Proverbs 11

Ilokano (Ti Biblia (1973))

← Chapter 10 Jump to: Chapter 12 →

1Ti naulbod a cacatian maysa a cagura ni Jehova; ngem ti apag-isu a timbeng macaay-ayo kencuana.

2No umay ni tangsit, umay metten ni bain; ngem cadagiti napacumbaba adda ni sirib.

3Ti kinamatalec dagiti nalinteg mangidalanto cadacuada; ngem ti kinaulpit dagiti nagulib mangdadaelto cadacuada.

4Ti kinabacnang awanto mamaayna intono al-aldaw ti pungtot; ngem ti kinalinteg mangispal manipud ken patay.

5Ti kinalinteg ti napnoan-imbag paglintegenna ti dalanna; ngem ti nadangkes pacatuangannanto ti kinadangkesna met laeng.

6Ti kinalinteg dagiti nalinteg mangispalto cadacuada; ngem dagiti nagulib matiliwdanto iti kinadangkesda met laeng.

7Intono matay ti nadangkes a tao, ti namnamana mapucawto; ket ti inanama ti kinadangkesda mapucaw:

8Ti nalinteg maispalto iti ducot, ket ti nadangkes maisandi kencuana.

9Ti nadangkes a tao dadaelenna gapu iti ngiwatna ti caarrubana; ngem gapu iti pannacaammo maispalto ti nalinteg.

10No adda pagimbagan dagiti nalinteg, ti ili agragragsac; ket no ti nadangkes mapucaw, adda panagdir-i.

11Gapu iti panangbendicion dagiti nalinteg maitanoc ti ili; ngem maitublac gapu iti ngiwat dagiti nadangkes.

12Ti mangumsi iti caarrubana awan ti siribna; ngem ti tao a mannacaawat agul-ulimec.

13Ti agalallatiw nga agidanondanon iti saosao, agipalgac iti palpalimed; ngem ti sitatalinaed ti espirituna ilimedna ti panggep.

14Adinoman ti awanan ti nainsiriban a panangidalan, ti umili matuang; ngem iti caadu dagiti mamalbalacad adda pannacaisalacan.

15Ti mangpatalged iti gangannaet, pagsicsicorannanto; ngem ti manggura iti kinamanagpatalged, sitatalged.

16Ti nanakem a babai magun-odna ti dayaw; ket dagiti nainget a lallaki magun-odda dagiti kinabacnang.

17Ti manangngaasi a tao agaramid iti pagimbagan ti cararuana met laeng, ngem ti nadangcoc parigatenna ti lasangna met laeng.

18Ti nadangkes magungunana dagiti macaallilaw a supapac; ngem ti agmula iti kinalinteg aglac-am ti napaypayso a gunguna.

19Ti sitatalinaed iti kinalinteg macagtengto iti biag; ket ti mangsurot iti dakes aramidenna iti pacatayanna met laeng.

20Dagiti naulpit iti puso isuda dagiti macarimon ken ni Jehova; ngem dagiti napnoan-imbag iti dalanda isuda dagiti macaay-ayo kencuana.

21Uray ti ima ken ima agpinnetpetda, ti dakes a tao saanto a di-madusaan; ngem ti putot dagiti nalinteg maispalto.

22Cas aritos a balitoc iti subsub ti babuy, casta ti naimnas a babai nga awanan kinaannad.

23Ti tarigagay dagiti nalinteg isu laeng ti naimbag; ngem ti panangnamnama dagiti nadangkes kinapungtot.

24Adda agiburay ket sumanicua pay ket di; ket adda agmetmet a nasursuroc pay ngem carbenganna, ket agbanag laeng ken kinapanglaw.

25Ti managparabur a cararua mapalucmegto; ket ti agsibug, isu met laeng masibuganto.

26Ti mangyimot iti bagas, isu ilunlunodto ti umili; ngem ti bendicion agdissonto iti olo ti mangilaco.

27Ti siaanep a mangbiruc iti imbag, birukenna ti parabur, ngem ti mangsarsarac iti dakes isu ti umayto kencuana.

28Ti agtalec cadagiti sanicuana matnagto; ngem ti sililinteg lumapsatto a cas nalangto a bulong.

29Ti mangriribuc iti balayna met laeng agtawidto iti angin; ket ti maag adipento ti masirib ti pusona.

30Ti bunga ti nalinteg isu maysa a cayo ti biag; ket ti masirib macaguyuguy cadagiti carcararua.

31Adtoy, ti nalinteg masupapacanto ditoy daga: ket adaddapay ti nadangkes ken managbasol!

← Chapter 10 Jump to: Chapter 12 →