bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Acts 8
Acts 8
Kamba (Mbivilia) 1956
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 9 →
1
Na Saulo oona nĩ ũseo kũawa kwake. Na mũthenya ũsu kwambĩlĩlya ũnyamao mũnene ĩũlũ wa ĩkanisa yĩla yaĩ Yelusaleme; na manyaĩĩkw’a onthe ivalonĩ sya Yutia na Samalia, ate o ala atũmwa.
2
Na andũ ala mamũkĩaa Ngai mamwĩnzĩa Sitivini nthĩ, na mamũĩĩa mũno.
3
Ĩndĩ Saulo aananga ĩkanisa mũno, aivota kĩla nyũmba, aimakusũlan’ya aũme na aka aimekĩa kolokolonĩ.
4
Kwondũ wa ũu asu ala manyaĩĩkĩtw’e maendaa maitavan’ya ũla ũvoo mũseo.
5
Na Vilivu atheea alika ndũanĩ ya Samalia, na amũtavan’ya Klisto kw’o.
6
Na makomano meethukĩĩsye na ngoo ĩmwe maũndũ ala maneeniwe nĩ Vilivu, yĩla meewie, na moonie mawonan’yo ala wekie.
7
Nĩkwĩthĩwa maveva mavuku nĩmamaumie aingi ala maĩ namo, maikaya na wasya mũnene: na aingi maaĩte mamutha, na ala mathuaa, mavow’a.
8
Na kweethĩwa ũtanu mũnene ndũanĩ ĩsu.
9
Ĩndĩ kwaĩ mũndũ ũmwe, syĩtwa yake wetawa Simoni, ũla tene wekaa ũoi ndũanĩ ĩsu, aimaseng’ya andũ ma Samalia, akĩyĩta mwene mũndũ mũnene:
10
na onthe mamwĩthukĩĩasya kuma ũla mũnini kũvika ũla mũnene mbee, maiasya, Mũndũ ũũ nĩwe ũla ũtonyi wa Ngai ũla wĩtawa Mũnene.
11
Na mamwĩthukĩĩasya, nũndũ amaseng’etye na mooi make ĩvinda ĩasa.
12
Ĩndĩ meetĩkĩla Vilivu aitavan’ya ũla ũvoo mũseo wa ũsumbĩ wa Ngai na syĩtwa ya Yesũ Klĩsto, mavatiswa, aũme na aka.
13
Na Simoni nake mwene nĩwetĩkĩlile: na avatiswa ekalaa vamwe na Vilivu; na akyona syama na mavinya manene ala meekiwe aseng’a.
14
Na atũmwa ala maĩ Yelusaleme meew’a kana Samalia nĩmosete ndeto ya Ngai, mamatũma Vetelo na Yoana kw’o:
15
nao, matheea kw’o, mamavoyea, nĩ kana mose Veva Mũtheu:
16
nĩkwĩthĩwa ndaĩ anamba ũmatheeea o na ũmwe woo: ate o nĩmavatisĩtwe syĩtwanĩ ya Mwĩaĩi Yesũ.
17
Na ĩndĩ mamailĩĩla moko moo, na moosa Veva Mũtheu.
18
Na Simoni oona kana Veva Mũtheu anenganwe ũndũ wa kwilĩĩlwa moko ma atũmwa, amaetee mbesa,
19
aiasya, Nengai nakwa vinya ũũ, nĩ kana o ũla nĩilĩĩla moko makwa ose Veva Mũtheu.
20
Ĩndĩ Vetelo amwĩa, Mbesa syaku nĩsyae vamwe naku, nũndũ wĩasya ũkoosa mũthĩnzĩo wa Ngai ũndũ wa mbesa.
21
Ndwĩ na kĩlungu kana kĩanda ũndũnĩ ũũ: nĩkwĩthĩwa ngoo yaku ndĩaĩlĩte mbee wa Ngai.
22
Alyũla ngoo ĩndĩno ũndũ wa ũthũku ũũ waku, noimũvoya Mwĩaĩi, no kwĩthĩwa akakũekea ũlilikano ũsu wa ngoo yaku.
