bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Acts 20
Acts 20
Kamba (Mbivilia) 1956
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 21 →
1
Na kĩtuu kyu kyakilya, Vaulo amatũmana ala amanyĩw’a na amataa, eeaanĩa nao, na ĩndĩ athi Masetonia.
2
Nake avĩtĩla ngalĩ isu, na ũmanenga ũtao mwingĩ, athĩ Ũkiliki.
3
Na ekalĩte kw’o myei ĩtatũ, Ayuti mamũsamĩa mamũae akilĩlye ũthi na ngalawa avike Silia, nake atw’a kũalũka avĩtĩle Masetonia.
4
Na andũ aa nĩmo maendanisye nake kũvika Asia, Sovatele mũndũ wa Velia, mwana wa Vilo; na ma Athesalonika, Alisitaliko na Sekundo; na Kaio mũndũ wa Ndelive, na Timotheo; na ma Asia, Tikiko na Telovimo.
5
Ĩndĩ andũ asu maĩ manathi mbee, nao matweteela Teloa.
6
Naitũ twaumie Vilivi na ngalawa, ĩtina wa mĩthenya ya kĩmũtũ kĩte ĩlawa, na mĩthenya ĩtano yathela twamavikĩa ala maĩ Teloa; na twekala kw’o mĩthenya mũonza.
7
Na mũthenya wa mbee wa kyumwa, twombanĩte vamwe kũtila kĩmũtũ, Vaulo aneena nao, akyenda ũthi ũnĩ ũsu: na aasavya ũtavan’yo wake kũvika ũtukũ katĩ.
8
Na kwaĩ mataa maingĩ nyũmbanĩ ya ĩũlũ ĩla twoombanĩte.
9
Na mũndũ ũmwe, mwanake wetawa Eutikusi, ailyĩ mbũthinĩ, akwatwa nĩ too mũno; na Vaulo aiendeea mũno na kũtavan’ya kwake, na nĩkwĩthĩwa ausũĩtwe nĩ too wake avalũka kuma nyũmba ya katatũ kũvika nthĩ, na ooswa e mũkw’ũ.
10
Na Vaulo atheea, na amũmamĩa, na amũvĩvĩtĩĩsya, asya, Mũikekĩe kĩtuu; nũndũ thayũ wake wĩ o nthĩnĩ wake.
11
Na ambata ĩũlũ, na atila kĩla kĩmũtũ, na aya, na aneena nao ĩvinda ĩasa, o na kũvika kũikya, na ĩndĩ athi.
12
Na mamũete ũla mwanake e thayũ, na makiakiw’a ũndũ ũtee ũnini.
13
Ĩndĩ ithyĩ, twambie ũthi mbee na ngalawa, twakũsya tũende Asoso, navo twenda ũmũlikya Vaulo: nũndũ nĩw’o watwie, akyenda e we mwene ũthi na nyaĩĩ.
14
Na twavika Asoso, akomana naitũ, na twamũlikya ngalawanĩ, na twathi Mitilene.
15
Na twakũsya kw’o, na mũthenya wa kelĩ twavika vakuvĩ na Kiosi; na mũthenya wa katatũ twavika Samo; na mũthenya wa kana twavika Mileto.
16
Nũndũ Vaulo atw’ĩte kũvĩta Eveso, nĩ kana ndakekale Asia; nũndũ nĩwekalaatĩte, ethĩwa ũu nũtonyeka, we ethĩwe Yelusaleme mũthenya wa Vendekosito.
17
Na atũma andũ kuma Mileto maende Eveso kũmeta atumĩa ma ĩkanisa moke kwake.
