bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Ezekiel 43
Ezekiel 43
Lugbara (E’yo Siza Alatararu Munguniri BIBLIA)
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 44 →
1
Vutinia eri nga ma eji kalitilea, ada kalitile ti fepi etuni efuzurialeruri’i.
2
Te mi ndre, diza Mungu Israelinirini emu geri kala etuni efuzurialeruriasi; o’duko erini yi raza kakau ma awule; nyaku ovu dizaru diza erinisi.
3
E’yoni e’da i ekile afa ndreza ndraka mani ndrelerile, ada afa ndreza mani ndrele yi ara Kebari ma tiarile; ma nga di ma eco o’bukuru va.
4
Diza Yehovani nga di fi jo ma alia geri kalitile ti fepi etuni efuzurialeruri vurisi,
5
Orindi nga di ma ’du uru, nga ma eji kpere riidri alialeruria; te mi ndre, diza Yehovani ga jo ma alia tre,
6
Te ma nga ’ba alu ma o’duko eri ra, erini e’yo ’yoria ma be engazu jo ma alia; te ’ba azini nga pa so ma ageia.
7
Eri nga di ’yo ma tia, Mvi ’bani la, pari oguna manirini eri ’di, eri pari ma pa agele ’bazu mani ngazu adrizu anzi I sraelini ma eselia ’daniri’i. Suru Israelini ngani vini ru mani alatararuri eza dika, yi’i kani opi yini, ali o’baza yinisi ku, kani opi yini ma avu kule pari uruleru ’diyi ma alia ’diyisi ku indi;
8
yini pari yini fizu ’diyi ’bale pari mani fizu ’diyi ma tia ogogo, yini jotile yini ma pati ’bale jotile mani ma pati ma tia ogogorisi; te kiri ama eselia yi pie abi alu a’dule. Te yi eza ru mani alatararuri afa ngule onzi yini ’yele ’diyisi; e’yo ’disi ma ja yi ma dri aoko manisi ’bo indi.
9
Te di curu’do yi ma ’ba ali o’baza yini pi opi yini ma avu ’diyi be ma vusi ziri, te ma nga adri yi ma eselia ’dani ’dani beni.
10
Te mi, mvi ’bani la, mi ece jo nde ’diri suru Israelini dri, yi ma ovu ani drinzasi e’yo onzi yinisi.
11
Yi ka ovu drinzasi afa dria yini ’yelerisi, mi ma imba di yi jo nde ma wura pi nizu, geri ’bani eri sizuri pie, fuza erini ’diyi pie, fiza erini ’diyi pie, wura erini dria ’diyi pie; e’yo azile eri ma e’yosi dria ’diyi pie, wura yini dria ’diyi pie, azita erini dria ’diyi pie dria; mi si eri yi ma milia, yi ma mba wura erini ma ta dria, azita erini ’diyi be dria, ma ’ye yi indi.
12
Azita jo nderini eri ’di: oni ma dria lokiri erini ageinia driari ovu alatararu tu. Mi ndre, ’diri azita joniri’i.
13
Pari edeta edezuri ma o’biza wuale vusi yi ’diyi (wuale nde eri wuale alu driale alu be driniari) etini nga ovu wuale alu, walani wuale alu, tini kalani ma ageiari walani driale erezari alu.
14
Engazu eti nyaku driaria cazu tini valeruria nga ovu wuale iri, walani wuale alu; engazu tini wereria cazu tini amboruria nga ovu wuale su, walani wuale alu;
15
pari edeta edezuri ma esele uruleruri nga ovu wuale su; engazu pari edeta edezuri ma pari aci eduzuria o’yu su indi uruleru.
16
Pari edeta edezuri ma pari ad eduzuri, oconi wuale mudri drini iri, walani vini mudri drini iri, kala su ’diyi yi trotro.
17
Tini ageiniari ma oconi wuale mudri drini su, walani wuale mudri drini su kala erini su ’diyi vusi; tini ageiniari wuale ma ali a’dule, etini wuale alu ageinia kuru. Medula ’bani tuzu ’diyi nga ti fe kala etuni efuzurialeruria.
18
Eri nga di ’yo ma tia, Mvi ’bani la, Opi Yehova ’yo ’dini: Azita pari edeta edezurini yi ’di: O’du yini eri sizu yi ma edeta vezaru ’diyi vezu drinia azini ad oyazu driniarisi,
19
emi ma fe ’ba edeta edepi ’ba Levini Zadoki ma oriru ovupi ma vu ogogo azi ngazu ma dri ’diyi dri monio aluduru edeta e’yo onzisirini, Opi Yehova ’yo ra.
20
Mi nga larini a’i ’ba o’yu erini su ’diyi pi ma dria, tini kalaniari ma pari ti ecipi agyi be su ’diyi pie, kalani ageiniari be dria; ’dini mi nga eri ’ba alaru, mi nga e’yo onzi erini ede ani.
21
Mi nga monio edeta e’yo onziniriruri ’du indi, eri nga eri ve pari azile e’yo ndesi; nde ma angua pari alatararuri ma kala amveriari ma alia.
22
Te o’du iririsi, mi nga ndriago nyibile kokoruri ede edeta e’yo onzisiriru; ’dini yi nga pari edeta edezuri ’ba alaru yini eri ’bale alaru moniosirile.
23
Mi ka nga de eri ’bazu alaru ’bo, mi nga monio aluduru nyibile kokoruri pi ede kabiloago kabilo o’biru ’diyi ma eseliari be.
24
Mi nga yi eji ogogo Yehova ma milia, ’ba edeta edepi ’diyi nga a’i o’be yi ma dria, yi nga yi ede edeta vezaruriru Yehova dri.
25
O’du aziri ma alia dria mi ma ede ndri edeta e’yo onzisiriru o’du alu alu vusi, yi nga vini monio aludururi pi ede kabiloago kabilo o’biru ’diyi ma eseliari be, dria nyibileko kokoru ’diyi.
26
Yi nga pari edeta edezu nderi ma e’yo onzi ede 0’du aziri, yi nga eri ’ba alaru ani, ’dini yi nga eri ’ba ndu afa fele Mungu dririru.
27
Te yi ka nga o’duniri de dria ’bo, eri nga ovu ’dini, kini, engazu o’du arorisi azini drile, ’ba edeta edepi ’diyi nga edeta emini vezaru ’diyi pi ove pari edeta edezuri ma dria, edeta emmi asi anzuruni ’diyi be; te ma nga emi a’i ra, Opi Yehova ’yo ra.
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 44 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48