bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
2 Kings 4
2 Kings 4
Umbundu Bible (Embimbiliya - Bíblia Sagrada em Umbundu)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 5 →
1
Ukãi wulume umue wopocisoko covaprofeto wa lisiõsuĩla Elisia, hati, Veyange ukuenje wove wa fa. Ove wa kuliha okuti ukuenje wove wa sumbilile Yehova. U wo levalisile weya oku upa omãla vange vavali ha va lingi apika.
2
Elisia wa popia laye hati, Hu lingila nye? Sapuileko, o kuete nye vonjo? Eye hati, Omõlove lacimue a kuete vonjo, te lika ombia yulela.
3
Elisia hati, Kuende, kondile olombia viupolokoso ku vakuene vosi, puãi undila via lua.
4
Noke iñila vonjo, liyikilamo ove lomala vove. Itila volombia viaco viosi, eyi ye yuka o yi kapela konele.
5
Oco wa tunda kokuaye, wa liyikila vonjo eye lomala vaye. Ovo vo tambaika olombia kuenje wa itilamo.
6
Eci olombia vie yuka, wa popia lomolaye hati, Nambeke vali ombia yimue. Eye wa popia laye hati, Ka pali vali ombia. Oco ulela wa kotoka.
7
Ukãi weya, yu wa ci sapuila omunu wa Suku. Eye hati, Kuende, ka landise ulela waco hu feti ofuka yove. Eci ci supapo, litekuli laco ove lomala vove.
8
Eteke limue Elisia wa pita ko Siuname. Oko kua kala ukãi umue wekope wo livondela okulia. Oco olonjanja viosi a pitako, wa iñila vonjo yaye oku liamo.
9
Wa popia la veyaye hati, Tala, kaliye nda limbuka okuti u o pita pita ndeti konjo yetu, omunu umue o kola wa Suku.
10
Hu pinga, tu tunge kolusoka okahondo kamue kovimano. Tu u kapelemo ula, lomesa, lomangu, londiyelo. Kuenje olonjanja viosi eya kulo, o sikĩlamo.
11
Eteke limue Elisia weyako, wa sikĩla vohondo yaco, yu wa puyukilamo.
12
Wa popia lukuenje waye Gehasi, hati, Pañinya ukãi u Siuname. Eci Gehasi o pañinya, ukãi weya kokuaye.
13
Elisia wa popia la Gehasi hati, Popia laye huti, Tala, wa tu poka lutate walua, nye tu ku lingilavo? O yongola okuti tu ku popelako ku Soma pamue ku kesongo liolohoka? Puãi eye wa kumbulula hati, Ñasi pokati komanu vange muẽle.
14
Elisia hati, Tu u lingila nye, puãi? Gehasi wa popia laye hati, Ocili, ka kuete omõla kuenda veyaye wa kuka.
15
Wa popia laye hati, U pañinya. Eci o pañinya, ukãi wa talama vuvelo.
16
Elisia wa popia hati, Enyamuali, koloneke nda vilo, wangata omõla ulume. Ukãi hati, Sio a cime cange, amunu wa Suku, ku ka kembe omolove.
17
Oco ukãi we mina, kuenje kotembo ya tukuiwa, wa cita omõla ulume, ndeci co sapuilile Elisia.
18
Eci omõla a kula, eteke limue wa endele ku isiaye, ku vakuakungula.
19
Wa popia la isiaye hati, Utue wange we! utue wange we! Isiaye wa popia lukuenje waye hati, U tuala ku inaye.
20
Wa wambata yu wo tuala ku inaye. Omõla wa kala kolongolo via inaye, toke kekumbi pongunji, kuenje wa fa.
21
Ukãi wa londa, wo pekelisa kula womunu wa Suku, wo yikilamo, yu wa tunda.
22
Wa vilikiya veyaye, hati, Hu pinga, numiseko umue povakuenje kuenda ocimbulu cimue, si lupukila komunu wa Suku. Ndopo niuka.
23
Veyaye hati, Nye wendela kokuaye etaili? Cilo hesambatako pamue okumoleha kuosãi. Ukãi hati, Ci kala ciwa.
24
Wa kapa oselẽi kocimbulu, kuenje wa popia lukuenje waye hati, Yayuisako ocimbulu, ku ka nepuluile olupesi, te nda ku ci popia.
