bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Joshua 15
Joshua 15
Quechuan QXO (Biblia en Quechua del sur de Conchucos)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 16 →
1
Judá trïbu runakuna castanpa castanpa herenciata suertiyaypa chaskiyanqanqa Edom nacionpa lindërunyaqmi charqan. Sur kaq lädupam Zin niyanqan desiertuyaq charqan.
2
Sur kaq läduchö kaykaq lindërunqa Kachi Lamarpa ura kuchunpitam qallarqan.
3
Tsaypitam Acrabim witsaypa päsar Zin niyanqan desiertuman charqan. Tsaypa päsarnam Cades-barnea sur kaq lädupa aywarqan hasta Hezrónyaq. Tsaypita witsaypanam Adaryaq aywar Carcáyaq tumarqan.
4
Carcápitanam päsarqan Asmónman. Asmónpa päsarnam Egipto raqrayaq charqan. Tsaypitanam lindërun Mediterráneo Lamaryaq charqan. Tsaynöpam lindërun sur kaq lädupana karqan.
5
Rupay yarqamunan kaq lädupanam lindërun karqan Kachi Lamar kuchullanpa hasta Jordán mayuman chanqanyaq. Tsaypitaqa norti kaq lädupanam lindërun qallaykurqan.
6
Norti kaq lindërun witsaypa aywarmi charqan Bet-hoglayaq. Tsaypitam Bet-arabápa norti kaq lädupa päsar Bohán Ben-Rubén qaqaman charqan.
7
Tsaypita Acor Pampapa päsarmi Debirman char Gilgalman tumarqan. Gilgalqa Adumínpa sur kaq tsimpanchömi karqan. Tsaypita lindërun En-semeschö pukyu kaykaqpa päsar En-rogel pukyuyaq aywarqan.
8
Tsaypitam jebuseo runakuna täyanqan sur kaq lädupa päsar Ben-hinom raqrapa päsarqan. Tsaychöqa Jerusalénmi kaykan. Ben-hinom raqrapita witsaypa aywarmi jirkan jananyaq charqan. Tsay jirkanqa Jerusalénpita rupay ullunan kaq lädupam kaykan. Tsaypitanam lindërun Refaim pampa norti kaq kuchunyaq charqan.
9
Tsaypa päsarmi jirkan jananpita lindërun urarqan Neftoachö yaku pashtaq pukyuyaq. Tsaypita päsarmi Efrón jallqakunachö kaykaq markakunayaq charqan. Tsaypitam tumarqan Baala markapa. Baalapa jukaq jutinqa Quiriat-jearimmi karqan.
10
Baalapita päsar rupay ullunan kaq lädupa tumarqan Seir jallqakunapa. Tsaypitam Jearim jallqakuna norti kaq läduchö kaykaq Quesalónpa päsar uraypana aywarqan Bet-semespa Timnaman chanqanyaq.
11
Tsaypitam Ecrón marka norti kaq lädu jirkanpa chaykur Sicrónpa y Baala jallqakunapa tumarqan. Tsaypita Jabneelpa päsar Mediterráneo Lamarman tinkurqan.
12
Rupay ullunan kaq läduchöqa Mediterráneo Lamar kuchullanpam lindërun aywarqan. Tsaynöpam Judá trïbu runakuna castanpa castanpa chaskiyanqan herenciankunapa lindërun karqan.
13
Tayta Dios ninqannömi Jefonipa tsurin Calebta herencian Josué rakipurqan Judá trïbu runakunapa herencianchö. Tsaynöpam Caleb chaskirqan Quiriat-arbata. Tsay markata shäritsiq Arba jutiyuq runapitam anaceo runakuna mirayarqan. Quiriat-arbapa jukaq jutinqa Hebrónmi kaykan.
14
Anaceo runakunaqa Sesai casta, Ahimán casta y Talmai castam kayarqan. Tsay kimsa casta anaceo runakunatam markankunapita Caleb qarqurqan.
15
Tsaypitanam Debirchö täraq runakunata atacayänanpä yaykuyarqan. Tsay markapa unay jutinmi Quiriat-sefer karqan.
16
Tsaymi Caleb nirqan: «Pipis tsay markaman pelyaq yaykur vinciq kaqtam warmin kananpä warmi tsurï Acsata entregashä».
17
Tsaynö niptinmi Cenazpa tsurin Otoniel tsay markaman yaykur tsaychö täraqkunata vincirqan. Tsaynö vinciskiptinmi Calebqa tsurin Acsata entregarqan warmin kananpa. Otonielqa Calebpa qepa wawqinpa tsurinmi karqan.
18
Papäninpa wayinpita yarquykarnam warmin Acsata Otoniel nirqan: «Papänikita rugakamuy chakrata rakipamänapä». Tsaymi ashnunpita Acsa yarpuskiptin papänin Caleb tapurqan: «Hïja, ¿imatatä munaykanki?»
