Deuteronomy 23

Sotho 1951 (BIBELE)

← Chapter 22 Jump to: Chapter 24 →

1E a lego lefagolwa ka kutlego, le e a fagotšwego ke batho, a se ke a tla phuthegong ya Morena.

2E a tswetšwego ke mosadi wa mohuta o šele, a se ke a tla phuthegong ya Morena, le wa leloko la lesome e a tšwago go yena a se ke a amogelwa phuthegong ya Morena.

3Moamoni le Momoaba a se ke a tla phuthegong ya Morena; le wa leloko la lesome e a tšwago go bona a se ke a amogelwa phuthegong neng le neng,

4ka gobane ba sa ka ba le gahlanetša tseleng mola le etšwa Egipita, le ka ge ba biditše Bileama morwa wa Beoro wa kua Phethore nageng ya Mesopotamia gore a le roge.

5Morena Modimo wa gago a gana go kwa Bileama, a go šatolela thogo ya ba tšhegofatšo, ka gobane Morena Modimo wa gago a go rata.

6O se ke wa ba nyakela leago le bothakga ka mehla ya gago ka moka le neng le neng.

7Moedomo o se ke wa mo hlaswa ka gobane yena ke ngwaneno; le Moegipita o se ke wa mo hlaswa, ka gobane o kile wa diilela ga gabo.

8Bana ba bona ba ba belegwago molokong wa boraro ba ka tla phuthegong ya Morena.

9Ge le tšwela manaba a lena dira, le ile tše mpe ka moka.

10Ge go ka ba le motho go lena e a tletšwego ke seila ka tše di diregilego bošego, a tšwe a dule ka ntle ga mešaša; a se ke a tla mešašeng.

11Ka manthapama a hlape ka meetse, mme mešašeng a tsene ge le diketše.

12Go be le felwana ka ntle ga mešaša mo le tlogo ya kgakala ntshe.

13Mo go phahlo ya lena go be le kepo ya gore ge motho a ile kgakala a fetše ka go tšheletša ka mmu.

14Ka gobane Morena Modimo wa gago o tšwa madira a gago gore a go namolele, gore manaba a gago a a gafele diatleng tša gago a e be madira a makgethwa; a se ke a le fularela a bone tše mpe mo go lena.

15Lethopša le le tlilego go wena le tšhabile go mong wa lona, o se ke wa le bušetša go mong wa lona.

16A a dule ga geno mo motseng wo a tlogo o rata mo go metse ya geno, mo go tlogo mo kgahla. O se ke wa mo pateletša.

17Mo go barwedi ba Isiraele go se ke gwa ba le mosadi wa kobaobane. Mo go barwa ba Isiraele go se ke gwa ba le monna wa sehlotlolo.

18Mo ngwakong wa Morena o se ke wa tliša moputso wa bootswa, le ge e le theko ya mpša; gobane tše pedi tšeo Morena Modimo wa gago o bona e le makgapha.

19Go ngwaneno o se ke wa nyaka tšhelete ye e tswalwago ke ye o mo adimilego yona, le ka dijo, le ka tše dingwe tše o mo adimilego tšona.

20Go wa ditšhaba o ka nyaka tšhelete e tswalwago ke kadimo, e sego go ngwaneno, gore Morena Modimo wa gago a go šegofatše ka tšohle tše diala tša gago di di dirago mo nageng ye o yago go e tšea ya ba ya gago.

21Ge o enetše Morena Modimo wa gago keno, o se ke wa tšwafela go e phetha, gobane Morena Modimo wa gago a ka se ke a lesa go e tsoma go wena. O ka oba molato ka tše bjalo.

22Ge o ka lesa go enela Morena keno, o ka se ke wa ba le molato.

23O hlokomele se se tšwilego molomong wa gago, o dire se o se enetšego Morena Modimo wa gago. O tliše sehlabelo sa go ithapa se o se boletšego ka molomo wa gago.

24Ge o tsena mo serapeng sa merara sa ngwaneno, o ka ja dienywa ka mo o ratago wa ba wa khora; fela, o se ke wa fulela sebjaneng sa gago.

25Ge o tla ka tšhemong ya ngwaneno ya mabele, o ka kga magollelo ka seatla; fela o se ke wa tsenya ntlatla mo mabeleng a wa geno.

← Chapter 22 Jump to: Chapter 24 →