bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Acts 5
Acts 5
Kamba (Mbivilia) 1956
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 6 →
1
Ĩndĩ mũndũ ũmwe wetawa Anania, vamwe na Savaila mũka wake, athooisye kĩlungu kyake kya nthĩ,
2
na avitha kĩlungu kĩmwe kya thooa wayo, na mũka wake nĩwesĩ, na aete kĩlungu kĩmwe na akia maũũnĩ ma atũmwa.
3
Ĩndĩ Vetelo amũkũlya, Anania, nĩkĩ wausũwa ngoo yaku nĩ Satani ũmũtavye Veva Mũtheu ũvũngũ, na kũsiĩĩa ũvithĩte kĩlungu kya thooa wa nthĩ?
4
Yĩla waĩ nayo ndĩaĩ yaku mwene? Na yathoow’a, ndĩaĩ ũtonyinĩ waku mwene? Kũilyĩ ata ĩndĩ kwĩkĩa ũndũ ũũ ngoonĩ yaku? Ti andũ watavya ũvũngũ, ĩndĩ wamũtavya Ngai.
5
Na Anania eew’a ndeto isu avalũka nthĩ na aumwa nĩ veva: na w’ĩa mũnene wooka ĩũlũ wa onthe ala meewĩe.
6
Na anake mookĩla mamũlingĩla ngũa, mamumaalya nza na mamwĩnzĩa nthĩ.
7
Na ĩtina ĩvinda ya masaa atatũ, mũka wake ooka atesĩ ũndũ kweekwa, na alika.
8
Na Vetelo amwia, Ndavya, mũnathooisye nthĩ thooa o ũsu? Nake amũsũngĩa, Ĩĩ, thooa o ũsu.
9
Ĩndĩ Vetelo amwĩa, Kũilyĩ ata inyw’ĩ kwĩw’ana kũmũtata ũla Veva wa Mwĩaĩi? Sisya, nyaĩĩ sya ala mamwinzia mũemeu nthĩ syĩ mũomoni, nao nĩmeũkũkua we.
10
Nake avalũka oyu maũũnĩ ma Vetelo, na aumwa nĩ veva: na ala anake mavota meethĩa e mũkw’ũ, na mamumaalya nza na mamwĩnzĩa nthĩ ũtee wa mũũme wake.
11
Na w’ĩa mũnene wooka ĩũlũ wa ĩkanisa yonthe, na ĩũlũ wa onthe ala meewie maũndũ asu.
12
Na syama nyingĩ na momakyo meekiwe andũnĩ na moko ma atũmwa: na onthe maĩ na ngoo imwe valasyanĩ wa Solomoni.
13
Ĩndĩ ma ala angĩ vai mũndũ waatata kwĩkwatan’ya nao: ĩndĩ andũ mamataĩaa mũno;
14
na etĩkĩli aingĩ mongeleka ngalĩ ya Mwĩaĩi, nguthu nene sya andũ, aũme na aka:
15
o na kweethĩwa maimaumaalya awau moo kũmatwaa nzĩanĩ nene, na kũmaia mokomonĩ na mĩkekanĩ, nĩ kana Vetelo aivĩta, nongo kyuu kyake kĩtonye kũkiita ũmwe wamo.
16
Na ĩngĩ kwoombana nguthu nene ya andũ ma ndũa ila ithyũlũlũkĩte Yelusaleme, makĩete andũ awau, na ala mathĩnaw’a nĩ maveva mavuku: nao mavow’a onthe.
17
Ĩ ndĩ mũthembi mũnene ookĩla, na onthe ala maĩ nake (namo nĩ kĩthemba kya Asatukai), nao mausũwa nĩ kĩwĩu,
18
na mamakwata atũmwa, mamekĩa kolokolonĩ.
19
Ĩndĩ mũlaĩka wa Mwĩaĩi avingũa mĩomo ya kolokolo na ũtukũ, na amaumaalya nza, amea,
20
Endai, mũkaũngame ĩkalũnĩ, na mũitavya andũ ndeto syonthe sya Thayũ ũũ.
21
Na meew’a ũu mavota ĩkalũnĩ kwĩ masangya, na kũmanyĩsya. Ĩndĩ mũthembi mũnene ooka, na ala maĩ nake, na moomban’ya andũ ma nzama, na atumĩa onthe ma Isilaeli, na matũma andũ mathi kolokolonĩ mamaete.
