bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Ezekiel 16
Ezekiel 16
Lugbara (E’yo Siza Alatararu Munguniri BIBLIA)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 17 →
1
E’yo Yehovani nga eca ma vu dika, ’yozu kini:
2
Mvi ’bani, mi fe Yerusalemu ma ni e’yo ngule onzi erini ’yele ’diyi;
3
azini mi ’yo eri tia kini, Opi Yehova ’yo ’dini Yerusalemu ma tia: Pari mini engazuri pi osiza mini be eri ’ba Kananini ma angua; mi atini ’ba Amorini, mi andrini Hiti ezoni.
4
Te osiza mini eri ’dini, o’du mini osizurisi yi lini otu mini ku, ojini vini mi rua yisi mi ’bazu alaru ku, trini vini mi rua a’isi ku, ombeni mi bongo mva ombezurisi ku indi.
5
’Ba aluni ma mile ovuni yikisi mi vu e’yo ’dinile ’diyi ’yezu mi dri ku, ovuzu asi ndrizasi mi vu; te yi ’be mi angu amveria, yini mi rua ngule onzi o’du mini osizurisi.
6
Mani agaria, ma ka mi ndre mini mi oliria ari alia, ma ’yo mi tia, Mi ka tro la ari mini ma alia ti, mi ma ovu idriru fo; ada ma ’yo mi tia, Mi ka tro la ari mini ma alia ti, mi ma ovu idriru fo!
7
Ma fe mi ma ezu afa kapi amvuarile, mi ezu tu, mi zo amboru tu, mi ca ovuzu rua ndriza be tu, ba mini ega ra, dri’bi mini du ra indi; te ti, mi rua ovu bongo kokoru azini pililiru.
8
Te mi ndre, ma ka mi aga ra, ma ne mi ra, te mi ndre, o’du mini eri o’du letaniri; ma nga di ma bongo ti aja mi dria, ma nga mi rua pililiruri a’bu ra: ada, ma so oyo mi be, ma eci ti mi be e’yo aziza azizu, Opi Yehova ’yo ra, mi ofu afa maniru.
9
O’du ’dasi ma nga mi rua oji yisi, ada ma oji ari ovupi mi ruaari teketeke ra, ma efi mi rua odusi.
10
Ma osu bongo sole wura ndu ndusiri mi ruaa, ma osu yianya ma enyiriko mi paa, ma anzu mi opile bongo mile be nyiririsi, ma a’bu mi bongo asiruturusi,
11
Ma o’ba onyiafa mi ruaa tre, ocoko sule dria ’diyi pi nyoro ombeliari be.
12
Ma osu melea mi omvua, nzia mi bia, oku ndrizaru mi dria indi.
13
’Ba di mi ndrizaru mele pisi dahabu be; bongo mini yi bongo cale mile be nyiria ’diyi pi, lasi pie, bongo sole wura ndu ndusiri be; mi nya mini anyafura ’ile inikiniri pie, anyuoso pie, odu pie. Mi ovu di ndrizaru tu, mi zo kpere ovuzu diza opi zaniri be.
14
E’yo mini ku suru ma eselia rua ndriza minisi; rua mini ndri tu ezata kokoru diza mani, mani ’bale mi ruaa ma’irisi, Opi Yehova ’yo ra.
15
Te mi ’ba mi asi rua ndriza mini ma dria, mi nga di fu awuouru ru kuza mini ma e’yosi, mi osu ali o’baza mini ’ba dria alu alu agapi geria ’diyi ma dria; mi fe mi yiniru.
16
Mi nga di bongo suza mini ’diyi ma azi o’du, mi nga yi ede pari uruleru edele wura ndu ndusi ’diyiru, mi nga ali o’ba ani pari nde ’diyi ma dria; e’yo awa’dinile ’diyi ngani eca dika ku adani eri ngani ovu ’dini dika ku.
17
Mi nga vini onyiafa mini ndrizaru, edele mele mani pisi dahabu mani be, mani fele mi dri ’diyi o’du, mi nga yi ede mi dri wura agupiniru, mi nga di ali o’ba wura ndesi;
18
mi nga bongo mini yini sole wura be ndu ndu ’diyi o’du wura nde ’diyi ma rua a’buzu, mi ’ba odu mani pi obiese vele ve maniri be yi ma drilia.
19
Azini indi mi ’ba enya mani, mani fele mi dri, anyafura ’ile inikiniri pi, odu pie, anyuoso pie, mani fele mi dri nyakaru ’diyi, mi nga di nyaka nde ’ba yi ma drilia ovuzu afa aji be arikariruriru; te eri ovu ’dini, Opi Yehova ’yo ra.
20
Azini vini indi mi o’du agianzi mini piyi ezoanzi mini be, mini otile ma dri ’diyi, te mi oli yi edetaru yi dri, yi dri jazu. Ali o’baza mini ’diyi yi e’yo wereni,
21
mini ani anzi mani ofuzu, mini yi fezu agazu aci ma alesi wura ’diyi dri ’dini ya?
