bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Joshua 5
Joshua 5
Quechuan QXO (Biblia en Quechua del sur de Conchucos)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
1
Amorreo runakunapa mandaqnin reykunam musyaskiyarqan Israel runakuna päsayänanpä Jordán mayuta Tayta Dios tsakitsinqanta. Tsay reykunaqa Jordán mayu tsimpan rupay ullunan lädupam täyarqan. Tsaynöllam musyayarqan Mediterráneo Lamar kuchunchö täraq cananeo runakunapa mandaqnin reykunapis. Tsayta musyaskirmi pasaypa mantsarir Israel runakunawan pelyaq aywaytapis munayarqantsu.
2
Jordán mayuta päsaskiyaptinmi Josuéta Tayta Dios nirqan: «Rumipita cutsillukunata ruraskir Israel runakunata señalatsinki papäninkunanö señalashqa kayänanpä».
3
Tsaynö niptinmi rumipita cutsillukunata ruraskir Aralot jirkachö Israel runakunata Josué señalatsirqan.
4
Tsaynö señalatsirqan Egiptupita yarqamuq runakuna desiertuchö wanur ushakäyashqana kaptinmi. Tsay wanuq runakunaqa Egiptupita yarqamur guërraman aywayänanpä edäninkunachönam kayarqan.
5
Tsay runakuna señalashqa kayaptinpis desiertuchö yuriqkuna señalanni kayaptinmi Josué señalatsirqan.
6
Egiptupita yarqamur guërraman aywayänanpä edäninkunachö kaq runakunaqa chusku chunka (40) wata desiertupa purirmi wanuyarqan. Tsaynö wanuyarqan Tayta Diosta mana cäsuyanqanpitam. Tsaymi paykunata Tayta Dios nirqan unay castankunata awninqan nacionman mana yaykuyänanpä kanqanta. Tsaychöqa lichipis abëjapa mishkinpis yakunörämi atska kaykan.
7
Egiptupita yarqamuq runakuna wanushqana kayaptinmi paykunapa tsurinkunata Josué señalatsirqan. Paykunatam Tayta Dios churarqan wanuq runakunapa trokin awninqan nacionta chaskiyänanpä. Viäjichö karmi tsay junaqyaq señalanni kayarqan.
8
Llapanta señalaskiyaptinnam allïyanqanyaq campamentullachö quëdakuyarqan.
9
Tsaypitanam Josuéta Tayta Dios nirqan: «Señalashqana karmi Egiptuchö esclävu kayanqanpita penqakuyanqanatsu». Tayta Dios tsaynö ninqanpitam kananyaq tsay partipa jutin Gilgal.
10
Gilgalqa Jericó pampachömi kaykan. Israel runakuna tsaychö kaykarmi wata qallaykunan killachö chunka chusku junaq tardi Pascua fiestata rurayarqan.
11
Tsaypita waraynin junaqnam levadüraynaq tantata mikuyarqan y trïgu kamtsatapis uchuyarqan. Tsaykunaqa jinanchö wayuq mikuykunam karqan.
12
Tsay junaqpitaqa manam mikuyänanpä maná karqannatsu. Tsaymi Canaánchö chakrakuna wayunqallantana mikuyarqan.
13
Jericó marka cercanchö puriykanqanchömi Josué rikarqan espädan aptashqa ichiraykaq runata. Tsaymi witiykur tapurqan: «¿Qamqa favornïkunaku o conträkunapa favorninku kanki?»
14
Tsay runanam nirqan: «Manam mayqaykipapis favornikikunatsu kä. Noqaqa Tayta Diospa soldädunkunapa mandaqninmi kä». Tsaynö niptinmi Josuéqa patsaman lätaykur tsay soldäduta nirqan: «Taytay, sirviqnikim kä. ¿Imatä willamänaykipä kaykan?»
15
Tsaynö niptinmi Tayta Diospa soldädunkunapa mandaqninqa nirqan: «Jatiranqayki llanqikita ras jipiy. Sagrädu sitiuchönam ichiraykanki». Tsaynö niptinmi Josuéqa llanqinta ras jipiskirqan.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24