bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
2 Kings 1
2 Kings 1
Umbundu Bible (Embimbiliya - Bíblia Sagrada em Umbundu)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 2 →
1
Kovaso yokufa kua Ahava, va Moavi va ñualelapo Isareli.
2
Ahasiya wa tuiyila ponjanela yolomimbiliko kosapalalo yaye yo ko Samaria, yu wa kupuka kuenje wa vela. Wa tuma olomunga, yu wa popia lavo hati, Kuendi ka puliliyi Baale Sevuvu, suku ya Ekirone, nda hẽ mbeluka kuvei ulo.
3
Ungelo wa Yehova wa popia la Eliya u Tisibi, hati, Katuka, ka ñualẽhẽle lolomunga via Soma ya Samaria. Popia lavo huti, Ka kuli nga Suku kIsareli, eci wendi ndeti oku puliliya Baale Sevuvu, suku ya Ekirone?
4
Kaliye ca popia Yehova ceci, hati, Pula wa pekela ndeti ku tundipo vali, puãi o fa muẽle. Oco Eliya wa enda.
5
Olomunga via tiukila ku Ahasiya, leye wa popia lavo hati, Nye wa tiukili?
6
Va popia laye vati, Ulume umue wa ñualẽhẽla letu, yu wa popia letu hati, Kuendi, tiukili ku Soma una wo tumili, popi laye hoti, Ca popia Yehova ceci, hati, Ka kuli nga Suku kIsareli eci wa tuma ndeti oku puliliya ku Baale Sevuvu, suku ya Ekirone? Oco pula wa pekela ndeti, ku tundipo vali, puãi o fa muẽle.
7
Yu wa popia lavo hati, Ulume waco wa ñualẽhẽla lene, yu wa popia lene olondaka evi, wa tuwa ndati?
8
Vo kumbulula vati, Wa wala uwalo wovonya, wa litika uvia wombandua vombunda yaye. Ahasiya hati, O Eliya, u Tisibi.
9
Oco wa tuma kokuaye kesongo liakuĩ atãlo kumue lalume vaye akui atãlo. Yu wa lamanela kokuaye, kuenje tala, Eliya wa tumãla kilu liokamunda. Wa popia laye hati, Amunu wa Suku, Soma hati, Loka!
10
Eliya wa kumbulula, wa popia la kesongo liakuĩ atãlo hati, Nda ndimunu wa Suku, oco kilu ku loke ondalu ha yi ku li kumue lalume vove akui atãlo. Oco kilu kua loka ondalu, yu yo lia kumue lalume vaye akui atãlo.
11
Ahasiya wa tuma vali kokuaye kesongo kakuavo kakui atãlo kumue lalume vaye akui atãlo. Yu wa popia laye hati, Amunu wa Suku, ca popia Soma ceci, hati, Loka lombili.
12
Eliya wa kumbulula, wa popia lavo hati, Nda ndimunu wa Suku, oco kilu ku loke ondalu ha yi ku li kumue lalume vove akui atãlo. Oco kilu kua loka ondalu, yu yo lia kumue lalume vaye akui atãlo.
13
Ahasiya wa tuma vali kesongo katatu kakui atãlo kumue lalume vaye akui atãlo. Kesongo katatu kakui atãlo wa lamana, weya ku Eliya, kuenje wa kekamẽla kovaso aye. Wo livondela, kuenje wa popia laye hati, Amunu wa Suku, hu pinga, omuenyo wange lomuenyo wakuenje vove avandeti, akui atãlo, u sange ohenda kokuove.
14
Momo kilu kua lokile ondalu yu ya lia vakesongo vavali vatete vakui atãlo, kumue lalume vavo akui atãlo. Puãi kaliye omuenyo wange u sange ohenda kokuove.
15
Ungelo wa Yehova wa popia la Eliya hati, Loka kumue laye, ku ko yokokele. Oco wa katuka, wa lokila laye ku Soma.
16
Wa popia laye hati, Ca popia Yehova ceci, hati, Ka kuli nga Suku kIsareli hu puliliya ondaka yaye? Oco, omo wa tumile olomunga hu puliliya Baale Sevuvu, suku ya Ekirone, pula wa pekela ndeti, ku tundipo vali, puãi o fa muẽle.
17
Oco wa fa ndondaka ya Yehova yina Eliya a popia. Yehorama wa piñala komangu yaye kunyamo wavali wa Yehorama, omõla a Yehosafata, Soma ya Yuda, momo Ahasiya ka kaile lomõla.
18
Ovilinga vikuavo via linga Ahasiya, ka via sonehelue hẽ velivulu liasapulo olosoma via Isareli?
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25