bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Acts 21
Acts 21
Kamba (Mbivilia) 1956
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
1
Na kweethĩwa twamina kũtaanĩsya nao na twakũsya na ngalawa, twathi tũlũngalĩte twavika Kosi, na ũnĩ ũsu twavika Lote, na kuma vau twathi Vatala:
2
na twoona ngalawa ĩnĩkũinga ĩvike Voenike twamĩlika, na twakũsya.
3
Na twoona kĩthama kya Kuvolo, twakĩtia ngalĩ ya kw’oko kwa aka, twathi Silia, na twaumĩa Tile; nũndũ ngalawa ĩsu yaumĩw’e mĩio yayo vo.
4
Na twoona ala amanyĩw’a, twekala vo mĩthenya mũonza: na asu mamũtavya Vaulo me nthĩni wa Veva Mũtheu, kana ndakakinye Yelusaleme.
5
Na kweethĩwa tweanĩsya mĩthenya yaitũ twookĩla twathi; namo onthe, vamwe na aka moo na syana syoo, matumaasya matũvikya ũtee wa ndũa: na twatulya ndu ũtee wa ũkanga, twavoya, na twatianĩa ũvoo;
6
na twavota ngalawanĩ, nao maalũka kwoo.
7
Na twamina mũendo ũsu wa ngalawa kuma Tile, twavika Vetolemai; na twakethya ana‐a‐asa, twekala nao mũthenya ũmwe.
8
Na ũnĩ ũsu twathi, na twavika Kaisalea: na twavota nyũmbanĩ ya Vilivu ũla mũtavan’ya wa ũvoo mũseo, ũla waĩ ũmwe wa ala mũonza, twekala kwake.
9
Na mũndũ ũsu aĩ na eĩtu ana atheu, ala mathanaa.
10
Na tũkĩkala vo mĩthenya ĩmwe, kwatheeie mwathani ũmwe kuma Yutia, wetawa Akavo.
11
Nake ooka vala tũĩ, oosa mũkwa wa Vaulo eeyova e we mwene maũũ na moko, na asya, Ũũ nĩw’o ũnũkwasya Veva Mũtheu, Ayuti ala me Yelusaleme makoova mũndũ ũla mwene wa mũkwa ũũ ta ũu, na makamũnengane mokonĩ ma Andũ‐ma‐mbaĩ‐ingĩ.
12
Na tweew’a maũndũ asu, ithyĩ o na andũ ma vandũ vau, twamwĩsũva ndakambate Yelusaleme.
13
Na nĩvo Vaulo wasũngĩie, Mwĩĩka ata, mũkĩĩa na ũndũla ngoo yakwa? Nũndũ nyie nĩnĩyũmbanĩtye, ti kwovwa kw’oka, o na kũaĩwa Yelusaleme kwondũ wa syĩtwa ya Mwĩaĩi Yesu.
14
Na alea kũtwĩw’a, twamũeka, tũiasya, Kwenda kwa Mwĩaĩi nĩkwĩkwe.
15
Na ĩtina wa mĩthenya ĩsu twoomban’ya mĩio yaitũ, na twakũsya twambata Yelusaleme.
16
Na amwe ma amanyĩw’a ma ndũa ya Kaisalea mathi vamwe naitũ, me na Masoni mũndũ wa Kuvolo, mũmanyĩw’a wa tene, nake nĩwe twĩĩkalaa kwake.
17
Na twavika Yelusaleme, ala ana‐a‐asa matwosa na mũyo.
18
Na mũthenya ũla waatĩĩe ũsu, Vaulo aenda naitũ kwa Yakovo; na atumĩa onthe nĩ vo maĩ.
19
Na amakethya, amatavya maũndũ onthe, ũmwe na ũmwe, ala Ngai wĩkĩte kwondũ wa ũthũkũmi wake katĩ wa Andũ‐ma‐mbaĩ‐ingĩ.
20
Namo, meew’a mamũtaĩa Ngai; na mamwĩa, Nũkwona, mwana‐a‐asa, kana nĩ vo maĩ ngili mbingĩ ma Ayuti ala metĩkĩlĩte; namo onthe me na kĩwĩu ũndũ wa ĩla mĩao:
21
namo nĩmatavĩtw’e ũvoo waku, kana ũmanyĩĩtye Ayuti onthe ala matwĩe katĩ wa Andũ‐ma‐mbaĩ‐ingĩ matie Mose, ũimatavya maikaĩke syana syoo, na maikaatĩĩe syĩthĩo sya Ayuti.
22
Ĩndĩ nĩ ata? Maitĩa kwĩw’a kana nĩwũkite.
