bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Joshua 14
Joshua 14
Quechuan QXO (Biblia en Quechua del sur de Conchucos)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
1
Sacerdöti Eleazar, Nunpa tsurin Josué y Israel runakunapa mandaqninkunam Israel runakunapa wakin trïbunkunata Canaánchö herenciata rakipuyarqan.
2
Tsay isqun trïbu y mas pullan trïbu runakunam Moisésta Tayta Dios ninqannölla suertiyaypa herenciankunata chaskiyarqan.
3
Rubén trïbu runakunata, Gad trïbu runakunata y pullan Manasés trïbu runakunatam herenciata Moisés rakipurqan Israel runakuna Jordán mayuta manarä päsaptin. Peru Leví trïbu runakunataqa manam herenciata rakipurqantsu.
4
Mana aypuptinpis wakin trïbukunapa herencianchömi markakunata y chakrakunata chaskiyarqan ashmankunata mitsikur täyänanpä. Josépita miraq ishkay trïbukunaqa Manasés trïbu y Efraín trïbum kayarqan.
5
Tsaymi Israel runakuna herenciata rakipänakuyarqan Moisésta Tayta Dios ninqannölla.
6
Gilgalchö Josué kaykaptinmi Judá trïbu runakunawan aywar cenezeo runa Jefonipa tsurin Caleb Josuéta nirqan: «Musyankim Cades-barneachö kaykashqa Tayta Dios sirviqnin Moisésta noqantsikpä imata ninqantapis.
7
Canaánta rikapakamunantsikpä Tayta Diospa sirviqnin Moisés Cades-barneapita mandamanqantsik junaq chusku chunka (40) watayuqmi kaykarqä. Kutiykurmi Israel runakunata imanö kay parti kanqantapis willarqä.
8
Aywaq mayintsikkuna mantsakätsir runakunata willapäyaptinpis noqaqa Tayta Diosman llapan shonqüwan yärakurmi kay nacionman yaykamunantsikpä runakunata tantiyatsirqä.
9
Tsaymi Tayta Diospa jutinchö awnimar Moisés nimarqan: «Tayta Diosman yärakur payta cäsunqaykipitam Canaánchö purinqayki partikuna qampä y qampita miraqkunapä imayyaqpis kanqa».
10
«Moisés tsaynö nimanqan chusku chunka pitsqa (45) watanam päsashqa. Desiertupa purishqapis Tayta Diosmi awnimanqannö shumaq yanapamashqa kananyaqpis sänu kanäpä. Kananqa puwaq chunka pitsqa (85) watayuqnam kaykä.
11
Moisés rikapakuq mandamanqantsik witsannöllam kananpis kallpä kaykan. Puntata pelyanqänö kananpis pelyämanrämi.
12
Tsaymi qamta rugakü Tayta Dios awnimanqan jallqakunata entregamänaykipä. Tsayman rikapakuq aywarmi tarirqantsik anaceo jatusaq runakuna tsaychö taykaqta. Markankunapis jatun y altuyaq murallashqam karqan. Tsaynö kaptinpis Tayta Dios awnimanqannö yanapamaptinqa qarqushämi».
13
Tsaynö rugaptinmi Jefonipa tsurin Calebta bendisarnin Hebrón partita herencian kananpä Josué entregarqan.
14
Tsaynöpam Hebrónqa cenezeo runa Jefonipa tsurin Calebpa y paypita miraqkunapa herencian hasta kananyaqpis kaykan. Tsaynö herencian karqan Israel runakuna yärakuyanqan Tayta Diosta cäsunqanpitam.
15
Hebrónpa unay kaq jutinmi Quiriat-arba karqan. Tsaynö jutin karqan Arba jutiyuq runa tsaychö tanqanpitam. Payqa jatusaq anaceo runakunachö reqishqam karqan. Tsaypita guërra manana kaptinmi Israel runakuna tranquïluna kawakuyarqan.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24