Ezekiel 30

Lugbara (E’yo Siza Alatararu Munguniri BIBLIA)

← Chapter 29 Jump to: Chapter 31 →

1E’yo Yehovani nga eca ma vu dika, kini:

2Mvi ’bani, mi ondri e’yo, mi ’yo, Opi Yehova ’yo ’dini: Emi ga lulu, Eyawaye, o’du nde ma candi ye!

3O’du ndeni ovule ogogorisi, ada, o’du Yehovaniri ogogo; eri 0’du iritiniri, eri nga ovu ewu ’ba jururu ’diyiniri.

4Seini nga emu Misiri ma dria, asi otiza okporuni nga ovu Etiopiaa, ’ba ka odra Misiria raria; yi nga ’ba erini ongulumuru ’diyi ji pari azinia, abi erini ma etini nga ovu onyozaru va.

5Etiopia pi, Puti pie, Ludi pie, ’ba dria vi osapi osa ’diyi pie, Kubu pie, anzi angu azizanirini ’diyi pie, nga odra yi be tualu seisi,

6Yehova ’yo ’dini: ’Ba nde Misirini edrepi uru ’diyi nga o’de indi, afu okpo erinirini nga esi va; engazu jo izuru Sevenearia yi nga o’de seisi angu nde ma alia, Opi Yehova ’yo ra.

7Yi nga ovu andruru angu andruru ’diyi ma eselia, aku erini ambo ambo ’diyi nga ovu aku ovupi ezazaru ’diyi ma eselia.

8Te yi nga ni ma Yehova’i, ma ka nga ad ma ti ’ba Misiri ma alia, azini ’ba eri ma aza kopi ’diyi ka nga ovu dri jazaru de dria ’boria.

9O’du nde ’dasi ojio nga fu ma driliasi acizu oguru ma alia uri fezu ’ba Etiopiaa e’yo egapi ku ’diyi dri; asi otiza okporuni nga ovu yi ma dria, ekile o’du Misirinisirile; te mi ndre, eri emu ra!

10Opi Yehova ’yo ’dini; Ma nga vini fe ’ba ongulumuru Misiria ’diyini dezu Nebukadreza opi Babuloniari ma drisi.

11Ma nga eri eji ’ba erini he tualu, yi ’ba uri fepi suru eselia ’diyi, anguni ezazu; yi nga yi ma sei onze a’di ’dizu Misiri be, nga fe anguni ga tre ’ba ofule ’diyi ma avusi.

12Ma nga fe yi ara ’diyini angazu, ma nga anguni fe ozi ’ba asi onzi be ’diyi dri; ma nga fe angu nde ma eca andruru afa alenia ’diyi pie dria, ’ba jururu ma drisi; ma’i Yehova, ma ’yo e’yo ’diri ’bo.

13Opi Yehova ’yo ’dini: Ma nga wura inzile inzi ’diyi ma dri ja indi, ma nga fe wura ma de yi Nofuasi ra; ’ba azini engapi angu Misiriari ngani efu opiru dika ku; te ma nga uri ’ba angu Misirinia ra.

14Ma nga Patirosini ’ba ovuzu andruru, ma nga aci edu Zoania, ma nga e’yo liza ’ye Noa.

15Ma nga asi veza mani osu Sini pari okporu Misiriniri ma dria, ma nga ’ba ongulumuru Noa ’diyi ofu ra.

16Ma nga aci edu Misiria; Sinini nga ovu rua suza be tu; yi nga Noni onyo ra, Nofuni nga ovu ari’ba be etuzu.

17Karile Avenia ’diyi pi nga o’de seisi Pi-besetia ’diyi be; yi nga aku ’diyi ji ati’baru.

18Etuni nga ovu iniru Tehapenesia indi, ma ka nga kulumbu Misirini onyo ’dale, azini afu eri ma okponirini ka nga asi eri ma aliasi raria; te eri’i iritini nga eri a’bu ra, ezoanzi erini nga mu ati’baru.

19’Dini ma nga e’yo liza ’ye Misiria ra. Te yi nga ni ma Yehova’i.

20Eri nga eca ’dini, eli mudri drini aluri ma mba aluri ma o’du aziririsi, e’yo Yehovani nga eca ma vu, kini:

21Mvi ’bani la, ma nyo Farau opi Misiriari ma wu ’bo; te mi i ndre, ’ba ombeni nga eri aro ’bazu i ku, ombeni vini eri bongobasi, erii ma ovu ani okporu sei bizu beni ku.

22E ’yo ’ disi Opi Yehova ’yo ’dini: Mi ndre, ma Farau opi Misiriari ma; dri aru, ma nga eri ma wu onyo ra, i wu okporuri pi nyole ’bori be iritro; ma nga fe sei ma e’de eri ma driarisi va.

23Ma nga ’ba Misiria ’diyi ere suru eselia, ma nga yi ere ndu ndu angu ndu ndu ma eselia.

24Ma nga okpo fe opi Babuloniari ma wuni mbazu, ma nga sei maniri fe eri ma dria: te ma nga Farau ma wu onyo ra, eri nga ota eri ma drilia ’ba ebi be ngapi drapi rarini otalerile.

25Ma nga opi Babuloniari ma wu edre uru, te Farau ma wuni nga e’de va; te yi nga ni ma Yehova’i, ma ka nga ma sei fe opi Babuloniari ma dria, eri ka nga eri eju angu Misirini ma dria ’boria.

26Te ma nga ’ba Misiria ’diyi ere suru eselia, ma nga yi ere ndu ndu angu ndu ndu ma eselia. Te yi nga ni ma Yehova’i.

← Chapter 29 Jump to: Chapter 31 →