bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
2 Kings 25
2 Kings 25
Umbundu Bible (Embimbiliya - Bíblia Sagrada em Umbundu)
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
1
Kunyamo wecea wuviali waye, kosãi yekui, keteke liekui liosãi, Nevukandesa Soma ya Bavulono wa katukila Yerusalãi, eye kumue lolohoka viaye viosi. Wa yi tungila ocilombo, kuenda va yi ñualisa olondunda.
2
Oco imbo lia ñualiwa ocingonja toke kunyamo wekui la mosi wa Soma Sedekiya.
3
Keteke liecea liosãi yakuãla, onjala ya piãla vimbo. Omanu vofeka ka va kaile lokulia.
4
Oco va tuiya epangu vimbo, kuenje alume vosi vakuavita va tilamo uteke, va enda lonjila yombundi yopokati kovimano vivali, haiyo yi lisungue locumbo ca Soma, osimbu va Kaldea Va ñuala imbo ocingonja. Oco va enda lonjila yo kAraba.
5
Puãi olohoka via va Kaldea via landula Soma, yu vio sanga vatapi a Yeriko, kuenje olohoka viaye viosi vio sandoka.
6
Oco va kuata Soma, vo tuala ku Soma ya Bavulono ko Rivila, kuenje vo tukuila episo liaye.
7
Va ipaila omãla va Sedekiya kovaso aye. Sedekiya vo tofola ovaso, vo kuta lalienge kuenje vo tuala ko Bavulono.
8
Kosãi yatãlo, keteke liepanduvali liosãi, haiwo unyamo wekui lecea wa Soma Nevukandesa Soma ya Bavulono, oco Nevusaradana kesongo kasualali velombe, ukuenje wa Soma ya Bavulono, eya ko Yerusalãi.
9
Wa yoka onjo ya Yehova lonjo ya Soma, lolonjo viosi via Yerusalãi. Olonjo viosi vinene wa vimba ondalu,
10
Olohoka viosi via va Kaldea, vina via kala la kesongo kasualali velombe, via leñula ovimbaka viosi via Yerusalãi.
11
Ocisupe comanu va sialele vimbo lava va tililile ku Soma ya Bavulono, kumue locisupe cowiñi, vosi Nevusaradana kesongo kasualali velombe wa va tuala kumandekua.
12
Puãi kesongo kasualali velombe wa siapo vamue polosuke viofeka ha va tati oviumbo viayuva loku lima.
13
Olongunji viosipi vionjo ya Yehova, lalukuki, lociva cosipi cina ca kala vonjo ya Yehova, cosi va Kaldea va ci nyanyola, kuenje vambata osipi yaco, va yi tuala ko Bavulono.
14
Olombia, lolopa, lolomãla, lolonguto lovikuata viosi viosipi vina viupange wonembele, va enda lavio.
15
Oviyukilo, latiyela, lovina viulu, levi viopalata, kesongo kasualali velombe wa endavo lavio.
16
Olongunji vivali, lociva, lalukuki ana Salomone a pangelele onjo ya Yehova, opesu yosipi yovikuata viaco viosi ka ya kulihilue.
17
Usovi wongunji, yimue wa soka ekui lecelala kovikeya. Utue wayo wosipi. Usovi wutue waco wa soka ovikeya vitatu. Awanda osipi laromã osipi a ñuala kutue waco. Ongunji yavali ya kalavo ndoco, lawanda.
18
Kesongo kasualali velombe wa kuata Seraya ocitunda cinene, la Sefaniya ocitunda cavali, lolondavululi vitatu viombundi.
19
Vimbo wa kuatamo kesongo wa songowaila vakuavita, lalume vatalo vakuanjango ya Soma va sangiwa vimbo, lusonehi wa kesongo kolohoka, ukuakutenda omanu vofeka, kuenda akuĩ epandu komanu vakuafeka va sangiwa vimbo.
20
Nevusaradana kesongo kasualali velombe wa va kuata, yu wa va tuala ku Soma ya Bavulono ko Rivila.
21
Soma ya Bavulono wa va ponda, wa va ipaila ko Rivila vofeka ya Hamati. Oco va Yuda vopiwa vofeka yavo, yu va tualiwa kumandekua.
22
Omanu vana Nevukandesa Soma ya Bavulono a supisile vofeka ya Yuda, wa va tukuila Gedaliya omõla a Ahikama omõla a Siafane, ha lingi ombiali yavo.
23
Eci vakesongo vosi volohoka va yeva, ovo lalume vavo, okuti Soma ya Bavulono wa kapa Gedaliya ndombiali, oco ovo lalume vavo veya ku Gedaliya ko Misipa. Ovo vava: Isameli omõla a Netaniya, la Yohanana omõla a Kareha, la Seraya omõla a Tanimete u Netofa, la Yasaniya omõla u Mahakati.
24
Gedaliya wa lisinga lavo kumue lalume vavo, yu wa popia lavo hati, Ko ka yokokeli akuenje va va Kaldea. Tumali ño vofeka, vumbi Soma ya Bavulono hã cu wendi ciwa.
25
Puãi kosãi yepanduvali, Isameli omõla a Netaniya, omõla a Elisiama, ukuambuto yusoma, weya kumue lekui lialume. Va ponda Gedaliya, kuenje wa fa, kumue la va Yudea la va Kaldea vana va kala laye ko Misipa.
26
Omanu vosi vatito lava vanene lavakesongo kolohoka, va katuka, va enda kEgito, momo va salukila va Kaldea.
27
Kunyamo wakui atatu lepanduvali wumandekua wa Yehoyakini Soma ya Yuda, kosai yekui lavali keteke liakui avali lepanduvali liosãi yaco, Evile Merodake, Soma ya Bavulono, kunyamo a fetika oku viala, wa linga Yehoyakini Soma ya Yuda ohenda, yu wa wupa vokayike.
28
Wa vangula laye lumbombe. Omangu yaye wa yi velisapo, omangu yolosoma via kala laye ko Bavulono, ci sule.
29
Yehoyakini wa lula uwalo waye wo vokayike, kuenje oloneke viosi viomuenyo waye wa lialia komesa ya Soma.
30
Soma wo tekula eteke keteke. Oloneke viosi viomuenyo waye, wa wihaiha eteku liaye.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25