23
Ĩka ĩndĩ ũndũ ũla tũũkũtavya: Twĩ na aũme ana ala me na wĩvĩto ĩũlũ woo;
24
osana na asu, nokĩthesya mwene vamwe nao, nokyumya syĩndũ nũndũ wamo, nĩ kana matonye kwenza mĩtwe yoo: na ĩndĩ onthe makamanya kana ti ma w’o maũndũ ala matavĩtw’e ũndũ waku; ĩndĩ kana we mwene ũendaa nesa, na ũsũvĩaa ĩla mĩao.
25
Ĩndĩ ũndũ wa Andũ‐ma‐mbaĩ‐ingĩ ala metĩkĩlĩte, nĩtwaandĩkie na twamatavya, kana mevathane na syĩndũ ila syũaĩwe mĩvw’anano, na maikanyw’e nthakame, o na kĩndũ kitĩtwe, na kwĩvathana na ũlaalai.
26
Na ĩndĩ Vaulo oosana na ala andũ, na mũthenya ũla waatĩĩe ũsu eethesya mwene vamwe namo, avota ĩkalũnĩ, aitavan’ya kana mĩthenya ya ũthesyo nĩ mĩanĩu, mũvaka nthembo yathembwa kwondũ wa kĩla ũmwe wamo.
27
Na ĩla mĩthenya mũonza ĩkilĩlye ũthela, Ayuti ala maumie Asia, moona Vaulo ĩkalũnĩ, maingĩanĩsya ĩkomano yonthe na mamũkwata,
28
makyũkĩlya mawasya, makyasya, Aũme ma Isilaeli, tũtethyei: Mũndũ nĩwe ũũ ũla ũmanyĩasya andũ onthe kũndũ kw’onthe, aineenea andũ naĩ, na ĩla mĩao, o na vandũ vaa; na mbee wa ũu nĩwaetie Akiliki nao ĩkalũnĩ, nake nũvukĩtye vandũ vaa vatheu.
29
Nũndũ maĩ manamwona ndũanĩ e na Telovimo, mũndũ wa Eveso, namo nĩmatalĩlasya kana Vaulo nũmũetete ĩkalũnĩ.
30
Na ndũa yonthe yaya kĩtuu, na andũ moombana masembete; na mamũkwata Vaulo, mamũkusũlan’ya na kũmumaalya ũtee wa ĩkalũ: na oyu mĩomo yavingwa.
31
Na makĩmantha kũmũaa, ũvoo wamũvikĩa ũla mũnene wa nguthu ya asikalĩ ngili, kana Yelusaleme kw’onthe nĩkũlikile kĩtuu.
32
Na oyu oosa asikaiĩ na anene ma asikalĩ ĩana ĩana, na amatheeea asembete: nao, moona ũla mũnene na asikalĩ, maeka kũmũlumangya Vaulo.
33
Na ĩndĩ ũla mũnene athengeea, na amũkwata Vaulo, na eeaa nĩovwe na mĩnyololo ĩlĩ; na akũlya ũndũ wĩtawa na ũndũ wĩkĩte.
34
Na amwe manĩĩsya ũndũ ũmwe, na angĩ katĩ wa nguthu manĩĩsya ũndũ ũngi: na alea ũmanya nesa nũndũ wa kĩtuu, eeaa aetwe ngomenĩ.
35
Na avika mbasyanĩ, akuwa nĩ asikalĩ nũndũ wa ũng’endu wa ĩla nguthu ya andũ;
36
nũndũ ĩkomano ya andũ yamũvikĩlĩte, yĩkyasya na wasya mũnene, Mũvete ũsu.
37
Na Vaulo akilĩlye ũlikwa ngomenĩ nthĩnĩ, amwĩa ũla mũnene wa asikalĩ, Nĩ na ũthei nyie kũkũtavya ũndũ? Nake amũkũlya, Nĩwĩsĩ Kĩkiliki?
38
Tuue ũla Mũmisili, ũla mbee wa mĩthenya ĩno wamang’endethisye andũ ngili inya ala metawa Oaani na wamatongoesya weũnĩ?
39
Ĩndĩ Vaulo amũsũngĩa, Nyie nĩ Mũyuti, mũndũ wa Taliso, ndũa ya Silisia, mũndũ wa ndũa ĩte mbũthũ: na nĩngũkwĩsũva ũnenge ũthei nĩneene na andũ aa.
40
Na amũnenga ũthei, Vaulo, aũngeme mbasyanĩ, amavindĩthya andũ na kw’oko; na mavindya ki, aneena namo na Kĩevelania, aiasya,
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28