bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Ezekiel 22
Ezekiel 22
Lugbara (E’yo Siza Alatararu Munguniri BIBLIA)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 23 →
1
E’yo Yehovani eca ma vu dika kini,
2
Te mi, mvi ’bani, mi nga aku ari beri ma e’yo li ra ya? Mi nga eri ma e’yo li ra ya? Ka’dini mi fe eri ma ni e’yo onzikanyaru ngule onzi erini ’yele ’diyi dria ra.
3
Mi nga ’yo ’dini, Opi Yehova ’yo ’dini: Eri aku ’ba ma ari adapi eri ma alia, ewu erini ma emu ani; wura toko edepi eri ma ngulupi ezazuri’i!
4
E’yo nde mi ’bo, ari mini adaleri ovu mi dria, wura toko mini edele ’diyi eza mi ’bo indi; mi fe ewu mini ma eca ogogo, mi ma ca kpere eli mini ovuzu dezaru ’diyi vu ani. E’yo ’disi ma ’ba mi o’dataru suru ndu ndu vu, azini ajidimararu angu dria vu.
5
’Ba ovupi ogogo ’diyi pi ’ba mi vu re ’diyi be nga mi ogu, mi ’ba onzi ru kupi tu azini gapi tre ombasiri la!
6
Mi ndre, ’ba opiru Israelini ’diyi ovu mi alia ’ba ma ari adazu, yi dria alu alu ekile yi ma okponi ecolerile.
7
Mi alia yi ’ba yi atapi piyi andripi be aparakaru; mi alia yi ani’ba inza tu; mi alia yi imvoanzi pi ’ye onzi awuzi be.
8
Mi onzo afa mani alatararu ’diyi ’bo, mi eza sabato mani ra.
9
’Ba ’ba esupi ’ inzosi ’diyi ovu mi ma alia ari ’bani adazu, mi alia ’ba nyaka nyapi oni ma dria ’diyi ci; mi alia yi ’ye e’yo, drinzaru tu.
10
Mi alia yi tru atapi ma bongo yi ma rua pililiri nezu; mi ma alia yi fe drinza oku ovupi alata kokoru i ma esele copi nduri vu.
11
’Ba azini eza e’yo onzikanyau Munguni ngule onzirile ’ba eri ma jo ejeleari ma okusi; ’ba aziniri eza i vile mvari ma okusi drinzaru tu; ’ba azini mi aliari fe drinza i amvipi i atini tileri dri.
12
Mi alia yi a’i afa feza ’ba ti razu ari ’bani adazu ’diyi; mi a’i mari ma ereza pi ereza azini be, mi nya ’ba mi jo ejeleari ma afa ngirisi, afa nde opazu okposi; te mi dri avi masi ’bo, Opi Yehova ’yo ra.
13
E’yo ’disi, mi ne, ma sa ma dri orodri mini isule inzosiri ma e’yosi, azini ari yini adale mi ma aliarisi indi.
14
Mi asi eco tezaru, mi dri eco ovuzaru okpo be, ewu mani ngazu mi ’yezurisi ra ya? Ma Yehova, ma ’yo e’yo ’diri ma’i, ma nga eri ’ye ra.
15
Ma nga mi ere suru eselia, ma nga mi ’ba ndu ndu angu ndu ndu ma eselia; ma nga fe ondi minini i dezu mi aliasi.
16
Te mi nga ovu ezazaru mi ma ngulupisi suru ’diyi ma milia; mi di nga ni ma Yehova’i ani.
17
E’yo Yehovani eca ma vu, kini:
18
Mvi ’bani, suru Israelini ofu ma dri ayazele; yi dria ovu molaru, kani aya emveriru, kani ayaru, kani aya nzizaru turiru okalemvu ma alia; yi ovu dahabu zeru.
19
E’yo ’disi Opi Yehova ’yo;dini: Emi driani ofule ayazerurisi, e’yo ’disi, emi ne, ma nga emi oku Yerusalemu ma alia.
20
Te ekile yini dahabu pi, mola pie, aya pie, aya nzizaru pie, ayai emveru pie dria, okule okalemvu ma alia aci vuzu drinia erini akazurile ’dinile indi ma nga emi oku adra mani pi ma alia aoko mani be, ma nga emi o’ba ’daa, ma nga emi aka ra.
21
Ada ma nga emi oku ra, ma nga aoko mani ma aci vu emi dria, emi nga ani aka yiru aci nde ma alia ra.
22
Ekile dahabuni akale okalemvu ma aliarile, ’dinile indi emi nga aka yiru eri ma alia ra; te emi nga ni ani kini ma Yehova, ma osu aoko mani emi dria ma’i.
23
E’yo Yehovani eca ma vu ’yozu kini:
24
Mvi ’bani, mi ’yo eri tia, Mi angu ojile alaru kuri’i; ozoo ’dini vini mi dria o’du asi vezanirisi ku.
25
Nabi erini eci yi ma ti e’yo otuzu eri ma alia, ekile kami onopi za ciriarile; yi nya orindi ’bani ’bo; yi bi lonyi pi afa aje ambosi ’diyi be; yi fe oku kakau ma ovu awuziru eri ma alia.
26
’Ba erini edeta edepi i ’diyi eza azita mani ambosi, yi eza afa mani alatararu ’diyi ra; yi coni afa alataruri pi ma esele afa alatara kokoruri be ku, yi feni ’ba ma ama e’yo afa ondiru pi ma esele cozu afa alari be ku, yi ozi yi mile ozi ozi, yi kazu sabato mani ndrezu ku benisi, ma ofu afa alatara kokorule yi ma leselia.
27
’Ba erini opiru ’diyi ovu eri ma alia ekile obau za cipirile ari ’bani adazu, ’ba ma orindi dri jazu, yi ma isu orodri ogusi beni.
28
Nabi erini ’diyi e’bura jo yi dri odri agagarisi, e’yo toko toko ’diyi ndrezu, e’yo inzoru ondrizu yi dri, ’yozu kini, Opi Yehova ’yo ’dini ’de isu Yehova ’yoni ku.
29
’Ba angu ndea ’diyi inza ’ba ra, yi afa ’bani opa ogusi, adani yi ecandi alia piyi ’ba afa kokoru ’diyi be, yi inza ani’ba inzosi ra.
30
Ma nda ’ba azini yi ma eselia, ngazu kali edezu, ngazu pa sozu ma milia pari i asupi vari ma alia, angu nde ma e’yosi, ma ma ja angu nde ma dri ku beni; te ma isuni ku.
31
E’yo ’disi ma osu asi veza mani yi ma dria ’bo; ma ja yi ma dri teketeke adra mani ma acisi; ma omvi geri yiniri be yi ma ngulupi ma dria ’bo, Opi Yehova ’yoni.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48