19
Acsanam nirqan: «Papä, rugakulläshayki. Neguevchö chakrata rikatsimanqaykinölla pukyuyuq chakrakunatapis rikaykatsillämay». Tsaynö niptinmi jana läduchö pukyuyuq chakrata y ura läduchö pukyuyuq chakratapis papänin rikatsirqan.
20
Judá trïbu runakuna castanpa castanpa herenciata chaskiyanqan markakunam karqan:
21
Sur kaq lädupam Edom nación cercanchö kaq markankuna karqan Cabseel, Edar, Jagur,
22
Cina, Dimona, Adada,
23
Cedes, Hazor, Itnán,
24
Zif, Telem, Bealot,
25
Hazor-hadata, Queriot, Hezrón (Hezrónpa jukaq jutinmi karqan Hazor),
26
Amam, Sema, Molada,
27
Hazar-gada, Hesmón, Bet-pelet,
28
Hazar-sual, Beerseba, Bizotia,
29
Baala, Iim, Esem,
30
Eltolad, Quesil, Horma,
31
Siclag, Madmana, Sansana,
32
Lebaot, Silhim, Aín y Rimón. Tsay partichö ishkay chunka isqun (29) markakunam caseriunkunawan karqan.
33
Rupay ullunan kaq lädu Sefelachömi Judá trïbu runakunapa markankuna karqan Estaol, Zora, Asena,
34
Zanoa, En-ganim, Tapúa, Enam,
35
Jarmut, Adulam, Soco, Azeca,
36
Saaraim, Aditaim, Gedera y Gederotaim. Tsay partichömi chunka chusku markakuna caseriunkunawan karqan.
37
Tsay partichö wakin kaq markakunam karqan Zenán, Hadasa, Migdal-gad,
38
Dileán, Mizpa, Jocteel,
39
Laquis, Boscat, Eglón,
40
Cabón, Lahmam, Quitlis,
41
Gederot, Bet-dagón, Naama y Maceda. Tsay partichömi chunka joqta markakuna caseriunkunawan karqan.
42
Tsaynöllam wakin markakuna karqan Libna, Eter, Asán,
43
Jifta, Asena, Nezib.
44
Keila, Aczib y Maresa. Tsay partichö isqun markakunam caseriunkunawan karqan.
45
Judá trïbu runakunaqa caseriunkunatawanmi Ecrón markatapis chaskiyarqan.
46
Ecrónpita Mediterráneo Lamaryaqmi Asdod ñöpanchö kaykaq markakunapis Judá trïbu runakunapa karqan.
47
Asdod markapis, Gaza markapis y llapan caseriunkunapis Judá trïbu runakunapam karqan. Mediterráneo Lamar kuchunpa aywarmi Egipto raqrayaq llapan tsaychö kaq markakunawan caseriukuna Judá trïbu runakunapa karqan.
48
Jallqakuna kanqan partichömi Judá trïbu runakunapa markankuna karqan Samir, Jatir, Soco,
49
Dana, Quiriat-sana (Quiriat-sanapa jukaq jutinmi karqan Debir),
50
Anab, Estemoa, Anim,
51
Gosén, Holón y Gilo. Tsay partichömi chunka juk markakuna caseriunkunawan karqan.
52
Tsay partichö kaykaq wakin markakunam karqan Arab, Duma, Esán,
53
Janum, Bet-tapúa, Afeca,
54
Humta, Quiriat-arba (Quiriat-arbapa jukaq jutinmi karqan Hebrón) y Sior. Tsay partichö isqun markakunam caseriunkunawan karqan.
55
Tsaynöllam karqan Maón, Carmel, Zif, Juta,
56
Jezreel, Jocdeam, Zanoa,
57
Caín, Gabaa y Timna. Tsay partichö chunka markakunam caseriunkunawan karqan.
58
Tsaynöllam karqan Halhul, Bet-sur, Gedor,
59
Maarat, Bet-anot y Eltecón. Tsay partichö joqta markakunam caseriunkunawan karqan.
60
Tsaynöllam Judá trïbu runakunapa karqan Quiriat-baal (Quiriat-baalpa jukaq jutinmi karqan Quiriat-Jearim) y Rabá. Tsay partichö ishkay markakunam caseriunkunawan karqan.
61
Desiertuchöpis Judá trïbu runakunapa markankunam karqan Bet-arabá, Midín, Secaca,
62
Nibsán, Kachi Marka y En-gadi. Tsay partichömi joqta markakuna caseriunkunawan karqan.
63
Judá trïbu runakunaqa manam qarquyta puëdiyarqantsu Jerusalénchö taykaq jebuseo runakunata. Kananyaqpis jinallam jebuseo runakunaqa Judá trïbu runakuna kaqchö taykäyan.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24