bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Deuteronomy 22
Deuteronomy 22
Sotho 1951 (BIBELE)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 23 →
1
Ge o ka bona kgomo ya wa geno, le ge e le nku ya gagwe, e timetše, o se ke wa e šikologa; e bušetše go wa geno.
2
Ge wa geno a se kgauswi, goba o sa mo tsebe, gona o e gapele ga geno; e dule ga geno go fihla ge wa geno a e tsoma, wa kgona go e boetša go yena.
3
Le ge e ka ba pokolo ya gagwe o e dire ka mokgwa woo; le ge e ka ba kobo ya gagwe, tšohle tše ngwaneno a kago lahlegelwa ke tšona, ge o ka di bona o se ke wa di šikologa.
4
Ge o ka bona pokolo ya wa geno, le ge e le pholo ya gagwe e wile tseleng, o se ke wa e šikologa; o swariše wa geno go e tsoša.
5
Seaparo sa monna se se ke sa aparwa ke mosadi; le gona monna a se ke a apara seaparo sa mosadi; ka gobane ge go ka dirwa tše bjalo e ka ba makgapha pele ga Morena Modimo wa lena.
6
Ge o ka hwetša sehlaga sa nonyana o le tseleng se le sehlareng goba fase, se na le mafotwana goba mae, gomme mmao a alametše mafotwana ao goba mae ao, gona o se ke wa swara mmao gotee le mafotwana.
7
Lesa mmao e fofe, o tšee mafotwana; gore o be le mahlatse o phele galelele.
8
Ge o aga ngwako o mofsa, gona lapa la ka hlakeng o le agele lefawana, gore ngwako wa gago o se o obele molato wa madi, ge motho a ka kodumela fase a le godimo ga wona.
9
Mo serapeng sa gago sa merara o se ke wa bjala peu ya mehuta e mebedi ya dihlare; gore dienywa tša tšona le dienywa tša merara e se tlo ba seila.
10
O se ke wa tlema pholo le pokolo gotee wa lema ka tšona.
11
O se ke wa apara kobo ye e rego ge e logwa gwa hlakangwa boya bja nku le leokodi.
12
Mo dintlheng tše nne tša kobo ye o e aparago o rokele matobolo.
13
Ge motho a tšere mosadi a mmeka, gomme a thoma go mo nyatša,
14
a fo mmolela ka tše mpe, a senya leina la gagwe, a re: Mosadi yo ke mo tšerego ke mo hweditše e se kgarebe,
15
gona tatago mosetsana le mmagwe ba tšee bohlatse bja bokgarebe bja mosetsana yo ba bo ntšhetše kgorong go ba bagolo ba motse.
16
Tatago mosetsana a botše ba bagolo a re: Monna e ke mo neetše morwedi wa ka a ba mosadi wa gagwe; fela, o a mo nyatša.
17
O fo mmolela ka tše mpe a re: Morwedi wa gago ke mo hweditše e se kgarebe! Bjalo bohlatse bja bokgarebe bja morwedi wa ka šebo. A a realo, mme a phutholle kobo pela ga bagolo ba motse.
18
Ke mo bagolo ba motse ba tlogo swara monna eo ba mo otla.
19
Ba mo lefiše ka sekele tše lekgolo, ba di nee tatago mosetsana, ka gobane a gobošitše leina la mosetsana wa Isiraele. Gomme mosetsana eo e tlo ba mosadi wa gagwe; a ka se ke a kgona go mo hlala bophelong bja gagwe ka moka.
20
Fela, ge taba yeo e ka ba therešo ya gore mosetsana eo a hweditšwe a se kgarebe,
21
gona ba mo ntšhetše mojakong wa ngwako wa tatagwe, gomme banna ba motse wa gabo ba mo thume ka maswika a hwe; ka gobane a dirile tše dihlong mo go Isiraele ka go dira bootswa a le lapeng la tatagwe. Ka mokgwa o bjalo le fediše bobe ga geno.
22
Ge monna a ka hwetšwa a robetše le mosadi e a tšerwego ke monna e mongwe, gona ba bolawe bobedi bja bona, monna eo a robetšego le mosadi, le mosadi yo. Bobe mo go Isiraele bo fedišwe ka mokgwa o bjalo.
23
Ge mosetsana e lego kgarebe e beeleditšwego ke monna, a ka hwetšwa ke monna mme a robala le yena,
24
bobedi bja bona le ba ntšhetše ntle ga kgoro ya motse, le ba thume ka maswika ba hwe; mosetsana a bolawe ka gobane a sa ka a hlaba mokgoši motseng; monna a bolawe ka gobane a gobošitše mosadi wa wa gabo. Bobe ga geno le bo fediše ka mokgwa woo.
25
Ge monna a ka kwetša mothepana nageng, e le e a beeleditšwego, gomme a mo kata a mo senya, gona go bolawe monna yo a nnoši e a sentšego ngwana eo.
26
Mothepana le se ke la mo dira selo, gobane go yena ga go molato wo a kago bolawa ka baka la wona; taba ye e swana le ya monna e a kago tsogela wa gabo a mmolaya;
27
gobane o mo hweditše nageng; gomme le ge mosetsana a ka be a hlabile mokgoši, a ka be a sa ka a hlakodišwa ke motho.
28
Ge monna a ka hwetša mosetsana wa kgarebe e sešogo ya beeletšwa ke monna, a mo swara a robala nae, mme a bonwa,
29
gona monna eo a robetšego nae a nee tatago mosetsana sekele tše masome a mahlano, mme e tlo ba mosadi wa gagwe, ka gobane a mo gobošitše; gomme a se ke a mo hlala bophelong bja gagwe ka moka.
30
Monna a se ke a tšea mosadi wa tatagwe; a se ke a phamola kobo ya tatagwe.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34