bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
2 Kings 8
2 Kings 8
Umbundu Bible (Embimbiliya - Bíblia Sagrada em Umbundu)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 9 →
1
Elisia wa popia lukãi una a pinduilile omõlaye kokufa hati, Katuka, kuende, ove kumue locikumba cove. Ka tumale kuosi kua ku sungulukila, momo Yehova wa vilikiya onjala, kuenje yi laika oku wila vofeka anyamo epanduvali.
2
Ukãi wa katuka, wa linga ndondaka yomunu wa Suku. Wa enda kumue locikumba caye, kuenje wa tumãla vofeka ya va Filisiti anyamo epanduvali.
3
Eci anyamo epanduvali a pita, ukãi wa tiuka kofeka ya va Filisiti, kuenje wa enda ku Soma ha likuambelela onjo yaye lovapia aye.
4
Kaliye Soma wa kala loku vangula la Gehasi, ukuenje womunu wa Suku, hati, Sapuileko evi viosi vinene via linga Elisia.
5
Osimbu a kala loku sapuila Soma ndomo Elisia a pinduile ocivimbi kolufa, oco tala, ina yomõla una wa pinduilue, wa likuambelela Soma onjo yaye lovapia aye. Gehasi wa popia hati, A cime cange, a Soma, u eye ukãi waco, kuenda u eye omõlaye una Elisia a pinduile kokufa.
6
Soma wa pula ukãi, leye wo ci sapuila. Oco Soma wo tukuila ukuenje umue welombe, hati, U tiuwila cosi caye, kumue lovaima osi a ima ovapia aye tunde eteke a tunda vofeka toke cilo.
7
Elisia weya ko Damasko. Benehadada Soma ya Suria wa kala loku vela. Vo sapuila vati, Omunu wa Suku weya kulo.
8
Soma wa popia la Hasaele hati, Ambata ombanjaile peka liove, kuende, ñualẽhẽla lomunu wa Suku, a mulileko ku Yehova nda hẽ ñaya kuvei ulo.
9
Hasaele wa tunda oku ñualehela laye. Wambata ombanjaile yovina viosi viwa viovo Damasko, haiyo yambatiwa lakui akuãla kolongamelo. Weya yu wa talama kovaso aye, hati, Omolove Benehadada Soma ya Suria, wa numa kokuove hati, Ñaya hẽ kuvei ulo?
10
Elisia wa popia laye hati, Kuende, u sapuila huti, Ocili o kaya muẽle! Haimo lumue Yehova wa ndekisa okuti eye o fa muẽle.
11
Omunu wa Suku wa tulukila Hasaele, wo vanja suĩ toke a kutiwa osõi, kuenje omunu wa Suku wa lila.
12
Hasaele wa popia hati, Cime cange o lilila nye? Eye wa kumbulula hati, Momo nda kuliha ohali ove o laika oku talisa va Isareli. Olombonge viavo o vimba ondalu. Amalehe vavo o va ipa losipata. Otumãla tuavo o tu sasola. Lakãi vavo ve mina o va tola.
13
Hasaele hati, Ukuenje wove ombua yaño, eye he elie, okuti o linga ocina eci cinene? Elisia wa kumbulula hati, Yehova wa ndekisa okuti ove o linga Soma ya Suria.
14
Oco wa tunda ku Elisia kuenje weya ku cime caye. Eye wa popia laye hati, Elisia wa ku sapuila nye? Eye wa kumbulula hati, Wa sapuila okuti ocili ove o kaya muẽle.
15
Puãi hela liaco, wa yelula onyime, wa yi yava vovava yu wa yi sikilila vocipala caye kuenje wa fa. Oco Hasaele wa piñala komangu yaye.
16
Kunyamo watalo wa Yorama, omõla a Ahava, Soma ya Isareli, eci Yehosafata a kala Soma ya Yuda, oco Yehorama omõla a Yehosafata Soma ya Yuda, a fetika oku viala.
17
Eci a fetika oku viala, wa kala lanyamo akuĩ atatu la avali, kuenje wa viala anyamo ecẽlãla ko Yerusalãi.
18
Wa endaila vonjila yolosoma via Isareli, ndeci ca linga epata lia Ahava. Momo wa kuela omõla a Ahava, kuenje wa lingainga eci cĩvi kovaso a Yehova.
19
Haimo Yehova ka yonguile oku nyõla Yuda, mekonda liukuenje waye Daviti, ndeci
20
Koloneke viaye, va Edome va ñualelapo uviali wa Yuda, yu va vialeka osoma yavo muele.
21
Yorama wa enda toke ko Sairi kumue lakalu aye osi. Wa katuka uteke, yu wa ipa va Edome vo ñuala ocingonja, eye lavakesongo vakalu. Puãi olohoka viaye via tilila kofeka yavio.
22
Oco va Edome va ñualelapo uviali wa Yuda, toke etaili lilo. Koloneke viaco, Livina lia ñualelapovo Yuda.
23
Ovilinga vikuavo via Yorama levi viosi a linga, ka via sonehelue hẽ velivulu liasapulo olosoma via Yuda?
24
Yorama wa pekela kumue lolosekulu viaye, kuenje vo kenda kumue lolosekulu viaye vimbo lia Daviti. Omolaye Ahasiya wa piñala komangu yaye.
25
Kunyamo wekui lavali wa Yorama omõla a Ahava Soma ya Isareli, oco Ahasiya omõla a Yehorama Soma ya Yuda a fetika oku viala.
26
Ahasiya eci a fetika oku viala wa kala lanyamo akui avali la avali, kuenje wa viala unyamo ko Yerusalãi. Onduko ya inaye Ataliya, omõla a Omiri Soma ya Isareli.
27
Wa endaila vonjila yepata lia Ahava, wa lingainga eci cĩvi kovaso a Yehova, ndeci ca linga epata lia Ahava, momo eye ndatembo yepata lia Ahava.
28
Wa enda kumue la Yorama omõla a Ahava ha va liyaki la Hasaele Soma ya Suria, ko Ramote Gileada. Kuenje va Suria va lemeha Yorama.
29
Soma Yorama wa tiukila ha kayisua ko Yesirele olombole vio lemehele va Suria ko Rama, cina a liyaka la Hasaele Soma ya Suria. Ahasiya omõla a Yehorama Soma ya Yuda wa lokila ko Yesirele oku pasula Yorama omõla a Ahava, momo wa kala loku vela.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25