bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Acts 2
Acts 2
Kamba (Mbivilia) 1956
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 3 →
1
Na mũthenya wa Vendekosito wavika, meethĩwa mombanĩte onthe vandũ vamwe.
2
Na oyu, o ĩmwe, kwauma kĩuumo ĩtunĩ ta kĩseve kĩnene kĩiuutana, nakyo kyausũa nyũmba yonthe vala mekalĩte.
3
Na maumĩlĩlwa nĩ nĩmĩ sya mwaki syĩaanĩtye; na kwĩkalĩla kĩla mũndũ.
4
Na onthe mausũwa nĩ Veva Mũtheu, na mambĩlĩlya ũneena na ithyomo ingĩ, o ũndũ Veva wamanengie ũneeni.
5
Na Yelusaleme kwekalĩte Ayuti, akĩi ma Ngai, ala maumĩte mbaĩnĩ syonthe sya andũ ĩtheo wa ĩtu.
6
Na wasya ũsu weew’ĩka, ĩkomano yakomana, na yasaanĩw’a, nĩkwĩthĩwa kĩla mũndũ nĩwamewie maineena na kĩthyomo kyake mwene.
7
Na onthe maseng’a na masũanĩwa, maiasya, Sisyai, andũ aa onthe meũneena ti Akalilii?
8
Na twĩĩw’a ata ithyĩ, kĩla mũndũ na kĩthyomo kyake mwene, kĩla wasyaiwe nakyo?
9
Avathiani na Ametia na Aelamu, na andũ ala matwĩe Mesovotamia na Yutia na Kavatosia na Vondo na Asia,
10
na Velikia na Vambilia, na Misili na ngalĩ sya Livia vakuvĩ na Kulene, na ekali ma ũeninĩ maumĩte Lomi, Ayuti na avikĩli moo,
11
na Akilete na Alavu, nĩtũkũmew’a aa maineena na ithyomo sitũ maũndũ manene ma Ngai.
12
Na onthe maseng’a, na masũanĩwa, maiasya ene kwa ene, Ũndũ ũũ wĩonan’ya ata?
13
Ĩndĩ angĩ masya, maivũthya, Aa nĩmatoonetw’e nĩ mbinyu mbĩthĩ.
14
Ĩndĩ Vetelo, aũngeme na ala ĩkũmi na ũmwe, atũlya wasya wake, na aneena namo, aiasya, Inyw’ĩ aũme ma Yutia, na inyw’onthe ala mũtwĩe Yelusaleme, ũndũ ũũ nũmanyĩke kwenyu, na ĩthukĩĩsyei ndeto syakwa.
15
Nĩkwĩthĩwa andũ aa ti atoon’ye, ũndũ mũũtalĩlya; nũndũ no saa itatũ sya mũthenya;
16
ĩndĩ ũndũ ũũ nĩ ũla waneeniwe nĩ mwathani Yoeli:
17
Na kũkeethĩwa mĩthenyanĩ ya mũminũkĩlyo, easya ũu Ngai, Ngamĩtulũĩla mĩĩ yonthe Veva wakwa: Na ana menyu na eĩtu menyu makathana, Na anake menyu makoona mawoni, Na atumĩa menyu makaota ndoto:
18
Ĩĩ, ĩũlũ wa ngombo syakwa aũme na aka mĩthenyanĩ ĩsu Ngatulũla Veva wakwa; nasyo ikathana.
19
Na ngoonan’ya moseng’yo ĩũlũ ĩtunĩ, Na syama ĩtheo nthĩ; Nthakame, na mwaki, na ũtoi wa syũki:
20
Syũa yĩkaalyũkw’a yĩthĩwe kĩvindu, Na mwei wĩthĩwe nthakame, Mbee wa mũthenya wa Mwĩaĩĩ ũtanoka, Mũthenya ũla mũnene na mwonan’ye:
21
Na kũkeethĩwa, o ũla ũkekaĩla. Syĩtwa ya Mwĩaĩi nũkatangĩĩwa.
22
Inyw’ĩaũme ma Isilaeli, ĩthukĩĩsyei ndeto ii: Yesũ wa Nasaleti, ũla wonaniw’e nĩ Ngai kwenyu na mavinya na momakyo na syama ila Ngai wekie nake katĩ wenyu, o ũndũ inyw’ĩ ene mwĩsĩ;
23
we, anenganiwe o tondũ Ngai watwie na wamanyĩte kuma tene, inyw’i mwamwambie na kũmũaa na moko ma ala ang’endu:
24
ũla Ngai wamũthayũũkisye, athaĩtye mawoo ma kĩkw’ũ: nĩkwĩthĩwa kũiaatonyeka alũmw’e nĩkyo.
