bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Joshua 10
Joshua 10
Quechuan QXO (Biblia en Quechua del sur de Conchucos)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
1
Jerusalén markapa mandaqnin rey Adonisedecmi musyaskirqan Jericó markata y mandaqnin reyta ushakätsinqannölla Hai markata y mandaqnin reytapis Josué ushakätsinqanta. Tsaynöllam musyarqan Gabaón runakunawan alli kawayänanpä Israel runakuna pactu rurayanqanta.
2
Gabaón markaqa Hai markapitapis mas jatun karmi rey täranqan markanö karqan. Tsaychö täraq runakunapis pelyayta yachaqmi kayarqan. Tsaymi Israel runakuna atacaptin Gabaón runakuna yanapayänanpä kanqanta yarpar Adonisedec y Jerusalénchö täraq runakunapis pasaypa mantsariyarqan.
3
Tsaymi Jerusalén markapa mandaqnin rey Adonisedecqa willakuqkunata mandarqan Hebrónpa mandaqnin rey Hohamman, Jarmutpa mandaqnin rey Pireamman, Laquispa mandaqnin rey Jafíaman y Eglónpa mandaqnin rey Debirman. Chaykurmi mandanqan runakuna niyarqan:
4
«Gabaón runakunam Israel runakunawan y mandaqnin Josuéwan alli kawayänanpä pactuta rurayashqa. Tsaynö kaykaptinqa Gabaón runakunata atacanantsikpä shamur yanapaykayällämay».
5
Tsaynö niptinmi Jerusalén markapa, Hebrón markapa, Jarmut markapa, Laquis markapa y Eglón markapa pitsqan mandaqninkuna soldädunkunawan qorikaskir Gabaón markata atacayänanpä aywayarqan. Tsay reykunaqa amorreo runakunapa mandaqnin reykunam kayarqan.
6
Tsayta musyaskirmi Gabaón markachö täraq runakunapis willakuqta Gilgalman mandayarqan Josuéta rugakur niyänanpä: «Jallqakunachö täraq amorreo runakunapa mandaqnin reykunam ushakätsiyämänanpä soldädunkunawan qorikashqa kaykäyan. Sirviqnikikuna kaykäyaptïqa ras shamur mana ushakätsiyämänanpä yanapaykayällämay».
7
Tsaynö niyaptinmi Josuéqa Gilgalpita llapan mas allish kaq soldädunkunawan ras aywarqan.
8
Aywaykäyaptinnam Josuéta Tayta Dios nirqan: «Gabaón markata atacaq runakunata ama mantsaytsu. Vinciyänaykipä yanapaptï manam mayqanpis pärapuyäshunkitsu».
9
Tsaymi Gilgalpita Israel runakunawan paqaspa warat aywaykur illaqpita amorreo runakunata atacayarqan.
10
Tsaynö atacayaptinmi amorreo runakunapa shonqunkunaman pasaypa mantsariyta Tayta Dios churarqan. Tsaynöpam Israel runakuna tsaytsika runakunata Gabaónchö wanutsiyarqan. Wakin qeshpiqkunatapis Bet-horónman aywaq nänipa qatipaykurmi wanutsiyarqan. Bet-horónpitanam wakintapis wanutsiyarqan Azecayaq y Macedayaq.
11
Amorreo runakuna Bet-horónpita uraypa Azecayaq qeshpiykäyaptinmi rumi tsikasaq runtu tamyata Tayta Dios tamyatsimurqan. Tsay tamyawanmi Israel runakuna espädawan wanutsiyanqanpitapis mas atskaq wanuyarqan.
12
Amorreo runakunata ushakätsiyänanpä Tayta Dios yanapanqan junaqmi llapan Israel runakunapa puntanchö Tayta Diosta mañakur Josué nirqan: «Gabaón marka jananman rupayta päraskatsiy. Tsaynölla Ajalón pampa jananman killatapis päraskatsiy».
13
Josué tsaynö mañakuptinmi rupaypis killapis kuyuyarqantsu contran runakunata Israel runakuna wanutsir ushayanqanyaq. Jaser libruchöpis tsaynö päsanqanmi qellqashqa kaykan. Pullan ciëluchömi cäsi juk junaq qoyat rupay pärashqa karqan.
14
Tsay junaq rupayta päratsinqannöqa manam pï runa mañakuptinpis Tayta Dios päratsishqatsu. Tsay junaqmi Israel runakunata Tayta Dios yanaparqan contrankunata ushakätsiyänanpä.
15
Tsaypitanam Josuéwan Israel runakuna Gilgalchö campamentunkunaman kutikuyarqan.
16
Amorreo runakunapa pitsqa mandaqnin reykunam qeshpir Macedachö kaykaq machayman pakakuyarqan.
17
Machaychö pakaraykäyanqanta willayaptinmi
18
Josué nirqan: «Machaypa punkunta jatusaq rumikunawan tsapaykur täpayänanpä runakunata churayay.
19
Mana täpaq kaqkunaqa contrantsik runakunata qatipaykur wanutsiyay. Tayta Diosnintsik makintsikman churaykämuptinqa markankunaman mana kutiyänanpä llapanta wanutsiyay».
