bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
2 Kings 14
2 Kings 14
Umbundu Bible (Embimbiliya - Bíblia Sagrada em Umbundu)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 15 →
1
Kunyamo wavali wa Yoasi omõla a Yoahasi Soma ya Isareli, oco Amasiya omõla a Yoasi Soma ya Yuda a fetika oku viala.
2
Eci a fetika oku viala wa kala lanyamo akuĩ avali latãlo. Wa viala anyamo akuĩ avali lecea ko Yerusalãi. Onduko ya inaye Yehoadana u Yerusalãi.
3
Wa linga eci ca sunguluka kovaso a Yehova, puãi handaisiayeko Daviti. Kovina viosi wa linga ndeci ca lingaile isiaye Yoasi.
4
Ovotala okolonumbuko ka opilueko. Omanu lopo va lumba lumba loku timihaila insensu kolonumbuko.
5
Tuli uviali wa pamisilua povaka aye, oco wa ipa akuenje vaye, vana va ipaile isiaye Soma.
6
Puãi omãla volomondi ka va ipaile, ndeci ca sonehiwa velivulu liovihandeleko via Mose, ndeci Yehova a handeleka hati, Vaisia ka va ka ipailue omãla, ndaño omala ka va ka ipailue vaisia; omunu lomunu a file ekandu liaye muẽle.
7
Wa ipaila ekui liolohũlũkãi via va Edome vocimbota comongua, kuenje wa tambula Sela loku yaka, wa li luka hati Yoketele, toke etaili lilo.
8
Oco Amasiya wa tuma olomunga ku Yehoasi omõla a Yehoahasi omõla a Yehu, Soma ya Isareli, hati, Enju, tu limole kolopolo.
9
Yehoasi Soma ya Isareli wa tuma ku Amasiya Soma ya Yuda hati, Ocikualu covo Levanone ca tuma ondaka kocinendele co vo Levanone citi, Eca omolove ukãi ha likuela lomolange. Oco kua pita ocinyama covusenge covo Levanone, kuenje ca liataila ocikualu.
10
Ocili wa yula Edome, kuenje utima wove wa lenda. Kala ño lulamba waco, tumãla kimbo liove. Nye o kuetele olumbue leci ci ku valula, hã hu kupuka ove kumue la Yuda?
11
Puãi Amasiya ka yonguile oku yevako. Oco Yehoasi Soma ya Isareli wa katuka. Eye la Amasiya Soma ya Yuda va limõla kolopolo ko Bete Siemese yo ko Yuda.
12
Yuda wa yuliwa la Isareli, kuenje omunu lomunu wa tilila konjo yaye.
13
Yehoasi Soma ya Isareli wa kuatela Amasiya Soma ya Yuda, omõla a Yehoasi omõla a Ahasiya, ko Bete Siemese. Wa enda ko Yerusalãi, kuenje kocimbaka ca Yerusalãi wa lundulako ca soka ovita vikuãla kovikeya, tunde kombundi ya Efarimi toke kombundi yevindi.
14
Wopa ulu wosi lopalata, lovikuata viosi via kala vonjo ya Yehova levi viovokuasi onjo ya Soma, lomanu va linga ndolonjeke, kuenje wa tiukila ko Samaria.
15
Ovilinga vikuavo via Yehoasi vina a linga lovonene aye, lomo a liyaka la Amasiya Soma ya Yuda, cosi ka ca sonehelue hẽ velivulu liasapulo olosoma via Isareli?
16
Yehoasi wa pekela kumue lolosekulu viaye, yu vo kenda vo Samaria kumue lolosoma via Isareli. Omolaye Yerevoama wa piñala komangu yaye.
17
Kovaso yokufa kua Yehoasi omõla a Yehoahasi Soma ya Isareli, Amasiya omõla a Yoasi Soma ya Yuda, wa tumãla handi anyamo ekui la atãlo.
18
Ovilinga vikuavo via Amasiya ka via sonehelue hẽ velivulu liasapulo olosoma via Yuda?
19
Vo tumbikila ongombo ko Yerusalãi, oco wa tilila ko Lakisi. Puãi va tuma oku u landula ko Lakisi, kuenje oko va wipaila.
20
Va wambatela kotuvalu, yu vo kenda ko Yerusalãi vimbo lia Daviti, kumue lolosekulu viaye.
21
Omanu vosi va Yuda va vialeka Asariya ha piñala komangu ya isiaye Amasiya. Eye wa kala lanyamo ekui lepandu.
22
Wa tunga Elati, yu lia linga vali lia Yuda. Koloneke viaco Soma wa pekela ale kumue lolosekulu viaye.
23
Kunyamo wekui latãlo wa Amasiya omõla a Yoasi Soma ya Yuda, oco Yerevoama omõla a Yoasi Soma ya Isareli a fetika oku viala ko Samaria. Kuenje wa viala anyamo akui akuãla lamosi.
24
Wa lingainga eci cĩvi kovaso a Yehova, ka litepele lakandu osi a Yerevoama omõla a Nevata ana a linga loku kokela Isareli oku lueya.
25
Wa tumbulula ongave ya Isareli tunde koku panda ko Hamati toke kokalunga koketapi, ndondaka ya Yehova Suku ya Isareli yina a popele lomela wukuenje waye uprofeto Yona, omõla a Amitai, u Gati Hefere.
26
Momo Yehova wa mõla ohali ya Isareli, ndomo ya kãla cimue, momo ka kua kaile vali upika pamue omamale, ndaño umue o kuatisa Isareli ka kua kaile.
27
Yehova ka popele okuti onduko ya Isareli vemi lilu o yi kungulamo, puãi wa va leka lia Yerevoama omõla a Yoasi.
28
Ovilinga vikuavo via Yerevoama levi viosi a linga lovonene aye lomo a yaka kovita lomo a tambula vali ovaimbo a Damasko la Hamati yo ko Yuda, yu a linga vali a Isareli, cosi ka ca sonehelue hẽ velivulu liasapulo olosoma via Isareli?
29
Yerevoama wa pekela kumue lolosekulu viaye, olosoma via Isareli. Omõlaye Sakariya wa piñala komangu yaye.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25