bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Joshua 4
Joshua 4
Quechuan QXO (Biblia en Quechua del sur de Conchucos)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
1
Jordán mayuta llapan päsaskiyaptinnam Josuéta Tayta Dios nirqan:
2
«Chunka ishkay runakunata akray cada trïbupita jukta.
3
Paykunata ninki sacerdötikuna ichiraykäyanqan tsakishqa mayu chawpinpita chunka ishkay rumikunata jipiyämunanpä. Tsay rumikunata churayätsun kanan paqas patsakuyänaykipä kaqman».
4
Tsaynö niptinmi chunka ishkay akranqan runakunata qayaykur Josué
5
nirqan: «Jordán mayu chawpinman yaykuyay Tayta Diosnintsikpa babulnin kaykanqan kaqman. Tsaypita cada ünuyki juk rumita umrurkur apayämunki. Tsaynöpam Israel runakunapa trïbunkuna chunka ishkay kayanqannö chunka ishkay rumikunapis kanqa.
6
Tsay rumikunata rikarmi waray warantin tsurikikuna «¿imanirtä kay rumikuna qoturaykan?» niyäshuptiki
7
niyanki: «Tayta Diospa Pactu Babulninta päsatsiyämuptinmi Jordán mayu tsakiskirqan. Tsaynö tsakinqanta imaypis yarpänapämi kay rumikuna qoturaykan».
8
Josué yätsinqannöllam tsay chunka ishkay runakunaqa Jordán mayu chawpinpita rumita jipiyarqan. Tsaymi Josuéta Tayta Dios ninqannölla patsakuyanqan kaqman apaykur qotuyarqan.
9
Tsaynöllam Pactu Babulta umrushqa sacerdötikuna ichiräyanqan kaqchöpis chunka ishkay rumikunata Josué qotutsirqan. Tsay rumikunaqa kananyaqmi mayuchö qoturaykan.
10
Tsay junaqmi Tayta Dios ninqankunata Israel runakuna llapanta cumpliyarqan. Moisés yätsinqannöllam tsaykunata Josué ruratsirqan. Tayta Dios ninqankunata cumpliyanqanyaqmi babulta apaq sacerdötikuna Jordán mayu chawpinchö ichiräyarqan. Tsaychö ichiräyanqanyaqmi Israel runakuna ras päsayarqan.
11
Runakuna päsaskiyaptinnam babulta umruq sacerdötikuna runakunapa puntanman churakäyarqan.
12
Moisés ninqannöllam runakunapa puntanta päsayarqan Rubén trïbu runakuna, Gad trïbu runakuna y pullan Manasés trïbu runakunapis. Tsay runakunaqa pelyayänanpä alistakushqam aywayarqan.
13
Paykunaqa chusku chunka waranqanömi (40,000) kayarqan. Pelyayänanpä alistakushqallam Tayta Diospa puntanta Jericó pampaman aywayarqan.
14
Tsay junaqmi Israel runakunata Tayta Dios tantiyatsirqan Moisésta respitayanqannölla Josuétapis respitayänanpä. Tsaymi Israel runakuna payta imaypis respitayarqan.
15
Tsaypitanam Josuéta Tayta Dios nirqan:
16
«Sacerdötikunata niy Pactu Babulta umrushqa Jordán mayupita yarqayämunanpä».
17
Tsaynö niptinmi sacerdötikunata Josué nirqan mayupita yarqayämunanpä.
18
Pactu Babulta apaq sacerdötikuna Jordán mayupita yarquskiyaptinmi puntata mayu aywanqannö yapay püsirrä aywar qallaskirqan.
19
Israel runakunaqa Jordán mayuta päsayarqan wata qallaykunan killa chunka junaq kaykaptinmi. Tsaynö päsaskirmi Gilgalchö campamentunkuna rurayarqan. Gilgalqa Jericópita rupay yarqamunan lädupam kaykan.
20
Gilgalchömi Jordán mayupita jipiyanqan rumikunata Josué qotutsirqan.
21
Tsaypitanam Israel runakunata nirqan: «Kananpita waray warantin tsurikikuna: «¿Imapätä kaychö rumikuna qoturaykan?» niyäshuptiki
22
willayanki Israel runakuna Jordán mayu tsakiskiptin päsayanqanta.
23
Paykunata willar niyanki: «Noqakuna päsayänäpä Puka Lamarta tsakitsinqannöllam Jordán mayutapis Tayta Diosnintsik tsakitsirqan.
24
Tsaynö rurarqan poderyuq kanqanta maytsaychöpis runakuna musyayänanpä y qamkunapis payta imaypis mantsapakuyänaykipämi».
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24