23
Nũndũ nĩngwona wĩ ũũ ta nyongo na wĩ wovonĩ wa ũthũkũ.
24
Na Simoni asũngĩa, asya, Mboyeai inyw’ĩ kwa Mwĩaĩi, nĩ kana maũndũ asu mwasya maikangwate, o na ũmwe.
25
Namo ĩndĩ, maumĩlya ũkũsĩ na kũneena ndeto ya Mwĩaii, maalũka Yelusaleme, na matavan’ya ũvoo mũseo mĩsyĩ mingĩ ya Asamalia.
26
Ĩndĩ mũlaĩka wa Mwĩaĩi aneena na Vilivu, aiasya, Ũkĩla, ũthi ngalĩ ya itheo kũvika nzĩa ĩla yumĩte Yelusaleme kũvika Ngasa: na kw’o nĩ weũ.
27
Nake ookĩla, athi: na sisya, mũndũ wa Ethiovia, mũndũ mũvakũe ũla waĩ na ũkũmũ mũnene ĩtheo wa Kandake, mũsumbĩ mũndũ mũka, wa Aethiovia, nake nĩwe ũla waiĩtwe ĩũlũ wa syĩndũ syake syonthe, ũla wokĩte Yelusaleme ũndũ wa kũthaitha;
28
na aalũkĩte ailyĩ ngalĩnĩ yake, aisoma ĩvuku ya mwathani Isaia.
29
Na Veva amwĩa Vilivu, Thengeea vakuvĩ, ũendan’ye na ngalĩ ĩsu.
30
Na Vilivu asemba vala ũĩ, na eew’a aisoma ĩvuku ya mwathani Isaia, na amũkũlya, Nũũmanya ũu ũũsoma?
31
Nake amũsũngĩa, Nĩmanya ata ndeũtongoew’a nĩ mũndũ? Na amwĩsũva Vilivu ambate ekale nake.
32
Na kĩlungu kya maandĩko kĩla wasomaa nĩ kĩĩ, Atongoew’e kũthi kũthĩnzwa ta ĩlondu; Na ta katena ka ĩlondu kavindĩtye mbee wa ũla ũkatilaa maw’ĩa, Nake no ta ũu, ndaathamũkan’ya kanyw’a wake:
33
Wĩnyivyonĩ wake kũsilĩlwa katĩ kwavetwa: Nũũ ũla ũkonan’ya ũsyao wake? Nĩkwĩthĩwa thayũ wake nũvetetwe nthĩ.
34
Na ũla mũndũ mũvakũe amũsũngĩa Vilivu, amwĩa, Nĩngũũvoya, mwathani ũsu eneena ndeto ii nũndũ waũ? Nĩ ũvoo wake mwene, kana nĩ mũndũ ũngi?
35
Na Vilivu aathamya kanyw’a wake, na amũtavya ũvoo mũseo wa Yesũ, akyambĩlĩlya na maandĩko asu.
36
Na maendete nzĩani, mavika vandũ ve manzĩ; na mũndũ ũsu mũvakũe asya, Sisya, manzĩ ti aa; nĩ ũndũ wĩva ũnziĩĩa ndikavatiswe?
37
(Vilivu asũngĩa, amwĩa, Ethĩwa nĩwĩtĩkĩlĩte na ngoo yaku yonthe, nũtonya. Nake amũsũngĩa, amwĩa, Nĩngwĩtĩkĩla kana Yesũ Klĩsto nĩ Mwana wa Ngai.)
38
Na eeaa ngalĩ iũngame: na matheea me elĩ manzĩnĩ, Vilivu na ũla mũvakũe; na Vilivu amũvatisa.
39
Na mauma manzĩnĩ, Veva wa Mwĩaĩi amũvulya Vilivu; na ũla mũndũ mũvakũe ndaamwona ĩngĩ, nĩkwĩthĩwa aendie na nzĩa yake akĩtana.
40
Ĩndĩ Vilivu ooneka Asoto: na avĩtĩle ku nĩwatavanasya ũla ũvoo mũseo ndũanĩ syonthe, mũvaka avika Kaisalea.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28