bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Ezekiel 40
Ezekiel 40
Lugbara (E’yo Siza Alatararu Munguniri BIBLIA)
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 41 →
1
Amani ovuzu ati’baru eli kali iri drini towi ’borisi, eli ndeni e’doria, mba nde ma o’du mudrisi, eli nde mudri drini su yini aku ezazu ’bori ma vutiari’i, o’du nde ’dasi Yehova ma dri ovu ma dria, eri ii ma ’dale.
2
Eri ji ma e’yo ndreza!; Munguniri ma alia kpere angu Israelini ma alia, ’ba ma va oni izuru turi ma dria, oni nde ma woko uruleruri ma dria wura aku amboruni indi.
3
Ji ma ’dale, te mi ndre, agu indi i e’dapi e’daza molanirile, ovupi pala baka pi be eri ma dria, ozu afa o’bizuri beri; agu nde so pa kalitilia.
4
’Ba nde nga ’yo ma tia kini, Mvi ’bani la, mi ndre mi milesi, mi eri mi bilesi, mi ’ba mi asi e’yo dria mani ngale ecele mi driri ma dria, a’disiku eji mi ’dia ma ma ece yi mi dri beni; mi ma olu vini afa mini ndreleri ma e’yo dria suru Israelini ma tia.
5
Te mi ndre, abi indi jo ma kala i amveleruria ageinia kuru; agu nde ma dria ozu afa o’bizuri indi, oconi wuale azia, isu wuale nde eri wuale alu driale be driniari; ’dini eri nga abi siza nde ma walani o’bi ozu alu; oconi izururi ozu alu indi.
6
Vutinia eri nga eca kalitile angu ndrepi etuni efezurialeruri vu, nga tu medula erini ma dria, nga pari ’bani fizu kalitiliari o’bi, walani ozu alu, pari fizu aziniri walani ozu alu;
7
pari kalitile agei tezuri alu alu ma izuni ozu alu, walani ozu alu indi; angu pari nde ’diyi ma eseliari wuale towi; pari fizu kalitilia, kalitile ma jobileko ma ageia jo vuleruri eri ozu alu.
8
Eri nga kalitile ma jobileko jovuleruri o’bi Indi, ozu alu.
9
Vutinia eri nga kalitile ma jobileko o’bi, wuale aro; pati eri ma kalaa ’diyi wuale iri; isu kalitile ma jobileko fe ti jovualeru.
10
Pari kalitile ma agei tezu etuni efuzurialeru ’diyi, kala ’disi yi na, kala ’dasi yi na indi; yi na tro ma o’bizani alu; pati nde ’diyi ma o’bizani alu, kala ’disi azini kala ’dasi trotro, trotro,
11
Eri nga pari kalitileni i zizuri ma walani o’bi, wuale mudri; kalitile ma oconi, wuale mudri drini na.
12
Afa esele cozuri indi pari agei tezu ’diyi ma drilia, kala ’disi wuale alu, azini afa esele cozu aziniri wuale alu kala ’dasi; pari agei tezu ’diyi kala ’disi wuale azia, kala ’dasi wuale azia indi.
13
Eri nga vini kalitile o’bi engazu jo agei tezuri ma dri aluri vi; cazu aziniri ma dri vu, walani wuale kali iri drini towi engazu jotile vu, cazu jotile aziniri vu.
14
Eri nga pati i’di indi, wuale kali azia; riidri ca kpere pati ma tia, kalitile acezu ageinia kuru.
15
Engazu pari ’bani fizuri ma kalitile ma drilia cazu kpere kalitile ma jobileko alialeruri ma drilia, wuale kali towi.
16
Pari agei tezu ’diyi ma derisa opizaru ’diyi yi ci, azini pati kalitile ma kala alialeruria ’diyi ma ageia, azini jobileko ma alia indi; derisa yi ovu ageinia kuru alialeru; pati alu alu ma ruaa itu pati ma wura indi.
17
Vutinia eri nga ma eji riidri amveleruri ma alia; azini mi ndre, jo aliza piyi angu senderu oni otiza beri ovu riidri ma kalaasi kuru; jo ale kali na oni otiza nderi ma dria,
18
Oni otiza nde ovu kalitile ’diyi ma kalaa, kalitile ma oco vusi trotro; ada ’di oni otiza eleri’i.
19
Vutinia eri nga walani o’bi engazu kalitile eleri ma drilia kpere cazu riidri alialeruri ma kala amveleruri ma drilia, wuale turu alu kala etuni efuzuriari pi andraleruri be iritro.
20
Te eri nga riidri amveleruri ma kalitile ti fepi kala andraleruriari ma oconi pi o’bi walani be.
21
Jo erini ageini tezu ’diyi ovu kala ’disi na, kala ’dasi na indi; pati erini ’diyi pi jobileko erini be ovu kalitile okori ma o’biza vusi trotro; oconi wuale kali towi, walani wuale kali iri drini towi.
22
Derisa erini piyi, jobileko erini pie, itu pati erini pie ovu kalitile ti fepi kala etuni efuzurialeruri ma o’biza vusi; ’ba tu eri vu medula azirisi; jobileko erini ovu yi ma drilia.
23
Kalitile azini riidri alialeruri ma alia indi, ovupi otizaru kalitile aziniri vu, kala andraleruria azini kala etuni efuzurialeruria iritro; eri nga angu o’bi engazu kalitile aluri vu cazu aziniri vu, wuale turu alu,
24
Eri nga vini ma dri ce woke uruleruria, te mi ndre, kalitile ti fepi kala uruleruriari indi; eri nga pati erini ’diyi pi o’bi jobileko erini be o’biza ’diyi vusi.