22
Te mini e’yo ngule onzi ’diyi ’yeria dria, azini mini ali o’baria ’dani, mi egani o’du mini ndra ovuzu zamvaru, ndra mini ovuzu bongo kokoru azini pililiru, mini mi olizu ari mini ma aliari ma e’yo aluni ku.
23
Te eri eca ’dini e’yo onzi mini ma dria dria (candi mi dri, candi mi dri, Opi Yehova ’yo ra!)
24
mi si pari mi dri i e’dapi ururi, mi ede mi dri pari uruleruri gboko dria ma alia;
25
mi si pari mini uruleruri gboko dria ma drilia, mi oja rua mini ndrizari afa ngule onziriru, mi zi mi pala walaru ’ba dria alu alu agapi geria ’diyi dri, mi ere ali o’baza mini tu.
26
Mi ’ba ali indi ’ba Misiria, ’ba mi jo ejelia rua be ambo ambo ’diyi be; mi ere ali o’baza mini tu, ma asi engazu ani adraru ’di.
27
Mi ndre, e’yo ’disi ma eju ma dri mi dria ’bo, ma omvi nyaka mini etu vusi etu vusiri wereru, ma fe mi ’ba mi ngupi onzi ’diyi dri, yini mi ’yezu yini lelerile, yi ezoanzi ’ba Fi lisitia ’diyini, ovupi drinzasi geri mini onzikanyaruri ma e’yosi;diyi.
28
Ada mi o’ba ali ’ba Asuria a ’diyi be indi, li minirini ovule ’d anirisi; ada mi o’ba ali yi be ra, te ti, li mini deni i ku.
29
Azini vini mi ere ali o’baza mini angu Kanania kpere Kalideyaa; te ti, li mini deni i ku.
30
Asi mini eri okpo kokoru ’doni ya, Opi Yehova ’yo ra, mini e’yo ’diyi ’yele dria oku asi mbaza be ali o’bapi turini ’yelerilerisi;
31
mini gari mini e’dapi uru ’diyi sile pari gboko driani e’doriaria, mini pari mini uruleru ’diyi edele geri dria ma aliarisi; te mi ovuni oku balibalirurile ku, mini oya gale sirisi.
32
Oku agupini jele rari ali o’ba ’doni ya! Eri ani’ba a’i agupi ma paria’i!
33
’Ba yi adri afa feza fe oku balibaliru ’diyi dri dria; te mi adri afa fe ’ba dria mi lepi ’diyi dri yi jezu, yi ma emu ani mi vu kala driasi ali o’baza minisi.
34
Te mini ali o’baria mi ’ye mini ndu oku azini ’diyi be, ka’dini oku azini mi vuti bipi ali o’bapi mileni yo; a’disiku mi adri oya fe mi’i, te ’ba feni oya mi dri ku; e’yo ’disi mi ovu ndu.
35
E’yo ’disi, mi oku balibaliruri la, mi eri e’yo Yehovani fo!
36
Opi Yehova ’yo ’dini: Mini e’yo onzikanyaru mini osu mini mi rua pililiruri ecele ali o’baza mini ’ba mi lepi ’diyi berisi, mini ovule afa ngule onzi mini ’diyi ma wura inzile inzi ’diyi be driarisi, azini anzi mini ma ari mini fele yi driri ma e’yosi,
37
e’yo ’disi, mi ndre, ma nga ’ba mi lepi mini ndra ovuzu ayikosi yisi ’diyi pi oku dria, ’ba dria ndra mini lele ’diyi piyi ’ba dria ndra mini ngule onzi ’diyi be; ma nga yi oku mi ruaa kalaasi dria, ma nga rua mini pililiruri ece yi dri, yi ma ndre mi rua pililiri ma mgba beni.
38
Te ma nga e’yo mini li yini oku azita ’bani yi jezuri ezapi ’ba ma ari adapi ’diyi ma e’yo lilerile; te ma nga ari aoko pini a’ya beri eji mi ruaa.
39
Ma nga mi fe yi ma dria, yi nga pari mini endrepi ururi ogu va, yi nga pari mini uruleru ’diyi anzu ra; yi nga bongo otru mi ruaarisi ra, yi nga onyiafa mini ndrizaru ’diyi opa ra, yi nga mi ku bongo kokoru azini pililiru.
40
Yi nga ’ba tre oku mi ruaa indi, yi nga mi o’be onisi, yi nga mi so sei yinisi.
41
Yi nga vini jo mini ove acisi, yi nga e’yo liza ’ye mi ruaa oku kakau ma milia; te ma nga fe ali o’baza mini ma de ira, mi ngani asi oya fe dika ku.
42
’Dini ma nga di adra mani fe i dezu mi ruaa, a’ya mini nga ma ku ra; ma nga adri ciri, ma ngani di ovu adrasi dika ku.