25
Nũndũ Ndaviti aneenie ũvoo wake, aiasya, Nĩnoonie Mwĩaĩi mbee wa ũthyũ wakwa mavinda onthe; Nĩkwĩthĩwa we e ngalĩ ya kw’oko kwakwa kwa aũme, nĩ kana ndikathingithangw’e:
26
Kwondũ wa ũu ngoo yakwa yaĩ na ũtanu, na ũĩmĩ wakwa watana; O na ĩngĩ mwĩĩ wakwa ũkatũaa wĩkwatyonĩ:
27
Nũndũ we ndũkatia veva wakwa vala maveva ma akw’ũ mekalaa, O na ndũkanengane Mũtheu waku one wanangĩko.
28
We, nĩwamanyĩthye nzĩa sya thayũ; We, ũkambusũasya ũtanu na ũthyũ waku.
29
Ana‐a‐asa, nĩtonya kũneena nenyu vyũ, ũvoo wa mũtũmĩa Ndaviti, kana nĩwakwie na akĩnzĩwa nthĩ, na vala wenzĩĩwe ve o kwitũ kũvika mũthenya ũũ wa ũmũnthĩ.
30
Nũndũ aĩ mwathani na amanya kana Ngai nĩwevĩtie kwake na wĩvĩto, atĩ kuma ũsyaonĩ wa kĩnyunyu kyake, akamwĩkalya ũmwe kĩvĩlanĩ kyake kya ũsumbĩ;
31
we, onete ũndũ ũsu mbee, aneena ũvoo wa kũthayũũka kwa Klĩsto, kana ndaatiwa vala maveva ma akw’ũ mekalaa, o na mwĩĩ wake ndwaaona wanangĩko.
32
Yesũ ũsu Ngai nĩwamũthayũũkisye, naitũ ithyonthe twĩ ngũsĩ sya ũũ.
33
Ĩndĩ nĩkwĩthĩwa nĩwaneneviw’e kw’okonĩ kwa aũme kwa Ngai, na oosete kwa Ĩthe ũla watho wa Veva Mũtheu, nĩwonoisye ũndũ ũũ, ũla mũkwona na kwĩw’a.
34
Nũndũ Ndaviti ndaaambata ĩtunĩ: ĩndĩ we mwene easya, Mwĩaĩi amwĩie Mwĩaĩi wakwa, Ĩkala nthĩ ngalĩ ya kw’oko kwakwa kwa aũme,
35
Mũvaka natw’a amaitha maku kavĩla ka nyaĩĩ syaku.
36
Kwondũ wa ũu nyũmba yonthe ya Isilaeli ĩmanye vyũ, kana Yesũ ũsu ũla inyw’ĩ mwamwambie, Ngai nũmũtw’ĩte ethĩwe Mwĩaĩi, na ĩngĩ ethĩwe Klĩsto.
37
Na meew’a ndeto isu syamatonya ngoonĩ syoo, na mamwĩa Vetelo na atũmwa ala angĩ, Ana‐a‐asa, twĩĩka ata?
38
Na Vetelo amea, Alyũlai ngoo, na mũivatiswa kĩla mũndũ syĩtwanĩ ya Yesũ Klĩsto, mwone ũekeo wa naĩ syenyu; na mũkoosa mũthĩnzĩo wa Veva Mũtheu.
39
Nũndũ watho ũsu nĩ kwondũ wenyu, na kwondũ wa syana syenyu, na kwondũ wa onthe ala me kũasa mũno, o ala maketwa nĩ Mwĩaĩi Ngai waitũ, moke kwake.
40
Na akũsĩĩa na ndeto ingĩ nyingĩ, na amataa, aiasya, Ĩtangĩĩei na ũsyao ũũ mũthyoeku.
41
Na ĩndĩ ala moosie ndeto yake mavatiswa: na mũthenya ũsu mongeleka andũ ta ngili itatũ.
42
Na mekalaa malũlũmĩle momanyĩsyonĩ ma atũmwa, na mũambanĩ, na kũtila kĩmũtũ, na mboya.
43
Na w’ĩa wamũlika kĩla mũndũ: na momakyo maingĩ na syama nyingĩ syeekwa nĩ atũmwa.
44
Na onthe ala meetĩkĩlile maĩ vandũ vamwe, na meethĩwa na mũamba wa syĩndũ syoo syonthe;
45
na mathoosya syĩndũ syoo ila maĩ nasyo, na maaana onthe, kĩla mũndũ o ũndũ waĩ na vata wĩana.
46
Na kĩla mũthenya mekalaa ĩkalũnĩ na ngoo ĩmwe, na makĩtila kĩmũtũ nyũmbanĩ kwoo, nĩmaĩsaa lĩu woo na mũyo na ngoo ĩmwe,
47
makĩmũkumya Ngai, na makyaĩla kwa andũ onthe. Mwĩaĩi, nake, amongelelaa mũthenya na mũthenya ala matangĩĩawa.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28