania masembete valasyanĩ ũla wĩtawa wa Solomoni, maiseng’a mũno.
12
Na Vetelo oona ũndũ ũsu, amatavya ala andũ, Ĩnyw’ĩ aũme ma Isilaeli, nĩki mũũseng’a nũndũ wa mũndũ ũũ? Kana nĩkĩ mũtũketeea na metho menyu, ta ithyĩ kwa vinya witũ kana ũseo witũ twatuma ũũ ekinyia?
13
Ngai wa Avalaamu, na wa Isaka, na wa Yakovo, Ngai wa aasa maitũ, nũmũtaĩĩte Mũthũkũmi wake Yesũ; ũla inyw’i mwamũnenganie, na kũmũleela mbee wa Vilato, yĩla we watw’ĩte athaw’e.
14
Ĩndĩ inyw’i mwamũleile Ũla Mũtheu na Mũlũngalu, na mweetya mũnengwe mũaani,
15
na mwamũaa ũsu Mũnene wa thayũ; nake Ngai nĩwamũthayũũkisye kũmumya kwa akw’ũ; naitũ twĩ ngũsĩ sya ũndũ ũsu.
16
Na kwondũ wa mũĩkĩĩo syĩtwanĩ yake, syĩtwa yake nĩyamũnenga mũndũ ũũ vinya, ũũ mũmwene na mũmwĩsĩ: ĩĩ, mũĩkĩĩo ũsu ũla wĩ kwondũ wake, nĩwamũnenga ũũ wĩanĩu ũũ mũima mũwene inyw’onthe.
17
Na yu, ana‐a‐asa, nĩona kana nĩmweekie ũu kwa kũlea kũmanya, na asumbĩki menyu no ta ũu.
18
Ĩndĩ maũndũ ala Ngai wonanisye mbee na makanyw’a ma athani onthe, kana Klĩsto wake akathĩnw’a, nĩweanĩisye ũu.
19
Alyũlai ngoo, ĩndĩ, mwĩthyũũe, naĩ syenyu syanangwe, nĩ kana kũtonye kũka mavinda ma ũvuũkyo kuma ũthyũnĩ wa Mwĩaĩi;
20
na ĩngĩ kana atonye kũmũtũma Klĩsto ũla waiĩtwe kwondũ wenyu, nake nĩwe Yesũ:
21
ũla ĩtu yĩnaaĩlwe nĩ ũmwosa kũvika mavinda ma ũtũnga syĩndũ syonthe syĩthĩwe nzaũ, ala Ngai waneenie na makanyw’a ma athani make atheu, ala mai kw’o kuma tene.
22
Nĩ w’o Mose nĩwaneenie aiasya, Mwĩaĩi Ngai akamũkĩlĩlya mwathani kuma kwa ana‐a‐ĩthe menyu, ũilyĩ takwa; mwĩw’ei maũndũnĩ onthe ala ũkaneena nenyu.
23
Na kũkeethĩwa, kana kĩla mũndũ ũtakamwĩthukĩĩsya mwathani ũsu, akaanangwa vyũ na kumw’a katĩ wa andũ.
24
Ĩĩ, na athani onthe kuma Samueli na ala mamũatĩĩe ĩtina, o ũndũ maneenie meana, nao nĩmatavanisye ũvoo wa mĩthenya ĩno.
25
Inyw’i mwĩ ana ma athani, na ma ũtianĩo ũla Ngai watianĩe na aaĩthe menyu, aimwĩa Avalaamu atĩĩ, Ũsyaonĩ waku mĩvĩa yonthe ya andũ ĩkaathimwa.
26
Ngai, amina kũthayũũkya Mũthũkũmi wake, ambie kũmũtũma amũathime inyw’ĩ, aimũthyũũa kĩla ũmwe wenyu mũtie mothũku menyu.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28