22
Ĩndĩ makanga ala maendie matyaamethĩa kolokolonĩ; na maalũka, matavan’ya ũvoo,
23
maiasya, Nyũmba ya kolokolo tweethĩa ĩvingĩtwe, nayo ndĩ na ũndũ, na asũvĩi maũngeme mĩomonĩ: ĩndĩ twavingũa, tũinamwĩthĩa mũndũ nthĩnĩ.
24
Na mũnene wa ĩkalũ na athembi anene meew’a ndeto isu, masũanĩwa mũno nĩsyo, na vala ũvoo ũsu wĩvika.
25
Na kwooka mũndũ ũmwe amatavya, Sisyai, andũ ala mũneekĩie kolokolonĩ me ĩkalũnĩ maũngeme maimanyĩsya andũ.
26
Na ĩndĩ ũla mũnene athi vamwe na makanga na mamaete, ĩndĩ ti kwa vinya; nũndũ nĩmakĩaa andũ maikamakime na mavia.
27
Na mamaete, mamaũngamya mbee wa nzama. Na mũthembi mũnene amakũlya,
28
aiasya, Tũtineemũvata mũno na vinya kũmanyisya syĩtwanĩ yĩu? Na sisyai, nĩmũsũĩtye Yelusaleme momanyĩsyo menyu, mũkyenda kũete nthakame ya mũndũ ũsu ĩũlũ waitũ.
29
Ĩndĩ Vetelo na atũmwa ala angĩ masũngĩa, maiasya, Mũvaka tũmwĩw’e Ngai mbee wa kũmew’a andũ.
30
Ngai wa asaa maitũ nĩwamũthayũũkisye Yesũ, ũla inyw’ĩ mwamũaie, mũimwamba mũtĩnĩ.
31
Ĩndĩ we Ngai nũmũnenevetye kw’okonĩ kwake kwa aũme, ethĩwe Mũnene na Mũtangĩĩi, amanenge Isilaeli ũalyũlo wa ngoo, na ũekeo wa naĩ.
32
Na ithyĩ twĩ ngũsĩ sya maũndũ asu; na Veva Mũtheu nake no ta ũu, ũla Ngai ũnengete ala mamwĩw’aa.
33
Namo meew’a ũu matemwa ngoonĩ, na menda kũmoaa.
34
Ĩndĩ mũndũ ũmwe Mũvalisi, wetawa Kamalieli, mũmanyĩsya mũnene wa mĩao, ũla wataĩawa nĩ andũ onthe, aũngama nzamanĩ, na atw’a mamaumaalye andũ asu nza kavinda kanini.
35
Nake amea, Inyw’ĩ aũme ma Isilaeli, ĩsũvĩei ene ũndũ wa andũ aa, ũndũ mũkilĩlye kwĩka.
36
Nikwĩthĩwa mbee wa mĩthenya ĩno Theutasi nũnookĩlile, aimatavya andũ nĩwe ĩkũ; na andũ aingĩ mamũatĩĩa, ũtalo woo wavikĩte ta maana ana: nake nĩwoaiwe; na onthe ala mamwĩw’aa manyaĩĩkw’a, meethĩwa ti kĩndũ.
37
Ĩtina wa mũndũ ũsu, anookĩla Yutasi, mũndũ wa Kalilii, mĩthenya ĩsu ya kũandĩkwa, nake akusya andũ amwe mamũatĩĩa: nake aaa; na onthe, o ala mamwĩw’aa, manyaĩĩkw’a.
38
Yu nĩmwĩa inyw’ĩ, Isiĩĩei na andũ aa, nũmaeke: nũndũ ethĩwa nzama ĩno kana wĩa ũũ nĩ wa andũ, ũkaanangwa:
39
ĩndĩ ethĩwa nĩ wa Ngai, mũtikatonya kũmananga; mũikese kwoneka mũkyũkita na Ngai.
40
Na meew’a ndeto syake; na mameta atũmwa mbee woo, mamakũna na mameaĩa maikaneene syĩtwanĩ ya Yesũ, na mamaeka mathi.
41
Namo ĩndĩno mauma mbee wa nzama, maitana nũndũ nĩmatalĩlwe kwĩthĩwa nĩmaĩlwe nĩ kwanangĩwa ndaĩa nũndũ wa Syĩtwa yĩu.
42
Na mĩthenya yonthe, ĩkalũnĩ na nyũmbanĩ kwoo, maiaaeka kũmanyĩsya na kũtavan’ya ũvoo mũseo wa Yesũ kana nĩwe Klĩsto.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28