bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
2 Kings 15
2 Kings 15
Umbundu Bible (Embimbiliya - Bíblia Sagrada em Umbundu)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
1
Kunyamo wakui avali lepanduvali wa Yerevoama, Soma ya Isareli, oco Asariya omõla a Amasiya, Soma ya Yuda, a fetika oku viala.
2
Eci a fetika oku viala wa kala lanyamo ekui lepandu. Kuenje wa viala ko Yerusalãi anyamo akui atãlo la avali. Onduko ya inaye Yekoliya u Yerusalãi.
3
Wa lingainga eci ca sunguluka kovaso a Yehova, ndeci cosi ca lingaile isiaye Amasiya.
4
Haimo ovotala okolonumbuko ka opilueko. Omanu lopo va lumba lumba loku timihãila insensu kolonumbuko.
5
Yehova wa veta Soma lovilundu toke eteke liokufa kuaye, kuenje wa likaila lonjo yaye. Yotama omõla a Soma wa songuila onjo ya Soma haeye wa viala omanu vofeka.
6
Ovilinga vikuavo via Asariya levi viosi a linga ka via sonehelue hẽ velivulu liasapulo olosoma via Yuda?
7
Asariya wa pekela kumue lolosekulu viaye, yu vo kenda kumue lolosekulu viaye vimbo lia Daviti. Omõlaye Yotama wa piñala komangu yaye.
8
Kunyamo wakui atatu lecelala wa Asariya, Soma ya Yuda, Sakariya omõla a Yerevoama wa viala olosãi epandu kIsareli, vo Samaria.
9
Wa lingainga eci cĩvi kovaso a Yehova ndeci ca lingaile olosekulu viaye. Ka litepele lakandu a Yerevoama omõla a Nevata, ana a linga loku kokela Isareli oku lueya.
10
Sialume omõla a Yavesi wo tumbikila ongombo, wo pondela kIvileama yu wa wipa kuenje wa piñala komangu yaye.
11
Ovilinga vikuavo via Sakariya, tala, via sonehiwa velivulu liolosoma via Isareli.
12
Eyi oyo ondaka ya Yehova yina a popele la Yehu hati, Toke kocitumbulukila cakuãla omãla vove va tumãla kocalo ca Isareli. Kuenje ceya ocili.
13
Sialume omõla a Yavesi wa fetika oku viala kunyamo wakui atatu lecea wa Usiya Soma ya Yuda. Yu wa viala o sãi vo Samaria.
14
Menahema omõla a Gadi wa tunda ko Tirisa, weya ko Samaria. Wa pondela Sialume omõla a Yavesi vo Samaria yu wa wipa kuenje wa piñala komangu yaye.
15
Ovilinga vikuavo via Sialume longombo yina a tumbikile, tala via sonehiwa velivulu liasapulo olosoma via Isareli.
16
Oco Menahema wa kundula Tifisa, lava vosi va kalamo, kumue lofeka yaco tunde ko Tirisa. Momo ka vo yikuilileko oco wa kundula imbo liaco. Akãi vosi ve mina va kalamo, wa va tola.
17
Kunyamo wakuĩ atatu lecea wa Asariya, Soma ya Yuda, oco Menahema omõla a Gadi a fetika oku viala kIsareli, kuenje wa viala ekui lianyamo vo Samaria.
18
Wa lingainga eci cĩvi kovaso a Yehova. Oloneke viaye viosi ka litepele lakandu a Yerevoama omõla a Nevata, ana a linga loku kokela Isareli oku lueya.
19
Pulu Soma ya Asuria wa katukila ofeka. Oco Menahema wa iha Pulu ohulukãi yolotalendo viopalata ho kuatisako oku pamisila uviali povaka aye.
20
Menahema wa konguisa olombongo viaco kIsareli, ndokuti kolohuasi viosi, omunu lomunu akuĩ atãlo kolosiekele violopalata, kuenje wa vi eca ku Soma ya Asuria. Oco Soma ya Asuria wa tiukila, ka tumalele vali vofeka.
21
Ovilinga vikuavo via Menahema levi viosi a linga, ka via sonehelue hẽ velivulu liasapulo olosoma via Isareli?
22
Menahema wa pekela kumue lolosekulu viaye. Omolaye Pekahiya wa piñala komangu yaye.
23
Kunyamo wakui atãlo wa Asariya, Soma ya Yuda, oco Pekahiya omõla a Menahema a fetika oku viala kIsareli vo Samaria, kuenje wa viala anyamo avali.
24
Wa lingainga eci cĩvi kovaso a Yehova. Ka litepele lakandu a Yerevoama omõla a Nevata, ana a linga loku kokela Isareli okulueya.
25
Kesongo kaye, Peka, omõla a Remaliya, wo tumbikila ongombo, yu wo pondela vo Samaria vombonge yelombe, kumue la Aregove la Ariye. Wa kala lakui atãlo kalume va Gileada. Wa wipa kuenje wa piñala komangu yaye.
26
Ovilinga vikuavo via Pekahiya levi viosi a linga, tala, via sonehiwa velivulu liasapulo olosoma via Isareli.
27
Kunyamo wakui atãlo lavali wa Asariya, Soma ya Yuda, oco Peka omõla a Remaliya a fetika oku viala kIsareli, vo Samaria, kuenje wa viala akuĩ avali kanyamo.
28
Wa lingainga eci cĩvi kovaso a Yehova. Ka litepele lakandu a Yerevoama omõla a Nevata, ana a linga loku kokela Isareli oku lueya.
29
Koloneke via Peka, Soma ya Isareli, Tigilati Pilesere, Soma ya Asuria, weya, yu wa kuata Iyoni la Avelebetimaka la Yanoha la Kedesi la Hasore la Gileada la Galilea lofeka yosi ya Nafitali, kuenje wa tuala omanu vaco kumandekua kAsuria.
30
Hosea omõla a Ela wa tumbikila Peka omõla a Remaliya ongombo. Wo ponda yu wa wipa kuenje wa piñala komangu yaye, kunyamo wakui avali wa Yotama omõla a Usiya.
31
Ovilinga vikuavo via Peka levi viosi a linga, tala, via sonehiwa velivulu liasapulo olosoma via Isareli.
32
Kunyamo wavali wa Peka, omõla a Remaliya, Soma ya Isareli, oco Yotama, omõla a Usiya, Soma ya Yuda, a fetika oku viala.
33
Eci a fetika oku viala wa kala lanyamo akui avali la atãlo kuenje wa viala anyamo ekui lepandu vo Yerusalãi. Onduko ya inaye Yerusia omõla a Sadoke.
34
Wa lingainga eci ca sunguluka kovaso a Yehova. Wa linga ndeci cosi ca lingaile isiaye Usiya.
35
Haimo ovotala okolonumbuko ka opilueko. Omanu lopo va lumba lumba loku timihaila insensu kolonumbuko. Eye wa tunga ombundi yokonano yonjo ya Yehova.
36
Ovilinga vikuavo via Yotama levi viosi a linga ka via sonehelue hẽ velivulu liasapulo olosoma via Yuda?
37
Koloneke viaco Yehova wa fetika oku katula Resini, Soma ya Suria, la Peka, omõla a Remaliya oku liyaka la Yuda.
38
Yotama wa pekela kumue lolosekulu viaye, yu vo kenda kumue lolosekulu viaye vimbo lia isiaye Daviti. Omolaye Ahasi wa piñala komangu yaye.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25