bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
2 Kings 11
2 Kings 11
Umbundu Bible (Embimbiliya - Bíblia Sagrada em Umbundu)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 12 →
1
Eci Ataliya ina ya Ahasiya a mõla okuti omolaye wa fa, wa votoka kuenje wa kundula vosi vakuambuto yusoma.
2
Puãi Yehoseva, omõla a Soma Yorama, mukãi wa Ahasiya, wa yelula Yoasi omõla a Ahasiya, wo yombolola pomala va Soma vana va ipaiwa kuenje wo kapa vohondo yoku pekela kumue lu wo nyamisa. Oco wo vundisa ku Ataliya kuenje ka va wipaile.
3
Wa kala la Yehoseva, vo salamisa vonjo ya Yehova anyamo epandu. Kuenje Ataliya wa viala ofeka.
4
Kunyamo wepanduvali Yehoyada wa tuma oku kovonga vakesongo liovita via va Kari lava vasualali velombe, wa va iñisa vonjo ya Yehova muna a kala. Wa lisila lavo ocisila, wa va lisingisila vonjo ya Yehova kuenje wa va lekisa omõla a Soma.
5
Wa va kundika hati, Eci vu linga ceci: Onepa yimue yene, ava va tunda kupange kesambata haivo va lava lava onjo ya Soma,
6
va lave kelombe osimbu onepa yavali yi kasi kombundi Suru kuenda osimbu onepa yatatu yi kasi kombundi yokonyima yasualali velombe.
7
Kuenda ovisoko viene vivali, vina viya kupange kesambata, haivio vi lava lava onjo ya Yehova,
8
vi ñuale Soma, omunu omunu lovimaleho viaye peka. Lu iya ocipepi lovilala viene, a ipaiwe. Kali kumue la Soma eci a tunda leci a iñila.
9
Vakesongo va linga cosi ca va handeleka ocitunda Yehoyada. Omunu omunu weya lalume vaye, ava va tunda kupange kesambata lava veya kupange kesambata, yu veya kocitunda Yehoyada.
10
Ocitunda ca eca kovakesongo olonjelia loviyepelo vina via kaile via Soma Daviti haivio via kala ño vonjo ya Yehova.
11
Asualali va talama, omunu omunu lovimaleho viaye peka. Va ñuala Soma tunde konele yondio yonjo toke konele yepili lionjo. Va ñualavo utala lovolonele vionjo.
12
Oco wamisako omõla a Soma, wa kapa ekolowa kutue waye kuenda wa wiha uvangi. Vo vialeka ndosoma, yu vo waveka ulela. Va pandula peka kuenje vati, Soma a kale lomuenyo.
13
Eci Ataliya a yeva onjuela yasualali velombe leyi yomanu, oco weya komanu vonjo ya Yehova.
14
Yu wa vanja kuenje ota, Soma o tailili pongunji ndocituwa caco. Vakesongo lavakuakusika olumbeta va tailili Soma. Owiñi wosi wofeka wa sanjuka loku sika olombeta. Ataliya wa tola uwalo waye kuenje wa kaluka hati, Usuanji, usuanji!
15
Oco ocitunda Yehoyada wa tumila vakesongo liolohoka, wa popia lavo hati, U tundisi pokati kovilala. U u kuama wipayi losipata. Momo ocitunda ca popia citi, Ka ka ipailue vonjo ya Yehova.
16
Oco vo kuata, wa enda kelombe, yu wa pitila kombundi yotuvalu, haiko va wipaila.
17
Yehoyada wa lisila ocisila copokati ka Yehova la Soma lomanu oco va linge omanu va Yehova. Wa lisilavo ocisila copokati ka Soma lomanu.
18
Omanu vosi vofeka va enda konjo ya Baale yu va yi lundula. Ovotala aye loviñumañuma viaye va vi nyanyola pe, yu va ipaila Matana, ocitunda ca Baale, kovaso yovotala. Ocitunda Yehoyada wa nolela onjo ya Yehova olondavululi.
19
Wa katula vakesongo la va Kari lasualali velombe lomanu vosi vofeka. Va tunda la Soma vonjo ya Yehova, va pitila kombundi yasualali velombe, yu va enda kelombe. Kuenje Yoasi wa tumala kocalo colosoma.
20
Oco omanu vosi vofeka va sanjuka, kuenda imbo lia pola, momo va ipaila Ataliya losipata kelombe.
21
Yehoasi wa kala lanyamo epanduvali, eci a fetika oku viala.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25