25
Derisa indi eri ma alia azini jobileko erini ma alia ageinia kuru, ekile derisa ’dayile; oconi wuale kali towi, walani wuale kali iri drini towi.
26
Medula aziri indi ’bani tuzu driniari, jobileko erini ovu yi ma drilia; itu pati ma wura indi, kala ’disi alu, kala ’dasi alu, pati erini ma ruaa.
27
Riidri alialeruri ma kalitile woke uruleruria indi; eri o’bi angu engazu kalitile aluria cazu aziniri vu, uruleru, wuale turu alu.
28
Vutinia eri nga ma eji riidri alialeruri vu geri kalitile uruleruri vurisi, eri nga kalitile uruleruri o’bi o’biza ’diyi vusi.
29
jo erini agei tezu ’diyi pi, pati erini ’diyi pie, jobileko erini ’diyi pie, o’biza ’diyi vusi trotro; derisa indi eri ma alia azini jobileko erini ma alia ageinia kuru; oconi wuale kali towi, walani wuale kali iri drini towi.
30
Jobileko ageinia indi, oconi wuale kali iri drini towi, walani wuale kali iri drini towi.
31
lobileko erini ’diyi ovu riidri amveleruri vuleru; itu pati ma wura indi pati erini ma ruaa, tuza erini ovu medula be aro.
32
Eri nga ma eji riidri alialeruria kala etuni efuzurialeruria, eri nga di kalitile o’bi o’biza ’diyi vusi.
33
Jo erini agei tezu ’diyi pi pati erini ’diyi pie, jobileko erini ’diyi pie, o’biza ’diyi vusi; derisa indi eri ma alia, azini jobileko erini ma alia ageinia kuru; oconi wuale kali towi, walani wuale kali iri drini towi.
34
Jobileko erini ’diyi ovu riidri amveleruri vuleru, itu pati ma wura ovu pati erini ma ruaa kala ’dosi kala ’dasi; tuza erini ovu medula be aro.
35
Eri nga di ma eji kalitile andraleruria, eri nga eri o’bi o’biza ’diyi vusi.
36
Jo erini agei tezu ’diyi pi pati erini ’diyi pie, jobileko erini ’diyi pie; derisa indi eri ma alia ageinia kuru; oconi wuale kali towi, walani wuale kali iri drini towi.
37
Pati erini ’diyi ovu riidri amveleruri vuleru, itu pati ma wura ovu pati erini ma ruaa kala ’dosi kala ’dasi; tuza erini ovu medula be aro.
38
Jo aliza indi, jotile erini be, pati kalitilia ’diyi ma tia; yi adri edeta vezaruri oji ’daa.
39
Kalitile ma jobileko ma alia mesa indi, kala ’dosi iri, kala ’dasi mesa iri indi, ’bani ani edeta vezaruri pi lizu yi ma dria, edeta e’yo onziniri pie, edeta e’yoni ’ba ndezurini be.
40
Kala aluria amve ’bani firia, pari fizu kalitile andraleruri ma aliaria, mesa iri indi; kala azini ovupi kalitile ma jobileko ma tiaria mesa iri vini indi.
41
Mesa su ovu kala ’disi, mesa su kala ’dasi, kalitile ma kalaa, dria mesa aro edeta lizu ’diyi.
42
Mesa edeta vezarurini edele oni lile lirisi ’diyi su, oconi wuale alu ali be, walani wuale alu ali be, izuni wuale alu; mesa nde ma dria yi adri afa yini edeta vezaruri pi lizu edeta azini be ’diyi o’ba ra.
43
Ewia, oconi driale ale, eci yi alenia ageinia kuru. Afa feza edetaruri ma za ovu mesa ’diyi ma dria.
44
Kalitile alialaruri ma kala amveleruria jo aliza indi, ’ba ongo ngopi riidri alialeruri ma alia ’diyi dri, jo aliza nde ovu kalitile andraleruri ma tia, fe ti uruleru, te jo aliza alu kalitile etuni efuzurialeruri ma tiari fe ti andraleru,
45
Eri nga ’yo ma tia kini, Jo aliza ’ di ti fepi uruleruri eri ’ba edeta edepi jo ma azi ma ta mbapi ’diyini,
46
te jo aliza ti fepi andraleruri eri ’ba edeta edepi pari edeta edezuri ma azi ta mbapi ’diyini; yi anzi Zadokini, anzi Levini ma eselia esipi Yehova vu ogogo azi ngazu eri dri ’diyi.
47
Eri nga riidri o’bi, oconi wuale turu alu, walani wuale turu alu, kala be trotro, trotro; pati edeta edezuri ovu jo ma drilia.
48
Vutinia eri nga ma cii jo ma ada ma jobileko vu, eri nga pati jobilekoni ’diyi o’bi yi alu alu, kala ’dosi wuale towi, kala ’dasi wuale towi; kalitile ma walani ovu wuale na kala ’dosi azini wuale na kala ’dasi.
49
Jobileko ma oconi ovu wuale kali iri, walani wuale mudri drini alu; medula ’bani tuzu eri vuri ma tia ogogo; pati pa sopi piriru ’diyi indi pati ma tia, alu kala ’dosi, aziniri kala ’dasi medula ’bani tuzu eri vuri ma tia ogogo; pati pa sopi piriru ’diyi indi pati ma tia, alu kala ’dosi, aziniri kala ’dasi.
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 41 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48