bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Acts 17
Acts 17
Kamba (Mbivilia) 1956
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 18 →
1
Na mavĩtĩla Amimbivoli na Avolonia, mavika Thesalonika, vala vaĩ ĩsinakoke ya Ayuti:
2
na Vaulo, o ũndũ wakothaa kwĩka, avota kwamo, na vandũ va mĩthenya ĩtatũ ya savato asũanĩa nao ũvoo kuma maandĩkonĩ,
3
aiumĩlya na kwonan’ya kana kwaĩ na vata wa Klĩsto kũthĩna, na kũthayũũka kuma kwa akw’ũ; na ĩngĩ kana Yesũ ũsu, ũla ngũmũtavya inyw’ĩ, nĩwe Klĩsto.
4
Na amwe moo meetĩkĩla, na maatĩanĩa na Vaulo na Sila; na ma ala makĩaa Ngai ma Akiliki nguthu nene, na aka aingĩ me nguma.
5
Ĩndĩ Ayuti, mausũwa nĩ kĩwĩu, meeyosea andũ amwe athũku ma nguthu sya imaamai, na moomban’ya nguthu, meekĩa ndũa kĩthokoan’yo; na mathi nyũmbanĩ ya Yasoni maimantha kũmaumaalya na ũmanengane mokonĩ ma andũ.
6
Na malea ũmona, mamũkusya Yasoni o na ana‐a‐asa amwe amwe mbee wa anene ma ndũa, maiasya, Aa makulumanĩtye nthĩ nĩmokĩte vaa navo;
7
na Yasoni amosa: na aa onthe mekaa maũndũ mavĩtanĩte na motw’ĩo ma Kaisali, maiasya kana kwĩ mũsumbĩ ũngĩ wĩtawa Yesũ.
8
Na maũũyĩthya ĩkomano na anene ma ndũa, meew’a maũndũ asu.
9
Na Yasoni na ala angĩ maumw’a ngwatĩlĩlyo, na mamalekya mathi.
10
Na oyu ala ana‐a‐asa mamea Vaulo na Sila mathi Velia na ũtukũ: nao mavika kw’o malika ĩsinakokenĩ ya Ayuti.
11
Na andũ asu maĩ na ngoo nzeo mbee wa ala ma Thesalonika nĩkwĩthĩwa nĩmeetĩkĩlile ĩla ndeto na ũthalĩku w’onthe wa ngoo, maimantha maandĩkonĩ mĩthenya yonthe, kana maũndũ asu nĩw’o mailyĩ.
12
Kwondũ wa ũu aingĩ moo meetĩkĩla; vamwe na aka ma Akiliki me nguma, na aũme aingĩ.
13
Ĩndĩ Ayuti ma Thesalonika mesa ũmanya kana ndeto ya Ngai nĩtavanĩtw’e nĩ Vaulo kũu Velia nakw’o, mathi kw’o mamathokoan’ya na kũmaũũyĩthya makomano.
14
Na ĩndĩ oyu ana‐a‐asa mamwĩa Vaulo athi avike ũtee wa ũkanga: na Sila na Timotheo matiwa vo.
15
Ĩndĩ ala maendie na Vaulo mamũvikya Athene: na meeaĩwa nĩwe makamatavye Sila na Timotheo mamũatĩĩe na mĩtũkĩ, mathi.
16
Na Vaulo akĩmeteela Athene, veva wake wathilĩka nthĩnĩ wake, aiona ndũa yusũĩte mĩvw’anano.
17
Na kwa ũu asũanĩa na Ayuti na ala makĩaa Ngai ĩsinakokenĩ, na ala makomanaa nake kĩng’ang’anĩ, kĩla mũthenya.
18
Na andũ oĩ amwe ma Evikuleo na Sitoiko mamũwĩla. Na amwe masya, Mũthelya ũũ wa tũmaũndũ enda kwasya ata? Angĩ masya, Eoneka ta mũndũ mwonan’ya wa ngai ngeni: nũndũ nĩwatavanasya Yesũ na ũthayũũkyo.