25
Oco wa katuka, yu wa enda komunu wa Suku komunda ya Karimele. Eci omunu wa Suku o muila kupala, wa popia lukuenje waye Gehasi, hati, Ukãi u Siuname, yo?
26
Lupuka lombili, ñualẽhẽla laye. Popia laye huti, Ove hẽ wa kolapo? Veyove wa kolapo? Omõla wa kolapo? Ukãi wa kumbulula hati, Tua kolapo.
27
Eci a pitila komunu wa Suku komunda, wo kuata kolomai. Gehasi wamako ho takumula, puãi omunu wa Suku hati, A kale ño, momo utima waye wa tokotelua, kuenje Yehova ka ci situluile kokuange, ka ci sapuilile.
28
Ukãi hati, Nda pingile hẽ omõla ku cime cange? Sia popele hẽ siti, Ku ka ñembe?
29
Oco Elisia wa popia la Gehasi hati, Litika vombunda, ambata ombueti yange peka liove, kuende. Nda o ñualẽhẽla lomunu, ku ko lame; nda umue o ku lama ku ko tambulule. Kapa ombueti yange kocipala comõla.
30
Ina yomõla hati, La Yehova o kasi lomuenyo lutima wove u kasi lomuenyo, ame si ku si! Elisia wa katuka, yu wo kuama.
31
Gehasi wa livanga kovaso yavo, yu wa kapa ombueti kocipala comõla. Puãi lacimue ca yevala, lacimue ca mõleha. Oco wa tiukila oku ñualẽhẽla laye, kuenje wa popia laye hati, Omõla ka pasukile.
32
Eci Elisia a iñila vonjo, wa mõla ocivimbi comola ca langekua kula waye.
33
Wa iñila, wa liyikilamo kumue lomõla, kuenje wa likutilila ku Yehova.
34
Wa londa, yu wa liyala komõla, wa kapa omela waye komela womõla, lovaso aye kovaso omõla, lovaka aye povaka omõla. Wa liyala kilu liaye, kuenje etimba liomõla lieya owuya.
35
Wa votokako wa ñuala onjanja yimosi vonjo. Wa londa vali, yu wa liyala kilu liomõla. Kuenje omõla wa ta ohesi olonjanja epanduvali, yu wa patuluka.
36
Elisia wa kovonga Gehasi, hati, Pañinya ukãi u Siuname. Oco wo pañinya. Eci ukãi eya kokuaye, Elisia hati, Tambula omõlove.
37
Oco ukãi wa iñila, wa wila kolomai viaye, wa lituvika posi, kuenje wa tambula omõlaye, yu wa tunda.
38
Elisia weya vali ko Giligali. Vofeka mua kala onjala. Vakuacisoko covaprofeto va tumãla kovaso aye. Wa popia lukuenje waye hati, Tumbika ombia yinene piko, hu telekela vakuacisoko covaprofeto ovisolososo.
39
Umue wa enda vusenge oku ka olombi, wa sanga olungu lusenge, wa nyañako atila aco kuenje wa a yukisa ponanga yaye. Weya, yu wa kesaila atila vombia yovisolososo, momo ka va a kulihile.
40
Oco va sukumuila alume ha va li. Eci va kala loku lia ovisolososo, va liyula vati, Amunu wa Suku, vombia muli olufa! Oco ka va telele oku liako.
41
Elisia hati, Neni osema. Yu wa yimba vombia, kuenje hati, Sukumuili omanu oco va lie. Oco vombia ka mua kaile vali ocihambakola.
42
Ko Baale Salisia kua tunda ulume umue, yu wa nenela omunu wa Suku ombolo yovaima atete, ca soka olombolo akui avali viosevata, kuenda akunya okaliye otiliku, vonjeke yaye. Elisia hati, Avela omanu oco va lie.
43
Ukuenje waye hati, Elo! Ndi ci tumbikila nga ocita calume? Puãi Elisia hati, Avela omanu oco va lie, momo ca popia Yehova ceci hati, Va lia kuenda va ci supisapo.
44
Oco eye wa va ci tumbikila, yu va lia kuenda va ci supisapo, ndondaka ya Yehova.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25