bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
2 Kings 19
2 Kings 19
Umbundu Bible (Embimbiliya - Bíblia Sagrada em Umbundu)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 20 →
1
Eci Soma Hesekiya a ci yeva, wa tola uwalo waye, wa wala ocikelei kuenje wa iñila vonjo ya Yehova.
2
Wa tuma Eliakimi kalei kelombe, la Sevina usonehi lakulu vovitunda kuprofeto Isaya, omõla a Amose. Vosi yavo va wala ovikelei.
3
Va popia laye vati, Ca popia Hesekiya ceci, hati, Eteke lilo eteke liohali, lieyambulo, hailio lioku kutisua osõi. Momo omãla veya voku citiwa, puãi ongusu yoku va cita ka pali.
4
Yehova Suku yove mbi wa yeva olondaka viosi via Ravesiake, una cime caye Soma ya Asuria a tuma oku fuanguila Suku Ukuamuenyo, kuenje mbi o yambuila olondaka vina Yehova Suku a yeva. Oco likutililako ocisupe ca sialapo.
5
Oco akuenje va Soma Hesekiya va enda ku Isaya.
6
Kuenje Isaya wa popia lavo hati, Popi ndomo la cime cene hoti, Ca popia Yehova ceci, hati, Ku ka yokokele olondaka wa yeva, vina akuenje va Soma ya Asuria va nondala lavio.
7
Tala, ñapa espiritu limue kokuaye, leye o yeva olohati kuenje o tiukila kofeka yaye muẽle. Kuenje ha wipaisa losipata vofeka yaye muẽle.
8
Oco Ravesiake wa tiukila, yu wa sanga Soma ya Asuria o liyaka la Livina. Momo wa yevele okuti ko Lakisi wa tundako.
9
Kuenje eci Soma ya Asuria a yeva ondaka ya Tirihaka, Soma yEtiopia, yokuti, Tala wa katukila oku liyaka love, oco wa tuma vali olomunga ku Hesekiya hati,
10
Popi ndomo la Hesekiya Soma ya Yuda hoti, Suku yove una wa kolela ka ka ku kembe, hati, Yerusalãi ka yeciwa peka lia Soma ya Asuria.
11
Tala, wa yeva eci olosoma via Asuria via linga lolofeka viosi, ndomo va vi nyõla pe. Ove nga, ove o popeliwa?
12
Olosuku violofeka via popela nga olofeka vina olosekulu viange via nyõla? Via popela nga olofeka via Gosane la Harane la Recefe la va Edene vana va kala ko Telasare?
13
Soma ya Hamati o kasi pi, la Soma ya Aripade, la Soma yimbo lia Sefariwayi la Hena la Iva?
14
Hesekiya wa tambula ukanda peka liolomunga, yu wo tanga. Hesekiya wa lamanela konjo ya Yehova, kuenje wo nyanyumuila kovaso a Yehova.
15
Hesekiya wa likutilila ku Yehova hati, A Yehova Suku ya Isareli, ukuakutumala pokati ka vakeruvi, ove lika, ove Suku yovosoma osi okilu lieve, haive wa panga ilu losi.
16
Vongola etui liove, a Yehova, yevelela! Patulula ovaso ove, a Yehova, vanja! Yevelela olondaka via Senakeriva vina a tuma oku fuanguila Suku Ukuamuenyo.
17
Ocili a Yehova, olosoma via Asuria via nyõla omanu lolofeka viavo.
18
Olosuku viavo va vimba vondalu momo halosukuko ale, puãi oviti lovawe, kuenda upange wovaka omanu. Oco va vi nyõla.
19
Kaliye, a Yehova Suku yetu, hu livondela, tu popele peka liaye, oco ovosoma osi okilu lieve a limbuke okuti ove Yehova Suku, ove lika wove.
20
Oco Isaya omõla a Amose wa tuma ku Hesekiya hati, Ca popia Yehova Suku ya Isareli ceci, hati, Ohutililo yove mekonda lia Senakeriva Soma ya Asuria, nda yi yeva.
21
Ondaka yo popela Yehova yeyi, hati, Ufeko wosombolua omõla a Siono wa ku sepula, wa ku yola epembe. Omõla a Yerusalãi ukãi wa ku lipukila utue.
22
Ove wa sawula elie? Wa yola elie epembe? Wa kalukila elie loku u pekuluila ovaso? Wa ci lingila U o kola wa Isareli.
23
Lolomunga viove wa sawula Yehova, kuenje wa popia huti, Nda londa kilu liolomunda lakãlu ange alua; nda pitila vokati ka Levanone. Ovinendele viaco via lepa nda vi timbula, kumue lolongaye viaco. Nda pitila toke vovivundilo viaco via lisoleka, toke vovisitu viaco.
24
Nda fẽla ovisimo yu nda nyua kovava amale. Nda kukutisa olondui viosi viEgito lolomãi viange.
25
Kua yevele hẽ ndomo nda ci panga ale osimbu? Eci nelisa ndeti kaliye nda ci sokiya ale kosiahulu, okuti ovaimbo a pamisua lovimbaka, ove wa a lingisa alunda.
26
Omanu vaco omo vakualohõlo vitito, va yokoka kuenda va tokotelua, va linga ndovikũla viovapia pamue ndowangu u talala, pamue ndotiliku ya kakuiwa osimbu ka ya kulile.
27
Nda kuliha okutumãla kuove, lokutunda kuove, lokuiñila kuove. Nda kulihavo onyeño wa ñuatela
28
Omo wa ñuatela onyeño yalua, kuenda okulituna kuove kua njevala, oco ñapa onjolo yange venyulu liove lolelia yange vomela wove, kuenje hu tiuwiya vonjila weyilile.
29
Kuenje ci ku lingila ondimbukiso ceci: Elimeli vu lia evi via litundila. Enyamuali vu lia ombuto yalitundile aco. Unyamo watatu, oco vu kũla, vu lombola, vu tuika ayuva loku lia epako liaco.
30
Kuenje ocisupe ca puluka cepata lia Yuda ci kua tela olombombo posi, kuenje cimĩla epako kilu.
31
Momo vo Yerusalãi mu tunda ocisupe, lovomunda ya Siono mu tunda ava va puluka. Ombili ya Yehova yi ci linga.
32
Oco, ca popia Yehova oku tukula Soma ya Asuria, ceci, hati, Ka iñila vimbo lilo, ndaño oku imbamo usongo, pamue oku amako lociyepelo, ndaño oku li longekela ondunda.
33
Onjila eyilila haiyo a tiukila layo, kuenje ka iñila vimbo lilo. Oco ca popia Yehova.
34
Momo ame silamela imbo lilo, okuti ndi li lipopelela ame muẽle loku li popelela ukuenje wange Daviti.
35
Oco uteke waco, ungelo wa Yehova wa katuka, wa ipa ocita lakui ecelala kolohũlũkãi kolohũlũkãi vitãlo komanu vocilombo ca va Suria. Eci omanu va pasuka omele ociteketeke, tala, vosi yavo va linga ovivimbi.
36
Oco Senakeriva, Soma ya Asuria, wa tunda, wa tiukila kuenje wa tumãla ko Ninivei.
37
Osimbu a kala loku fendela vonjo ya Nisirote, suku yaye, oco omala vaye Adirameleke la Siarecere va wipa losipata, kuenje va tilila kofeka ya Ararate. Omolaye Esarihadono wa piñala komangu yaye.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25