19
Na mamũkwata, mamũtwaa Aleovako, maiasya, Momanyĩsyo aa ala ũmanyĩasya we, nĩtũtonya kũmanya ũndũ mailyĩ?
20
Nĩkwĩthĩwa we ũetete maũndĩ meũ matesĩkĩwe matũnĩ maitũ: ĩndĩ nĩtũkwenda kũmanya ũndũ mailyĩ maũndũ aa.
21
(Na Aathene na aeni ala mekalaa ũeni kw’o maiaĩ na ũthei wa ũndũ ũngĩ, ate o kũneenan’ya kana kwĩthukĩĩsya ũvoo wa ũndũ weũ.)
22
Na vaulo aũngama Aleovako katĩ, na asya, Inyw’ĩ aũme ma Athene, maũndũnĩ onthe nĩona kana mwĩ na maũndũ ma ũthaithi mwingĩ.
23
Nũndũ ngĩvĩtĩla nzĩanĩ, na ngĩsisya mũno syĩndũ sya ũthaithi wenyu, nonie kĩthembeo nakyo kĩkĩĩtwe ũandĩko ũũ, KWA NGAI ŨLA ŨTESĨKĨWE. Ũla inyw’ĩ ĩndĩ mũthaithaa kwa ũlea ũmanya, nĩwe ngũmwon’ya inyw’ĩ.
24
Ngai ũla wombie nthĩ na syĩndũ syonthe ila syĩ vo, we, Mwĩaĩi wa itũ na nthĩ, ndekalaa nyũmbanĩ syakĩtwe na moko;
25
o na ndathũkũmawa nĩ moko ma andũ, ta wĩ na vata wa kĩndũ, nĩkwithĩwa nĩwe ũnengae onthe thayũ, na mĩthũmũ, na syĩndũ syonthe;
26
na oombie mbaĩ syonthe sya andũ kuma mũndũnĩ ũmwe, matũae ĩũlũ wa nthĩ yonthe, atw’ĩte mavinda moo ala wambie ũtw’a, na mĩvaka ya mawĩkalo moo;
27
nĩ kana mamũmanthe Ngai, o na ethĩwa nĩmatonya ũmũmantha maimũvavata mamwone, o na kau nde kũasa na kĩla ũmwe waitũ:
28
nũndũ twĩ thayũ, na nĩtũũthi, na twĩ na mwĩkalĩle witũ nthĩnĩ wake; o tondũ atili amwe menyu ma mbathi maisye, Nũndũ ithyi naitũ twĩ ũsyao wake.
29
Ĩndĩ kwa kwĩthĩwa twĩ ũsyao wa Ngai, tũiaĩlwe nĩ ũtalĩlya kana Ũ‐Ngai ũvw’anene na thaavu, kana vetha, kana ĩvia, ila syasũvĩtwe na ũtũĩka na ũĩ wa mũndũ.
30
Ĩndĩ mavinda ma ũlea ũmanya, Ngai etw’a ta ũteona; ĩndĩ yu emeaĩa andũ onthe kũndũ kw’onthe maalyũle ngoo:
31
nĩkwĩthĩwa nĩwiĩte mũthenya ũla ũkasilĩla nthĩ yonthe na ũlũngalu, kwa mũndũ ũla wanyuvie; nake amanengete andũ onthe kũmanya, kwondũ wa kũmũthayũũkya kũmumya kwa akw’ũ.
32
Namo meew’a ũvoo wa ũthayũũkyo wa akw’ũ, amwe moovũĩa ngũĩ; ĩndĩ angĩ masya, Tũkakwĩthukĩĩsya ĩngĩ ũvoonĩ ũũ.
33
Na kũilyĩ ũu Vaulo auma vo amatia.
34
Ĩndĩ amwe malũman’ya nake, na meetĩkĩla: na amwe ma asu nĩ Ndionisio ũla Mũaleovako, na mũndũ mũka wetawa Ndamali, na angĩ vamwe nao.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28