bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
2 Kings 21
2 Kings 21
Umbundu Bible (Embimbiliya - Bíblia Sagrada em Umbundu)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 22 →
1
Manase eci a fetika oku viala wa kala lanyamo ekui la avali, kuenje wa viala anyamo akui atãlo la atãlo vo Yerusalãi. Onduko ya inaye Hefisiba.
2
Wa lingainga eci cĩvi kovaso a Yehova, ndumbondo wavakualofeka vana Yehova a tundisa kovaso a va Isareli.
3
Wa tumbulula vali ovotala okolonumbuko ana isiaye Hesekiya a leñuile. Wa tungila Baale ovotala, wa panga Asera ndeci ca lingile Ahava Soma ya Isareli, kuenda wa fendaila olohoka viosi vio kilu, yu wa vi vumba.
4
Vonjo ya Yehova yina Yehova a popele hati, Vo Yerusalãi ñapamo onduko yange, eye wa tungilamo ovotala.
5
Wa tungila olohoka viosi viokilu ovotala vovitali vivali vionjo ya Yehova.
6
Wa yoka omolaye ndocilumba. Wa pilola, wa tãha tãha. Wa talavaya lavakualondele lolonganga. Wa linga evĩho lialua kovaso a Yehova lioku wengula onyeño yaye.
7
Ociñumañuma ca songiwa ca Asera cina a pangele, wa ci kapa vonjo yina Yehova a popele la Daviti lomolaye Salomone hati, Vonjo yilo lo vo Yerusalãi, imbo nda nola povapata osi a va Isareli, ñapamo onduko yange otembo ka yi pui.
8
Kuenda si kokela vali olomai via Isareli oku tunda vofeka nda ecele kolosekulu viavo loku tungayala, nda ovo va pokola ha va lingi cosi nda va handeleka kuenda ovihandeleko viosi via va handeleka ukuenje wange Mose.
9
Puãi ka va yeveleko, Manase wa va tamba kuenje va linga evĩho lia piãla, lina liavakualofeka vana Yehova a nyolele kovaso a va Isareli li sule.
10
Yehova wa popia lomela wovakuenje vaye ovaprofeto hati,
11
Omo Manase Soma ya Yuda wa linga ovombondo andeti kuenda wa linga uvi wa piãla, wosi wa lingile va Amori vana vo tetekela u sule, kuenda omo wa lueyisa Yuda loviteka viaye,
12
oco ca popia Yehova Suku ya Isareli ceci, hati, Tala, ñokela Yerusalãi la Yuda ohali yalua, okuti wosi o ci yeva, vatui aye kavali kao mu linga hiyo-o.
13
Ndi nyanyumuĩla Yerusalãi ukolo woku seteka Samaria lopulumu yepata lia Ahava. Ndi puenya Yerusalãi ndeci omunu a puenya elonga, o li puenya loku li tuvika posi.
14
Nakumula ocisupe cocipiñalo cange, ndi va eca peka liovanyali vavo, va linga olohute kuenje va pundiwa lovanyali vavo.
15
Momo va linga eci cĩvi kovaso ange. Va wengula onyeño yange, tunde eteke olosekulu viavo via tunda kEgito, toke etaili lilo.
16
Kuenda vali Manase wa pesela osonde yomanu valua ka va kuete eko, toke a yukisa layo Yerusalãi tunde nẽlilo toke nẽle oyo, loku vandeka kekandu liaye lina a kokela lalio Yuda oku lueya, poku linga eci cĩvi kovaso a Yehova.
17
Ovilinga vikuavo via Manase, levi viosi a linga, lekandu liaye a linga, cosi ka ca sonehelue hẽ velivulu liasapulo olosoma via Yuda?
18
Manase wa pekela kumue lolosekulu viaye, yu vo kenda vocumbo conjo yaye muẽle, vocumbo ca Usa. Omolaye Amoni wa piñala komangu yaye.
19
Amoni eci a fetika oku viala wa kala lanyamo akui avali la avali, kuenje wa viala anyamo avali vo Yerusalãi. Onduko ya inaye Mesiulemeta omõla a Harusi u Yotiva.
20
Wa lingainga eci cĩvi kovaso a Yehova, ndeci ca lingaile isiaye Manase.
21
Wa endaila vonjila yosi ya endaila isiaye. Wa vumba oviteka via vumbile isiaye, yu wa vi fendela.
22
Wa yanduluka Yehova, Suku yolosekulu viaye, kuenda ka endelele vonjila ya Yehova.
23
Oco akuenje va Amoni vo tumbikila ongombo yu va ipaila Soma vonjo yaye muẽle.
24
Puãi omanu vofeka va ipa vosi vana va tumbikilile Soma Amoni ongombo. Kuenda omanu vofeka va vialeka omolaye Yosiya komangu yaye.
25
Ovilinga vikuavo via Amoni, vina a linga, ka via sonehelue hẽ velivulu liasapulo olosoma via Yuda?
26
Kuenje vo kenda veyambo liaye, vocumbo ca Usa, kuenje omolaye Yosiya wa piñala komangu yaye.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25