bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
2 Kings 18
2 Kings 18
Umbundu Bible (Embimbiliya - Bíblia Sagrada em Umbundu)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 19 →
1
Kunyamo watatu wa Soma Hosea omõla a Ela Soma ya Isareli, oco Hesekiya omõla a Ahasi Soma ya Yuda a fetika oku viala.
2
Eci a fetika oku viala wa kala lanyamo akuĩ avali la atãlo. Wa viala ko Yerusalãi anyamo akuĩ avali lecea. Onduko ya inaye Avi omõla a Sakariya.
3
Wa lingainga eci ca sunguluka kovaso a Yehova, ndeci cosi ca lingaile isiaye Daviti.
4
Wa leñula ovotala okolonumbuko, wa tetola oviñumañuma, wa timbula Asera, wa nyanyola onyoha yosipi yina Mose a tungile. Momo toke opo va Isareli va yi timihãila insensu. Wa yi tukula hati, Nehusitana.
5
Wa kolela Yehova Suku ya Isareli. Oco polosoma viosi via Yuda ka pa kaile wa lisoka laye, ci kale evi vio kuama, ci kale evi vio tetekela.
6
Momo wa kakatela Yehova, ka pambukile vonjila yaye puãi wa lava ovihandeleko viaye, vina Yehova a handelekele Mose.
7
Yehova wa kala kumue laye. Oku kuosi a endela wa sumũluha. Wa ñualelapo Soma ya Asuria, kuenje ko vumbile vali.
8
Wa yula va Filisiti toke ko Gasa lolongave vialio, ci kale ocikanjo caño colondavululi, ci kale imbo lia pamisua lovimbaka.
9
Kunyamo wakuala wa Soma Hesekiya, haiwo unyamo wepanduvali wa Hosea omõla a Ela, Soma ya Isareli, oco Sialimanesere Soma ya Asuria wa katukila Samaria, kunje wa yi ñuala ocingonja.
10
Kesulilo lianyamo atatu, va yi tambula. Kunyamo wepandu wa Hesekiya, haiwo unyamo wecea wa Hosea, Soma ya Isareli, oco Samaria ya tambuiwa.
11
Soma ya Asuria wa tuala va Isareli kAsuria. Wa va tungisa ko Hala loko Havore kolui Gosane, lovovaimbo a va Media.
12
Momo ka va pokuile kondaka ya Yehova Suku yavo, puãi va lueyela ocisila caye; cosi Mose ukuenje wa Yehova a handelekele, ka va ci yevele ndaño oku ci linga.
13
Kunyamo wekui la kuãla wa Soma Hesekiya, Senakeriva Soma ya Asuria wa katukila ovaimbo osi a pama o ko Yuda, yu wa a tambula.
14
Hesekiya Soma ya Yuda wa tuma ku Soma ya Asuria ko Lakisi, hati, Nda lueya. Siepo. Cosi o ñisika ndi ci linga. Soma ya Asuria yu wa tukuila Hesekiya Soma ya Yuda ovita vitatu kolotalendo viopalata lakui atatu kolotalendo viulu.
15
Hesekiya wa wina opalata yosi ya kala vonjo ya Yehova lovovokuasi onjo ya Soma.
16
Koloneke viaco, ulu wokapito onembele ya Yehova lowu wokolongunji vina Hesekiya Soma ya Yuda a lañele, Hesekiya wo lañululako, yu wa weca ku Soma ya Asuria.
17
Soma ya Asuria ko Lakisi wa tuma Taritane la Ravisarisi la Ravesiake kumue lolohoka vinene ku Soma Hesekiya ko Yerusalãi. Va katuka yu va enda ko Yerusalãi. Eci va pitila, veya yu va talama kolekua yociva cokonano, ci kasi konjila yonjelisi yolonanga.
18
Eci va vilikiya Soma, kua va tundila Eliakimi omõla a Hilikiya kalei kelombe, la Sevina usonehi, la Yowa omõla a Asafe usoleki walivulu.