18
Nao mooka, amea, Inyw’ĩ ene nĩmwĩsĩ, kuma mũthenya ũla nambie ũkinya nthĩ ĩno ya Asia, ũndũ nekalĩte nenyu ĩvinda yĩu yonthe,
19
ngĩmũthũkũma Mwĩaĩi na wĩnyivyo w’onthe wa ngoo, na methoi, na monyamao ala mangwatie kwa kũsyimwa nĩ Ayuti;
20
ũndũ ndaatundua kũmũtavya inyw’ĩ ndeto o na yĩva ĩmwaĩle, na ngĩmũmanyĩĩsya andũnĩ, nyũmba na nyũmba,
21
ngĩkũsĩĩa kwa Ayuti na Akiliki nao, ualyũlo wa ngoo ũmwelekele Ngai, na mũĩkĩĩo ũmwelekele Mwĩaĩi waitũ Yesũ Klĩsto.
22
Na yu, sisyai, nĩngũthi Yelusaleme nĩ mwove vevanĩ, ndesĩ maũndũ ala mengwatĩa kw’o:
23
ate o Veva Mũtheu kũngũsĩĩa ndũanĩ syonthe, aiasya kana syĩndũ sya kwovwa nasyo na monyamao nimbeteele.
24
Ĩndĩ ndiũtala thayũ wakwa ta kĩndũ kwakwa, nĩ kana nĩtonye kwĩanĩsya mũendo wakwa, na ũthũkũmi ũla noosie kwa Mwĩaĩi Yesũ, kũkũsĩĩa ũla ũvoo mũseo wa mumo wa Ngai.
25
Na yu, sisyai, nĩnĩsĩ kana inyw’onthe, ala nangangĩte katĩ wenyu ngĩtavan’ya ũsumbĩ wa Ngai, mũikambona ĩngĩ ũthyũ wakwa.
26
Kwondũ wa ũu nĩmũkũsĩĩa ũmũnthĩ, kana ndikakũlw’a nyie nthakame ya mũndũ o na wĩva.
27
Nũndũ ndyaatundua kũmũtavya inyw’ĩ ũtw’ĩo w’onthe wa Ngai.
28
Ĩsũvĩei inyw’ĩ ene, na mũisũvĩa ĩĩthya yonthe yĩla Veva Mũtheu ũmũtw’ĩte inyw’ĩ mwĩthĩwe asyaĩĩsya nĩ kana mũĩthye ĩkanisa ya Mwĩaĩi yĩla ũthooete na nthakame yake mwene.
29
Nĩnĩsĩ kana ĩtina wa kũthi kwakwa nzũi mbai ikalika katĩ wenyu, iteũyĩw’ĩa yĩla ĩĩthya tei;
30
na andũ aingĩ makookĩla kuma katĩ wenyu, makĩneena ndeto sya ngũlũ, maimakusya amanyĩw’a mamaatĩĩe mo.
31
Kwondũ wa ũũ syaĩĩsyai, mũkĩlilikana kana ĩvinda ya myaka ĩtatũ ndyaaeka kũmũtaa kĩla mũndũ na kwĩtĩkya methoi mũthenya na ũtukũ.
32
Na yu nĩmũnengane kwa Ngai, na kwa ndeto ya mumo wake, ĩla ĩtonya kũmwaka, na kũmũnenga inyw’ĩ ũtiĩwa katĩ wa onthe ala mavathĩwe Ngai.
33
Ndyaawĩw’ĩa ĩtomo vetha wa mũndũ o na wĩva, kana thaavu, kana ngũa.
34
Inyw’ĩ ene nĩmwĩsĩ kana moko aa makwa matethisye wĩa kwondũ wa mavata makwa mwene na ma ala maĩ nakwa.
35
Maũndũnĩ onthe namũnengie ngelekan’yo, kana nĩmwaĩlwe nĩ ũtethya o ũu, kũmatethya ala onzu, na kũlilikana ndeto sya Mwĩaĩi Yesũ, ũndũ we mwene waisye, Kwĩ mũyo kũnengane kwĩ kwosa.
36
Na aneena ũu, atulya ndu na avoya vamwe namo onthe.
37
Na onthe maĩa mũno, na mamũvalũkĩla Vaulo ngingonĩ na mamũmumunya,
38
makĩmaka mũno nũndũ wa ndeto ĩla waneenie, kana maikamwona ũthyũ wake ĩngĩ. Na mamumaasya mamũvikya ngalawanĩ.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28