43
Mini ewu mini ndra ovuzu zamva wereruri ma e’yo egale kurisi, te mini ma ecandile e’yo ’diyi ma alia driarisi; e’yo ’disi mi ndre, ma nga geri mini omvi be mi ngulupi ma dria, Opi Yehova ’yo ra; te mi ngani e’yo drinzaru tu ’diri ’ye afa ngule onzi mini ’diyi ma drilesi dria ku.
44
Mi ndre, ’ba dria e’yo o’beza o’bepiri nga e’yo o’beza ’diri o’be mi ruaa, kini, zi si i andrile tro tro.
45
Mi mi andri ma zi, ndra i agupi pi ngupi onzi anzi beri’i; mi mi amvipi ma amvi, yi agupi piyi ngupi onzi anzi be ’diyi. Mi andrini Hiti ezoni, mi atini Amoriouni.
46
Amvipi mini ambori eri Samaria’i, ovupi mi dri ejiari, eri’i ezoanzi erini be; amvipi mini wereri ovupi mi dri ndiari eri Sodomu, ezoanzi ’lerini be.
47
Te ti, mi acini geri yini ma alia ku, mi ’yeni e’yo ngule onzi yini ’yele ’diyi ku; te ekile e’yo ndeni ovule wereru turile, mi eza mi aga yini yi ezaleri ra, geri mini ma alia dria.
48
Te mani ovule idrirurile, Opi Yehova ’yo ra, mi amvi Sodomu, eri’i ezoanzi erini be, ’yeni mini ’yele mi’i ezoanzi mini berile ku.
49
Mi ndre, mi amvi Sodomu ma ezata yi ’di: yi isu eri ma alia ezoanzi erini be afu pi, enya treri pie, ava liza lonyi be treri be dria; eri koni vini ’ba alioru ’diyi pi ma aza ’ba afa kokoruri be ku, okpo fezu yi dri.
50
Te yi ovu afuru to, yi ’ye afa ngule onziri ma milia; e’yo ’disi ma wu yi amve, ekile erini ovule onyiru ma miliarile.
51
Samariani indi ’yeni ezata mini ma egalepi ku; te mi fe e’yo ngule onzi mini ’yele ’diyini ezuzu to, mi aga yi onzisi ra, mi fe mi amvipi yini e’dazu kililiru, e’yo ngule onzi mini ’yele ’diyisi dria.
52
Mi indi mi ma ovu di drinzasi mini e’yo lile mi amvipi ma driarisi; e’yo onzi mini, mini ’yele onzikanyaru ngule onzi yi agazu ’diyisi, yi ovu ani kililiru aga mi ra. Ada, mi ma ovu taisi, mi ma ovu di drinzasi, mini mi amvipi fele e’dazu kililirurisi.
53
Ma nga yi omvi vile engyini ma aliasi, yi Sodomu pi ezopi be, ma nga Samaria pi omvi ezopi be, ma nga ’ba emini ’bani obile ati’baru ’diyi omvi yi ma eselia indi,
54
mi ma ngulupi ma ovu ani drinzasi, mi ma ovu vini ani drinzasi e’yo dria mini ’yele ra ’diyisi, mini yi ma asi omilerisi.
55
Te amvipi mini, Sodomu pi ezoanzi erini be, nga emvi pari yini ndrakari ma alia, Samaria pi ezoanzi erini be nga emvi pari yini ndrakari ma alia; mi’i indi ezoanzi mini be, emi nga emvi pari emini ndrakari ma alia indi.
56
A’disiku mi ’yoni amvipi mini Sodomu ma e’yo mi tisi o’du mini ovuzu afururisi ku,
57
de nga yi isuni e’yo onzi mini ku, ekile ewu ezoanzi Suriaa ’diyini mi o’dazurisirile, ’ba dria eri ma ageia ’diyi pie, yi ’ba Filisitiaa ’diyi ma ezopi mi ecandipi kala driasi ’diyi.
58
Mi bi e’yo drinzaru mini piyi ma arioti e’yo ngule onzi mini ’diyi be ’bo, Yehova ’yoni.
59
A’disiku Opi Yehova ’yo ’dini: Ma nga mi ’ye mini ’yele ’borile, mini oyo ’bale aparakaru azini mini aziza nyolerisi.
60
Te ti, ma nga aziza mani mi be o’du mini ovuzu wererurisiri ma e’yo ega, te aja nga fe aziza ’dani ’daniri ma so pa mi be kirikiri.
61
O’du ’dasi mi nga geri mini ega ra, mi nga di ovu ani drinzasi, mi ka nga mi amvipi ’wara ’diyi pi a were ’diyi be raria; te ma nga yi fe mi dri ezoanzi paria, te aziza minisi ku.
62
Te ma nga fe aziza mani ma so pa mi be kirikiri, azini mi nga ni ani ma Yehova’i,
63
mi ma ega e’yoni ani, mi ma ovu taisi, mi ma zi mi tile dika aluni ku beni, drinzani mi bilerisi, ma ka nga e’yo mini ’yeleri ma ezata wu dria ’boria, Opi Yehova ’yo ra.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48