bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Joshua 9
Joshua 9
Quechuan QXO (Biblia en Quechua del sur de Conchucos)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 10 →
1
Heteo runakunapa, amorreo runakunapa, cananeo runakunapa, ferezeo runakunapa, heveo runakunapa y jebuseo runakunapa mandaqnin reykunam wakin markakunata Israel runakuna ushakätsiyanqanta musyaskiyarqan. Tsay reykunam täyarqan jallqakuna kanqan partipa, Sefelapa y Mediterráneo Lamar kuchunpa hasta Líbanuyaq. Llapan tsay partikunaqa Jordán mayu tsimpan rupay ullunan kaq lädupam karqan.
2
Tsay reykunam willanakuyarqan Josuéta y Israel runakunata atacayänanpä.
3
Gabaónchö täraq runakunaqa Jericó markata y Hai markata Josué ushakätsinqanta musyaskirmi
4
engañayänanpä yarpachakuyarqan. Tsaymi Josué kaqman runakunata mandayarqan. Paykunam makwa costalninkunata y qarapita rurashqa makwa y remendashqa vïnu wiñakuyänankunata ashnunkunaman chaqnakurkur aywayarqan.
5
Tsaynöllam makwa llanqinkunata y remendashqa röpakunatapis jatikuyarqan. Nänipa aywar mikuyänanpäpis mupallishqa chukru tantallatam apayarqan.
6
Gilgal campamentuman chaykurmi Josuéta y Israel runakunata niyarqan: «Qamkunawan alli kawanantsikpämi pasaypa karupita pactu ruraq shäyämurqü».
7
Tsaynö niyaptinmi Israel runakuna heveo runakunata niyarqan: «Qamkunaqa capazchi cercallachöpis täyanki. Cercachö täyaptikiqa pactuta ama rurashuntsu».
8
Tsaypitanam Josuéta niyarqan: «Noqakunaqa mandayämanqaykitam rurayäshä». Josuénam tapurqan: «¿Maypitatä kayanki? ¿Mayqan casta runakunatä kayanki?»
9
Paykunanam niyarqan: «Tayta Diosniki Egipto runakunata imanö castiganqantapis musyaskirmi karupita shäyämurqü.
10
Tsaynöllam musyayarqü Jordán mayu wak tsimpanchö täraq amorreo runakunapa ishkay mandaqnin reykunata imanö ushakätsinqanta. (Paykunaqa kayarqan Hesbón markapa mandaqnin rey Sehón y Basán partipa mandaqnin rey Ogmi. Ogqa Astarotchömi täkurqan.)
11
Tsaymi autoridänïkuna y marka mayïkuna mandayämar niyämashqa: «Millkapaykikuna alistakuskir Israel runakuna kaqman aywar niyanki: «Noqakunaqa sirviqnikikunam kaykäyä. Alli kawanantsikpä kanan pactuta rurashun».
12
Niyämanqannöllam shäyämurqü. Rikayay. Markäpita yarqamurmi kay tantakunata achaykaqllata millkapäkayämurqä. Kananqa mupallishqa y chukrushqanam kakan.
13
Kay qarakunamanpis mushuqmanmi vïnuta wiñakayämurqä. Kananqa rachir ushashqanam kaykan. Tsaynö karuta shayämuptïmi röpäkunapis y llanqïkunapis makwayar chipyaq rachikashqa kaykan».
14
Tsaynö niyaptinmi apayämunqanta rikaykur Israel runakuna criyir mikuyarqan. Peru rasunpa karupita kayanqanta musyayänanpä Tayta Diosta manam tapukuyarqantsu.
15
Tsaynöpam Josué paykunata promitirqan mana wanutsinanpä. Tsaypitanam Israel mayor runakuna Tayta Diospa jutinchö awniyarqan tsay pactuta cumpliyänanpä.
16
Tsaypita kimsa junaqtanam Israel runakuna musyayarqan Gabaón runakuna cercallachö täyanqanta.
17
Tsayta musyaskir ashiqnin aywarmi kimsa junaq aywaychö tariyarqan Gabaón runakunapa markankunata. Paykunapa markankunam karqan Gabaón, Cafira, Beerot y Quiriat-jearim.
18
Tsaychö tarirpis yärakuyanqan Tayta Diospa jutinchö autoridäkuna awnishqa kayaptinmi wanutsiyarqantsu. Gabaón runakunawan pactuta rurayanqanpitam Israel runakunaqa autoridäninkunapa contran parlayarqan.
19
Tsaymi autoridäkuna niyarqan: «Noqakuna Tayta Diospa jutinchö jurarmi mana wanutsinantsikpä awniyarqü. Tsaymi kananqa ima ruraytapis puëdintsiktsu.
20
Tsaynö kaykaptinqa ama wanutsishuntsu. Jurayanqäta mana cumpliyaptïqa Tayta Diosmi noqakunawan pasaypa rabyakunqa».
21
Tsaynöpam mana wanutsiyänanpä niyarqan. Tsaymi Gabaón runakunata churayarqan Israel runakunapä yanta achuqninkuna y yaku ashtaqninkuna kayänanpä. Tsaynöpam Gabaón runakunawan pactu rurayanqanta autoridäkuna cumpliyarqan.
22
Gabaón runakunata qoriykurnam Josué nirqan: «Kay cercallachö taykarqa ¿imanirtä «karupitam shäyämurqü» nir llullapäyämarquyki?
23
Tsaynö llullapäyämanqaykipitam Tayta Dios maldicionayäshunki imaypis sirviq kayänaykipä. Kananpitaqa Tayta Diosnïpa wayinmanmi yantata y yakuta apayämunki».
24
Tsaynö niptinmi Josuéta niyarqan: «Sirviqnin Moiséstash Tayta Diosniki ninä kay nacionchö täraq llapan runakunata wanutsiyänaykipä. Tsaymi wanutsiyämänaykita mantsar llullapäyarqü.
25
Kananqa makikikunachömi kayä. Niyämanqaykitam imatapis rurayäshä».
26
Tsaynöpam Gabaón runakunata Josué salvarqan Israel runakuna mana wanutsiyänanpä.
27
Tsay junaqmi Gabaón runakunata churarqan Israel runakunapä imaypis yantata yantakuyänanpä y yakuta apapäyänanpä. Tsaynöllam churarqan Tayta Diospa altarninpä yantata y yakuta apapäyänanpä. Kananyaqpis tsaynöllam ruraykäyan.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24