20
Tsaymi amorreo runakunata Josuéwan Israel runakuna vincir atskaqta wanutsiyarqan. Juk ishkayllanam qeshpir corralashqa markankunaman amparakuyarqan.
21
Tsayyaqmi Josué shuyararqan Macedachö kaykaq campamentuchö. Wanutsiyta ushaskirmi Israel runakunaqa Josué kaykanqan kaqman llapanpis yamaylla kutiyarqan. Tsaypitaqa manam pipis Israel runakunapa contran parlarqantsu.
22
Tsaypitanam Josué nirqan: «Machay punkuta kichaskir pitsqan reykunata apayämuy».
23
Tsaynö niptinmi machaypita jipiyämurqan Jerusalén markapa, Hebrón markapa, Jarmut markapa, Laquis markapa y Eglón markapa mandaqnin reykunata.
24
Chaykatsiyaptinnam Israel runakunata qayaykatsir mandaq soldädukunata Josué nirqan: «Witiyämuy kay reykunata kunkanpita jaruyänaykipä». Ninqannöllam kunkapita jaruyarqan.
25
Tsaypitanam Josué nirqan: «Tayta Dios kanan junaq ushakätsinqannöllam llapan contrantsikkunata ushakätsinqa. Tsaynö kaykaptinqa valorta tsarir pitapis ama mantsayaytsu».
26
Tsaypitanam Josuéqa tsay reykunata wanuskatsir ayanta tardiyaq qeruchö warkurätsirqan.
27
Rupay jeqaykaptinnam qerukunachö tuyriraykaqta jipiskatsir pakakuyanqan machayman jitaratsirqan. Tsaypitam jatusaq rumikunawan machayman yaykunata tsapaskatsirqan. Tsayqa kananyaqpis jinallarämi kaykan.
28
Maceda markachö täraq runakunata y mandaqnin reytapis tsay junaqllam Josuéqa soldädunkunawan aywar espädawan wanutsiyarqan. Jericóchö täraq runakunata y mandaqnin reyta wanutsiyanqannöllam tsaychö täraq runakunatapis llapanta wanutsiyarqan.
29
Tsaypitanam Josuéqa Israel runakunawan aywar Libna markata atacayarqan.
30
Tsaychöpis vinciyänanpä Tayta Dios yanapaptinmi tsaychö täraq runakunata y mandaqnin reyta wanutsiyarqan. Jericóchö täraq runakunata y mandaqnin reyta wanutsiyanqannöllam tsaychö täraqkunatapis llapanta wanutsiyarqan.
31
Libnapitanam Israel runakunawan Josué Laquis markaman aywayarqan. Tsaypitanam cercanchö campamentunkunata ruraskir atacaq yaykuyarqan.
32
Atacayanqanpita juk junaqtam Laquis markachö täraq runakunata y mandaqnin reytapis Israel runakunapa makinkunaman Tayta Dios entregarqan. Tsaymi tsaychö kaqtaqa Libnachö rurayanqannölla llapan runakunatapis ashmakunatapis Israel runakuna wanutsiyarqan.
33
Atacayanqanta musyaskirmi Gezer markapa mandaqnin rey Horam soldädunkunawan Laquischö täraqkunata yanapayänanpä aywayarqan. Peru Josuépa soldädunkunaqa llapanta vincirmi chipyaq wanutsiyarqan.
34
Laquis markapitanam Josuéqa Israel runakunawan Eglón markaman aywayarqan. Cercanchö campamentunkunata ruraykurmi paykunatapis atacayarqan.
35
Laquischö runakunata y ashmakunata wanutsiyanqannöllam tsaychöpis tsay junaq llapanta espädawan wanutsiyarqan.
36
Eglón markapitanam Israel runakunawan Josué aywar Hebrón markata atacayarqan.
37
Tsay markachöpis Eglón markachö wanutsiyanqannöllam espädawan llapanta wanutsiyarqan. Tsaymi reyta, markachö täraq runakunata y caseriunkunachö täraq runakunatapis wanutsiyaptin pipis kawaykarqa quëdayarqantsu.
38
Tsaypita aywarnam Debir markata Israel runakunawan Josué atacayarqan.
39
Tsaychöpis Hebrónchö y Libnachö wanutsiyanqannöllam Debir markapa mandaqnin reyta, tsaychö täraq runakunata y caseriunkunachö täraq runakunatapis llapanta espädawan wanutsiyarqan.
40
Yärakuyanqan Tayta Dios ninqannöllam Israel runakunawan Josué wanutsiyarqan jallqakunachö täraq runakunatawan mandaqnin reykunata, Neguevchö täraq runakunatawan mandaqnin reykunata, Sefelachö täraq runakunatawan mandaqnin reykunata y Jordán mayu pampakunaman aywaq bajädachö täraq runakunatawan mandaqnin reykunatapis. Tsaymi paykuna täyanqan llapanpis Israel runakunapäna karqan.
41
Tsay runakunatam wanutsiyarqan Cades-barneapita hasta Gazayaq y Gosénpita hasta Gabaónyaq.
42
Israel runakuna yärakuyanqan Tayta Dios yanapaptinmi campamentuman mana kutiyllapa llapan tsay runakunata ushakätsiyarqan.
43
Tsaypitanam Gilgalchö kaykaq campamentuman Israel runakunawan Josué kutikuyarqan.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24