bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Joshua 18
Joshua 18
Quechuan QXO (Biblia en Quechua del sur de Conchucos)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 19 →
1
Canaánta poderninman churaskirnam Tinkuna Tolduta ichïtsiyänanpä llapan Israel runakuna Siluchö qorikäyarqan.
2
Peru qanchis trïbukunarämi herenciankunata chaskiyänan faltarqan.
3
Tsaymi Israel runakunata Josué nirqan: «Unay castantsikkuna yärakuyanqan Tayta Dios Canaánman chätsimarquntsiknam. ¡Imayyaqrä shuyaräyanki herenciata chaskiyänaykipä!
4
Cada trïbupita kimsa runata akrayay. Paykunatam mandashä chaskiyänaykipä kaq partikunata rikapakayämunanpä. Tsaynö rikapakamurmi markakuna maychö kanqantapis qellqayämunqa. Kutiskamurnam qellqayanqanta entregayämanqa lindërunkuna mayninpa kanqantapis musyar cada trïbuta herenciankunata rakipunäpä.
5
«Tsay rikapakuq aywaq runakunam qanchis partiman nacionta rakiyanqa. Peru ama rakiyätsuntsu sur kaq läduchö Judá trïbu chaskinqan herenciata ni norti kaq läduchö Josépita miraq trïbukuna chaskiyanqan herenciata.
6
Qanchis partiman rakiskir markakuna maychö kayanqantapis qellqayämutsun kutiykamur entregayämänanpä. Noqanam Tayta Diosnintsikpa puntanchö suertiyashä tsay partikunata rakipunäpä.
7
«Wakin trïbu runakuna herenciankuna chaskiptinpis Leví trïbu runakunaqa manam chaskiyanqatsu. Tsaypa rantinmi sacerdöti kayaptin paykunapa herencian Tayta Diosta sirviyanqan kanqa. Tsaynöllam Gad, Rubén y pullan Manasés trïbu runakunaqa herenciankuna chaskiyashqana. Tsay herenciataqa Tayta Diospa sirviqnin Moisésmi Jordán mayu wak tsimpachö kaykanqantsik witsan rakipurqan».
8
Nacionta rikapakuqkuna yarquyänanpä kaykaptinmi Josué nirqan: «Qamkuna manarä rakipunqä partikunata tumamur markakuna maychö kanqantapis qellqayämunki. Ushaskir kay Siluman kutiyämunki qellqayanqaykita entregayämänaykipä. Noqanam Tayta Diospa puntanchö suertiyashä tsay partikunata rakipunäpä».
9
Tsaymi tsay runakuna aywar manarä aypunqan partikunata entërupa rikapakur tumayämurqan. Qanchis partiman rakiskirmi qellqayarqan markakuna maychö kanqantapis. Tsaypitanam Josué taykanqan Siluman kutiyarqan.
10
Josuénam jinan Silullachö Tayta Diospa puntanchö suertiyarqan cada partita mayqan trïbutapis rakipunanpä.
11
Herenciata rakipunanpä suertiyaptinmi Benjamín trïbupa castankunapä yarqamurqan. Tsaymi Benjamín trïbu runakuna herenciata chaskiyarqan Judá trïbu y Josépita miraq trïbu runakunapa herencianpa chawpinchö.
12
Benjamín trïbu runakunapa herencianpa norti kaq lindërunqa Jordán mayupitam qallarqan. Tsaypita Jericó norti kaq lädupa päsarmi rupay ullunan kaq lädupa witsarqan. Jallqakunapa päsarmi Bet-avén desiertupana päsarqan.
13
Tsaypita sur kaq lädupa tumarmi Luzpa päsar Atarot-adarpa urarqan. Luzpa jukaq jutinmi Bet-el. Atarot-adarqa juk jirkanchömi kaykan. Tsay jirkanqa ura kaq Bet-horón sur kaq tsimpanchömi kaykan.
14
Tsaypita tsay jirkan kinrallanpam lindëru päsarqan hasta rupay ullunan kaq lädu kuchunyaq. Tsaypitam sur kaq lädupa yapay tumar Quiriat-baalyaq charqan. Quiriat-baalqa Judá trïbu runakunapa markanmi karqan. Tsay markapa jukaq jutinmi Quiriat-jearim. Rupay ullunan kaq lädu lindërunmi tsay markakunapa, jallqakunapa y raqrakunapa päsarqan.
15
Sur kaq lädupa aywaq lindërunmi Quiriat-jearimpa kuchunpita qallarqan. Tsaypitam rupay yarqamunan kaq lädupa päsar Neftoa pukyuyaq charqan.
16
Tsaypitam urarqan Refaim pampa norti kaq kuchunyaq. Tsayqa jirka chakinchömi kaykan. Tsaypitaqa Ben-hinom raqram qallaykun. Tsay lindërum Ben-hinom pampallanpa päsar jebuseo runakuna täyanqan jirka sur kaq lädupa charqan. Tsaypitam En-rogel pukyuyaq charqan.
17
Tsaypitam norti kaq lädupa tumar En-semespa päsar Gelilotyaq charqan. Gelilotqa Adumín jirkan tsimpanchömi kaykan. Tsaypitam urarqan Bohán Ben-Rubén qaqapa.
18
Tsaypitam Arabá pampa kuchunchö kaykaq jirkakuna norti kaq lädupa päsar Arabá pampapana urarqan.
19
Bet-hogla norti kaq lädupa päsarnam Kachi Lamar norti kaq kuchunpa charqan. Tsaychömi Jordán mayu ushan. Tsay markakunapa, jallqakunapa y raqrakunapam päsarqan sur kaq lindërun.
20
Rupay yarqamunan kaq lädu lindërunqa Jordán mayu kuchullanpam päsarqan. Tsay markakunapa, jallqakunapa y raqrakunapam Benjamín trïbu castakunapa lindërun päsarqan.
21
Benjamín trïbu runakuna castanpa castanpa chaskiyanqan markakunam karqan Jericó, Bet-hogla, Emec-casis,
22
Bet-arabá, Zemaraim, Bet-el,
23
Avim, Pará, Ofra,
24
Quefar-haamoni, Ofni y Geba. Tsay partichö chunka ishkay markakunam caseriunkunawan karqan.
25
Wakin chaskiyanqan markakunam karqan Gabaón, Ramá, Beerot,
26
Mizpa, Cafira, Mozah,
27
Requem, Irpeel, Tarala
28
Zela, Elef, Jebús (Jebúspa jukaq jutinmi Jerusalén), Gabaa y Quiriat. Tsay partichö chunka chusku markakunam caseriunkunawan karqan. Tsaypam Benjamín trïbu runakuna castanpa castanpa chaskiyanqan herencianpa lindërun karqan.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24