bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Joshua 6
Joshua 6
Quechuan QXO (Biblia en Quechua del sur de Conchucos)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 7 →
1
Israel runakunata mantsarmi Jericó markapa punkunta wichqayarqan. Tsaymi pipis yaykurqantsu ni yarqurqantsu.
2
Tsaynö kaptinpis Tayta Diosmi Josuéta nirqan: «Makikimanmi churarqü Jericó markata, mandaqnin reyta y soldädunkunatapis.
3
Tsaymi soldäduykikunawan cada junaq Jericó marka murälla waqtanpa joqta junaqyaq tumayanki.
4
Tsaynö rurarqa Pactu Babulpa ñöpanta qanchis sacerdötikuna aywayätsun cornëtankuna aptashqa. Qanchis kaq junaqchöna cornëtakunata sacerdötikuna tukayämuptin qanchis kuti llapayki tumayanki.
5
Tsay junaq guërrapä tukanqannö sacerdötikuna tukayanqanta wiyaykur jinchipa qayaräyanki. Tsaynö qayaräyaptikim Jericó markata tsaparaq murälla kikillan juchunqa. Juchuskiptin jinan höra tsay markaman yaykuyanki».
6
Nunpa tsurin Josuénam sacerdötikunata qayaykur nirqan: «Jericó markata tumanantsikpä Pactu Babulta apayanki. Apaqkunapa puntanta qanchis sacerdötikuna aywayätsun cornëtankuna aptashqa».
7
Runakunatanam Josué nirqan: «Qamkunapis llapayki Jericó markata tumayanki. Pelyayänanpä alistakushqa runakunapis Tayta Diospa babulninpa puntanta aywayätsun».
8
Josué parlayta ushaskiptinmi Tayta Diospa Pactu Babulninpa puntanta qanchis sacerdötikuna aywayarqan cornëtakunata tukaraykar.
9
Tukaykaq sacerdötikunapa puntantanam pelyayänanpä alistakushqa runakuna aywayarqan. Babulpa qepanta wakin runakunapis pelyayänanpä alistakushqa aywayaptinmi sacerdötikunapis mana päraypa tukayarqan.
10
Manarä yarquyaptinmi Josué nirqan: «Upällallarä aywashun. «Qayaräyay» niptïrämi llapan kallpaykikunawan qayaräyanki».
11
Tsaynö niptinmi Tayta Diospa babulninta Jericó marka murälla waqtanpa tsay junaq juk kutilla tumatsiyarqan. Tsaypitanam campamentunkunaman kutikuyarqan.
12
Waraynin wäraynam tsaka tsakalla Josué shärikurqan. Sacerdötikunanam Tayta Diospa Pactu Babulninta apayänanpä umrukuyarqan.
13
Paykunapa puntantam qanchis sacerdötikuna cornëtakunata tukaraykar aywayarqan. Paykunapa puntantanam pelyayänanpä alistakushqa runakuna aywayarqan. Wakin runakunanam Tayta Diospa babulnin qepanta aywayarqan. Llapan aywayaptinmi cornëtakunata mana päraypa tukayarqan.
14
Jericó markata tsaynö tumaskirmi tsay junaqpis campamentunman kutiyarqan. Tsaynöllam joqta junaqyaq tumayarqan.
15
Qanchis kaq junaqpis tsaka tsakallam markata yapay tumayänanpä aywayarqan. Peru tsay junaqchöqa qanchis kutim tumayarqan.
16
Qanchis kaq tumaychö cornëtata tukaskiyaptinmi runakunata Josué nirqan: «¡Qayaräyay! ¡ Tayta Diosmi kay markata makintsikman churamushqa!
17
Kay markachö kaqkunata llapanta rupatsishun. Tsaynö rupatsishqam Tayta Diospä sacrificiu kanqa. Rikapakuq mandanqantsik runakunata pakanqanpitam prostitüta Rahabta y wayinchö kaykaqkunallata kawaykaqta dëjashun.
18
Tsay markachö imapis kaqkunataqa ama imatapis apashuntsu, sinöqa llapanta rupatsir ushashun. Imallatapis apayaptikiqa maldicionmi llapantsikman chämunqa.
19
Peru qoripita, qellaypita, broncipita y fiërrupita kaqkunatam sïqa Tayta Diospä qorinqantsik kaqman churashun».
20
Cornëtakunata sacerdötikuna tukayaptin y Israel runakuna qayaräyaptinmi marka tsaparaq murälla illaqpita juchurqan. Tsaypitanam markaman yaykuskir
21
runakunata, warmikunata, jövinkunata, rukukunata, wäkakunata, üshakunata, ashnukunatapis espädawan wanutsiyarqan.
22
Rikapakuq mandanqan ishkaq runakunatam Josué nirqan: «Prostitüta Rahabta awniyanqaykinölla wayinman aywayay llapan castankunatawan jipiyämunaykipä».
23
Tsaynö niptinmi Rahabpa wayinman aywar kikinta, mamanta, papäninta, turinkunata y tsay wayichö kaykaq llapan castankunatapis jipiyämurqan. Tsaypitanam Israel runakunapa campamentunpita jukläman pushayarqan.
24
Tsaypitanam Jericó markachö kaqkunata llapan imaykantinta rupatsir ushayarqan. Peru qellayta, qorita, broncita y fiërrutam sïqa Tayta Diospa wayinpä qoriyanqan kaqman churayänanpä qoriyarqan.
25
Jericóman rikapakuq mandanqan runakunata pakanqanpitam Rahabta y castankunata Josué wanutsirqantsu. Tsaynöpam Rahabpa castankuna Israel runakunawan kananyaqpis taykäyan.
26
Tsaypitanam Josué jurar nirqan: «Jericó markata yapay shäritsiyta munaq runaqa maldicionädum kanqa. Tsaymi marka murällata shäritsiq runapa mayor tsurin wanunqa. Tsaynöllam marka yaykuna punkuta churaq runapa ñuñush tsurinpis wanunqa».
27
Josuéta Tayta Dios yanapanqanmi maytsaychöpis musyakarqan.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24