bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Joshua 3
Joshua 3
Quechuan QXO (Biblia en Quechua del sur de Conchucos)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 4 →
1
Tsaypitanam waraynin wäray tsaka tsakalla Josué y llapan Israel runakuna Sitimpita aywar Jordán mayu kuchunman chäyarqan. Mayuta manarä päsarmi jinallanchö patsakuyarqan.
2
Tsaypita kimsa junaq päsaskiptinnam Israel autoridäkuna entëru campamentupa purir
3
niyarqan: «Tayta Diosnintsikpa Pactu Babulninta Leví trïbu sacerdötikuna apaykaqta rikar noqantsikpis qepallanta aywashun.
4
Mayuta päsaskirqa nänita manam reqintsiktsu. Tsaymi mana pantakaykänantsikpä paykunapa karu qepallanta aywashun. Peru apaykäyanqan babulmanqa ama alläpa witipäshuntsu, sinöqa waranqa (1,000) metrutanö karu qepallanta aywashun».
5
Tsaypitanam runakunata Josué nirqan: «Waray junaqmi Tayta Dios milagruta rurar rikatsimäshun. Tsaynö kananpä kaykaptinqa purificakuyay».
6
Tsaypita waraynin junaqnam sacerdötikunata Josué nirqan: «Tayta Diospa Pactu Babulninta runakunapa puntanta apayay». Tsaymi Josué ninqannö runakunapa puntanta babulta apayarqan.
7
Tsaypitam Josuéta Tayta Dios nirqan: «Kanan junaqpitam Israel runakuna musyayanqa Moisésta yanapanqänölla qamtapis yanapaykanqäta. Tsaynö yanapaykanqäta tantiyarmi cäsuyäshunki.
8
Qamnam Pactu Babulta apaykaq sacerdötikunata ninki Jordán mayuman yaykuskir ichïyänanpä».
9
Tsaynö niptinmi Israel runakunata Josué nirqan: «Shäyämuy Tayta Diosnintsik imata nimanqantapis willanäpä».
10
Qorikaskiyaptinnam nirqan: «Kanan junaqmi tantiyayanki imayyaqpis kawaq Tayta Dios noqantsikwan kaykanqanta. Paymi yanapamäshun wak tsimpachö täraq runakunata ushakätsinantsikpä. Tsay runakunam kaykäyan cananeo runakuna, heteo runakuna, heveo runakuna, ferezeo runakuna, gergeseo runakuna, amorreo runakuna y jebuseo runakuna.
11
Tsaynöllam kay patsata poderninchö tsararaq Tayta Diospa Pactu Babulninta puntantsikta Jordán mayupa päsatsiyanqa.
12
Kanan akrayay chunka ishkay runakunata cada trïbupita jukta.
13
Kay patsata poderninchö tsararaq Tayta Diospa Pactu Babulninta apaq sacerdötikuna yakuman yaykuskiyaptinmi mayu tsapakaskinqa tsakillapana päsanantsikpä».
14
Tsaymi Jordán mayuta päsayänanpä Israel runakuna toldunkunata qoriskiyaptin sacerdötikuna Pactu Babulta umrushqa puntankunata aywayarqan.
15
Cosëcha tiempu kaptinmi Jordán mayu püsirrä aywarqan. Tsaynö kaykaptinpis Pactu Babulta apaq sacerdötikuna Jordán mayuman yaykuyta qallaykuptinmi
16
Saretán partichö Adam markapita janaman yaku tsakiskirqan. Tsaynöllam tsay markapita uramanpis Arabá Lamaryaq yaku tsakiskirqan. Arabá Lamarqa Kachi Lamarmi. Jordán mayu tsaynö tsakiskiptinnam Israel runakuna Jericó marka lädupa tsimpayarqan.
17
Israel runakuna päsayanqanyaqmi Tayta Diospa Pactu Babulnin umrushqa sacerdötikuna tsakishqa mayu chawpinchö ichiräyarqan. Tsaynöpam Israel runakuna llapanpis tsakillapana päsayarqan.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24