19
Ravesiake wa popia lavo hati, Sapuili Hesekiya hoti, Ca popia Soma yinene, Soma ya Asuria, ceci, hati, Ekolelo o kuete ndeti lia lombolokavo nye?
20
O sima okuti olondaka viaño ovio olondunge longusu yoku yaka, ale? Kaliye u wa kolela helie, yu wa ñualelapo ame?
21
Ota, wa liyeka kombueti yoluneva lua sasoha, ndokuti Egito. Nda omunu o yi kunamela, yu toma peka kuenda yi li tombola. Oco ca tuwa Fareo oco, Soma yEgito, kuava vosi vo kolela.
22
Pamue mbi vu popia lame hoti, Tua kolela Yehova Suku yetu. Heyeko hẽ una wolonumbuko lovotala ana Hesekiya a leñuile, yu a popia la Yuda kuenda Yerusalãi hati, Fendeleli vo Yerusalãi kovaso yutala u?
23
Kaliye liyekela la cime cange, Soma ya Asuria, kuenje ndu kuiha olohulukãi vivali viotuvalu, nda ove o tela oku sanga alume va endelako.
24
O tela ndati oku tamalala la kesongo umuamue wopovakuenje vaño va cime cange? Haimo wa kolela akalu lavakuatuvalu vokEgito?
25
Sieyile nga la Yehova oku nyola imbo lilo? Yehova wa popia lame hati, Katukila ofeka eyi, yi nyõla.
26
Oco Eliakimi omõla a Hilikiya, la Sevina, la Yowa va popia la Ravesiake vati, Tu ku pinga, popia lakuenje vove velimi lia va Suria, momo tu li yevite. Ku ka popie letu velimi lia va Yuda osimbu omanu va kasi kocimbaka va ci yeva.
27
Puãi Ravesiake wa popia lavo hati, Cime cange wa numa hẽ oku popia olondaka evi ku cime cove lokokuove? Ka numile hẽ komanu va tumãla ndeti kocimbaka ha va li aniña avo loku nyua ovasu avo kumue lene?
28
Oco Ravesiake wa talama vilu, wa vilikiya lolukandi velimi lia va Yuda hati, Yeveleli ondaka ya Soma yinene, Soma ya Asuria.
29
Ca popia Soma ceci, hati, Hesekiya ka ko kembi, momo ka tela oku vu popela peka liange.
30
Hesekiya ka ko kokeli oku kolela Yehova, loku popia hati, Ocili Yehova o tu popela kuenda imbo lilo ka li eciwa peka lia Soma ya Asuria.
31
Ko ka yeveleli Hesekiya. Momo ca popia Soma ya Asuria ceci, hati, Linali lame, tundili kokuange, kuenje omunu lomunu a lie kuyuva waye, omunu lomunu a lie kukuyu waye, kuenda omunu lomunu a nyue ovava ocisimo caye,
32
toke njiya siu tuala kofeka yimue ya lisoka lofeka yene, oyo ofeka yolomema lovinyu, ofeka yombolo loviumbo viayuva, ofeka yulela wasetona lowiki. Oco vu kala lomuenyo, okufa mbu. Ko ka yeveleli Hesekiya eci o kembimo hati, Yehova o tu popela.
33
Nga yimue kolosuku violofeka ya popelele ale ofeka yayo peka lia Soma ya Asuria?
34
Olosuku via Hamati levi via Aripade vi kasi pi? Olosuku via Sefariwayi la Hena la Iva vi kasi pi? Via popela nga Samaria peka liange?
35
Pokati kolosuku viosi violofeka, olosuku vi pi via popelele ofeka yavio peka liange, okuti Yehova o popelavo Yerusalãi peka liange?
36
Puãi omanu voha ño ñu, ka vo kumbuluile cimue. Momo Soma wa handeleka hati, Ko ko kumbululi.
37
Oco Eliakimi omõla a Hilikiya kalei kelombe, la Sevina usonehi la Yowa omõla a Asafe usoleki walivulu, veya ku Hesekiya. Uwalo wavo vo tola tola, kuenje vo sapuila olondaka via Ravesiake.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25