bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Joshua 11
Joshua 11
Quechuan QXO (Biblia en Quechua del sur de Conchucos)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 12 →
1
Israel runakuna tsaynö rurayanqanta musyaskirmi Hazor markapa mandaqnin rey Jabín willakuqta mandarqan Madón markapa mandaqnin rey Jobabman, Simrón markapa mandaqnin reyman y Acsaf markapa mandaqnin reyman aywar Israel runakunata atacar pelyayiyänanpä.
2
Tsaynöllam mandarqan norti kaq lädu jallqakunachö kaykaq markakunapa mandaqnin reykunaman, Cineret qochapita sur kaq lädu Arabá pampachö kaykaq markakunapa mandaqnin reykunaman, Sefelachö kaykaq markakunapa mandaqnin reykunaman y Dor läduchö kaq markakunapa mandaqnin reykunamanpis. Dor markaqa rupay ullunan kaq lädu costachömi kaykan.
3
Tsaynöllam mandarqan Jordán mayu wak tsimpanchö y kay tsimpanchö täraq cananeo runakunapa mandaqnin reykunaman, amorreo runakunaman, heteo runakunaman, ferezeo runakunaman, jallqakunachö täraq jebuseo runakunaman y Mizpachö kaq Hermón raju chakinchö täraq heveo runakunamanpis.
4
Tsaynö qayatsiptinmi llapan reykuna soldädunkunawan, caballunkunawan y guërrapä ruratsiyanqan carrëtankunawanpis aywayarqan. Llapan qorikaskirmi lamar kuchunchö arënanörä yupaytapis mana atipaypä kayarqan.
5
Tsay llapan soldädukunam Israel runakunata atacayänanpä Merom raqra ñöpanman qorikäyarqan.
6
Tsaymi Josuéta Tayta Dios nirqan: «Tsay runakunata ama mantsaytsu. Waray junaqmi kaynö höra llapan contrayki soldädukunata wanutsiyänaykipä qamkunapa makikikunaman churamushä. Caballunkunapa ankunkunatapis roquyanki y guërra carrëtankunatapis llapanta rupatsiyanki».
7
Tsaynö niptinmi Josuéqa soldädunkunawan Merom raqrachö contrankunata illaqpita atacayarqan.
8
Tayta Diosmi yanaparqan llapanta ushakätsiyänanpä. Tsaymi qatikachäyarqan hasta jatun Sidón markayaq y hasta Misrefot-maimyaq. Tsaynöllam rupay yarqamunan kaq lädupa qatikachäyarqan hasta Mizpa pampayaq. Tsaynö pelyar manam ni jukllayllatapis kawaykaqtaqa dëjayarqantsu.
9
Tayta Dios ninqannöllam contrankunapa caballunkunapa ankunkunata roquyarqan y guërra carrëtankunatapis rupatsir ushayarqan.
10
Tsaypita kutiskamurnam Josuéqa Hazor markata atacar mandaq reyta espädawan wanutsirqan. Puntataqa Hazor markapa mandaqnin reypa poderninchömi wakin reykunapis kayarqan.
11
Hazorchö täraq llapan runakunata wanuskatsirmi markatapis rupatsir ushayarqan.
12
Tsaynöllam wakin markakunamanpis yaykur reykunatapis Josué wanutsir usharqan. Llapantapis rurarqan Tayta Diospa sirviqnin Moisés ninqannöllam.
13
Peru jirkankuna jananchö shäritsiyanqan kaq markakunataqa manam rupatsirqantsu, sinöqa Hazorllatam rupatsirqan.
14
Ushakätsiyanqan markakunapitaqa runakunata wanuskatsirmi ashmankunata y llapan imaykankunatapis Israel runakuna kikinkunapäna apakuyarqan.
15
Sirviqnin Moisésta Tayta Dios ninqannöllam llapantapis Josué cumplirqan.
16
Tsaymi Neguevman, Gosén partiman, Sefelaman, Arabá pampaman y Israelchö llapan jallqakunaman Israel runakunawan Josué yaykuyarqan.
17
Tsaynöllam Seir läduchö kaykaq Halac jirkapita hasta Líbano pampachö kaykaq Baal-gadyaq yaykur llapan markakunapa mandaqnin reykunata wanutsiyarqan. Baal-gadqa Hermón jirka chakinchömi kaykan.
18
Paykunata vincinanpäqa atska watam pelyayarqan.
19
Pactuta rurashqa karmi Gabaónchö täraq heveo runakunataqa Josué wanutsirqantsu. Tsaypita kaqtaqa llapantam ushakätsirqan.
20
Puntataqa tsaychö täraq runakunapa shonqunkunata Tayta Diosmi chukruyätsirqan Israel runakunapa contran shärir pelyayänanpä. Tsaymi Moisésta Tayta Dios ninqannölla tsay runakunata mana kuyapaypa ushakätsiyarqan.
21
Tsaynöllam anaceo runakunapa markankunatapis Josué chipyaq ushakätsirqan: Hebrónta, Debirta, Anabta, Israel jallqakunachö kaq markakunata y Judá jallqakunachö kaq markakunatapis.
22
Tsaynöpam entëru Israelchö jukllayllapis anaceo runakuna kawaykar quëdayarqantsu. Gaza, Gat y Asdod markakunallachönam Anac runakuna kayarqan.
23
Moisésta Tayta Dios ninqannöllam llapan markakunatawan chakrakunata Josué qoriskir Israel trïbukunata rakipurqan. Tsaypitaqa guërra manana kaptinmi Israel runakuna tranquïluna kawakuyarqan.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24