bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Acts 18
Acts 18
Kamba (Mbivilia) 1956
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 19 →
1
Ĩtina wa maũndũ asu Vaulo auma Athene, na avika Kolintho.
2
Na amwona Mũyuti ũmwe wetawa Akwila, mũndũ wasyaĩwe Vondo, ũla ũnaumie Italia mĩtũkĩ, vamwe na mũka wake Vilisila, nũndũ Kilautiosi atw’ĩte Ayuti onthe maume Lomi: nake avika kwoo;
3
na nũndũ aĩ wa wĩa ũmwe nao, ekala namo, maitethya wĩa; nũndũ maĩ atumi ma maeema.
4
Na Vaulo asũanĩa ĩsinakokenĩ mĩthenya yonthe ya savato, aimantha kũmetĩkĩlĩthya Ayuti na Akiliki.
5
Ĩndĩ yĩla Sila na Timotheo matheeie kuma Masetonia, Vaulo athangaaw’a mũno nĩ ĩla ndeto, aineena ũkũsĩ kwa Ayuti kana Yesũ nĩwe Klĩsto.
6
Ĩndĩ makananĩsya, na kũmũumanga Ngai, avuunza ngũa syake, na amea, Nthakame yenyu yĩthĩwe ĩũlũ wa mĩtwe yenyu ene; nyie nĩ mũtheu: kuma yu nĩthi kwa Andũ‐ma‐mbaĩ‐ingĩ.
7
Na auma vau, aenda nyũmbanĩ ya mũndũ ũmwe wetawa Tito Yusito, ũmwe ũla wathaithaa Ngai, na nyũmba yake yakwatene na ĩsinakoke.
8
Na Kilisivo, mũnene wa ĩsinakoke, nĩwamwĩtĩkĩlile Mwĩaĩi vamwe na nyũmba yake yonthe; na aingi ma Akolintho meew’a meetĩkĩla, na mavatiswa.
9
Na Mwĩaĩi amũtavya Vaulo ũtukũ woninĩ, Ndũkakĩe, ĩndĩ neena, ndũkavindye:
10
nũndũ nĩ vamwe naku, na vai mũndũ ũkoka vala ũĩ akwĩke nai: nĩkwĩthĩwa nyie nĩ na andũ aingĩ ndũanĩ ĩno.
11
Nake ekala kw’o mwaka na myei thanthatũ, akĩmanyĩsya ndeto ya Ngai kwoo.
12
Ĩndĩ ĩvinda yĩla Kalio waĩ mũnene wa Akaia, Ayuti mamũkĩlĩla Vaulo na ngoo ĩmwe, na mamũete kĩvĩlanĩ kya sila,
13
makyasya, Mũndũ ũũ emetĩkĩlĩthya andũ kũmũthaitha Ngai ũndũ ũvĩtanĩte na ĩla mĩao.
14
Ĩndĩ Vaulo akilĩlye kwathamya kanyw’a wake, Kalio amea ala Ayuti, Kethĩwa ve ũndũ ũthũku, kana ũng’endu mwĩai inyw’ĩ Ayuti, nĩkwaĩle kwakwa kũmũmĩĩsya:
15
ĩndĩ ethĩwa nĩ mokũlyo ma ndeto na masyĩtwa na mĩao ĩ yenyu, sisyai inyw’ĩ ene ũndũ ũsu: nyie ndikwenda nĩthĩwe mũsili wa maũndũ asu.
16
Na amalũngya maume kĩvĩlanĩ kya sila.
17
Na onthe mamũkwata Sosithene, ũla mũnene wa ĩsinakoke, na mamũkũnĩa mbee wa kĩvĩla kya sila. Na Kalio ndaamona maũndũ asu ta ũndũ.
18
Na Vaulo, ekalile mĩthenya mingĩ ĩtina wa ũndũ ũsu, ataanĩsya na ana‐a‐asa na athi na ngalawa Silia, na Vilisila na Akwila mathi vamwe nake: eenzewe mũtwe wake ku Kengelea; nĩkwĩthĩwa aĩ na wĩvĩto.
19
Na mavika Eveso, amatia kw’o: ĩndĩ we mwene alika ĩsinakokenĩ, na asũanĩa na Ayuti.
20
Na mamwĩa ekale ĩvinda ĩasanga, nake ndaaĩtĩkĩla;
21
ĩndĩ eeaanĩa nao, amea, Ngamũalũkĩla ĩngĩ, Ngai enda, na athi na ngalawa kuma Eveso.
22
Nake aumĩa Kaisalea ambata amakethya andũ ma ĩkanisa, na ĩndĩ atheea Andiokia.
23
Na ekala kw’o mĩthenya ĩmwe, athi, na avĩtĩla nthĩ ya Kalatia na Velikia, aatĩanĩsye, aimalũlũmilya amanyĩw’a onthe.
24
Na Mũyutĩ ũmwe wetawa Avolo, wasyaiwe Ũalesandalia, mũndũ wa ũmanyi, ooka Eveso; nake amanyaa mũno maandiko.
25
Mũndũ ũsu nĩwamanyĩĩtw’e nzĩa ya Mwĩaĩi; na nĩkwĩthĩwa aĩ mũthangaau vevanĩ wake, nĩwaneenie na kũmanyĩsya nesa maũndũ ma Yesũ, ĩndĩ eesĩ ũvatisi wa Yoana w’oka:
26
nake ambĩlĩlya ũneena na ũkũmbaũ ĩsinakokenĩ. Ĩndĩ Vilisila na Akwila mamwĩw’a, mamũtwaa kwoo, na mamũvuanĩsya nzĩa ya Ngai nesa mbee wa vala wesĩ.
27
Nake enda kũinga kũthi Akaia, ala ana‐a‐asa mamũkũmbaĩthya, na mamaandĩkĩa ala amanyiw’a kana mamwose: na avika amatethya mũno ala meetĩkĩlĩte nũndũ wa mumo:
28
nũndũ amakĩlĩlye Ayuti ũĩ, mbee wa andũ, aionan’ya na maandĩko kana Yesũ nĩ Klĩsto.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28