bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Joshua 1
Joshua 1
Quechuan QXO (Biblia en Quechua del sur de Conchucos)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
1
Tayta Diospa sirviqnin Moiséspa yanapaqninmi Numpa tsurin Josué karqan. Moisés wanuskiptinnam Josuéta Tayta Dios nirqan:
2
«Sirvimaqnï Moisés wanukushqanam. Tsaymi Israel runakunata pushar Jordán mayuta päsatsir awninqä nacionman chätsinki.
3
Moisésta awninqänöllam mayman chäyanqaykipis qamkunapäna kanqa.
4
Chaskiyänaykipä nacionmi desiertupita qallaykur Líbanuchö kaykaq jallqakunayaq chanqa. Tsaynöllam Éufrates mayupita qallaykur Mediterráneo Lamaryaq chanqa. Tsay nacionchömi heteo runakunapis taykäyan.
5
Moisésta yanapanqänöllam qamtapis mana dëjaypa yanapashayki. Tsaymi guërrachö pelyaptiki ni pipis vincishunkitsu.
6
«Qammi Israel runakunata rakipunki unay castankunata awninqä nacionta herenciankuna kananpä. Tsaynö kaykaptinqa ama qelanaytsu ni mantsariytsu.
7
Yapaymi nï: Ama mantsariytsu ni qelanaytsu. Sirvimaqnï Moisés yachatsishunqayki leykunata mana qonqaypa cumpliy. Llapanta cumpliptikiqa ima ruranqaykichöpis yanapashaykim.
8
Tsay qellqashqa leykunataqa imaypis ama qonqankitsu, sinöqa paqaspa junaqpapis yarpachakunki llapanta cumplinaykipä. Tsaynö cumpliptikim llapan ruranqaykikunapis alli kanqa.
9
Noqaqa Tayta Diosnikim kä. Maypa aywaptikipis yanapanäpä qamwanmi imaypis kaykäshä. Tsaynö kaykaptinqa ama mantsariytsu ni qelanaytsu».
10
Tsaypitanam Israel autoridäkunata Josué nirqan:
11
«Entëru campamentupa aywar runakunata niyay: «Millkapaykikunata alistakuyay. Kananpita kimsa junaqtam Jordán mayuta päsashun Tayta Diosnintsik awnimanqantsik nacionta chaskinantsikpä».
12
Tsaypitanam Rubén trïbu runakunata, Gad trïbu runakunata y pullan Manasés trïbu runakunata qayaykatsir Josué nirqan:
13
«Yarpäyay Tayta Diospa sirviqnin Moisés niyäshunqaykita. Paymi nirqan: «Tayta Diosnintsikmi jamayman yaykatsiyäshurniki kay tsimpa markakunata y chakrakunata entregayäshurquyki».
14
Niyäshunqaykinölla Jordán mayu kay tsimpanchö täyänaykipä Moisés rikatsiyäshunqallaykichö warmikikunata, tsurikikunata y ashmaykikunata dëjayay. Qamkunaqa armaykikunata apakurkur Israel mayikikunapa puntanta aywayay pelyar yanapayänaykipä.
15
Tsaynö aywar yanapayanki qamkunanö paykunapis jamayman yaykur Tayta Diosnintsik awninqan nacionta chaskiyanqanyaq. Tsaypitanam Jordán mayu kay tsimpanman kutiyämunki Tayta Diospa sirviqnin Moisés rikatsiyäshunqayki herenciaykikunaman. Tsaychönam qamkuna imayyaqpis täkuyanki».
16
Josué tsaynö niptinmi paykuna niyarqan: «Taytay, llapan niyämanqaykitam cäsuyäshayki. Maypa aywayänäpä niyämaptikipis aywayäshämi.
17
Moisésta cäsuyanqänöllam qamtapis cäsuyäshayki. Tayta Dios yanapaykulläshunki Moisésta yanapanqannölla.
18
Ninqaykikunata pipis mana cäsurqa wanutsishqam kanqa. Tsaynö kaykaptinqa ama mantsariytsu ni qelanaytsu».
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24