Ezekiel 13

Mien Bible (Thai Script) © Thailand Bible Society, 2007

← Chapter 12 Jump to: Chapter 14 →

1เยีย แอ๋ง ตุ๊ ฒิบ เฒี้ยว เญย หว่า ก๊อง,

2“ป้าม เมี่ยน อ้า! เม่ย อ๋อย หฒุ โต่ว หว่า ก๊อง อิสะลาเอน เญย โต่ว หว่า เมี่ยน. อ๋อย หฒุ โต่ว หว่า บั๋ว ต้ง หฒิว กั้น เญย เฮญี้ยว ฮนั้ม ธ้วด หว่า ก๊อง วั้ว เต๋ย, ‘หมวัง เฒี้ยว เญย หว่า ม่าะ!

3เฒี้ยว ทิน-ฮู่ง ฮนั้ง น้าย ก๊อง, “นิ่น บัว หฮงง ไห่ เญย โต่ว หว่า เมี่ยน อ๋อย หฒุ โค้ว อ๊ะ. นิ่น บัว เอย กั้น เญย เฮญี้ยว โต่ว หว่า มป่า ไม้ ตุ๊ ปวัด หาย หญู่ง หิ่น ย่าง เญย สี่.

4อิสะลาเอน เมี่ยน อ้า! เม่ย บัว เญย โต่ว หว่า เมี่ยน ฮนั้ง เยียม บาง หว่าย เญย ต๋อง เญย เฮยี่ย จู๊.

5ฒี่ง หลาด ทง เญย ต๋อง เม่ย บัว ไม้ ตุ๊ ฝาว มี่ง หฒ่อ, หย่า ไม้ ตุ๊ เหว่ย อิสะลาเอน เญย เฒ้ย-ฟุน เหธย ฒี่ง หลาด, ปุน นิ่น บัว เถา เฒี้ยว เญย ฮนอย เบ๊าะ จ๋า เญย เฒี่ยง โห่ ไฮ่ เยียม ตุ๊ ว้วน.

6นิ่น บัว ปวัด หิ่น ย่าง เญย สี่ จ๊า เญย. นิ่น บัว โบ๊ว กว๋า เป๋น ก๊อง-แปะ เญย หว่า ฮนั้ง. นิ่น บัว ก๊อง, ‘เซ เฒี้ยว ก๊อง,’ มป่า ไม้ เฒ์ย เฒี้ยว พ้าย นิ่น บัว. ไม้ กุ๊น ฮนั้ง หน่าย, นิ่น บัว หธ่อ ฝุน นิ่น อ๋อย เอย นิ่น บัว ก๊อง เญย หว่า โหฒว เหฒียง.

7เม่ย บัว หาย หฒั่น ก๊อง, ‘ เฒี้ยว ก๊อง,’ ไม้ กุ๊น เยีย ไม้ ตุ๊ ก๊อง, เม่ย บัว ตุ๊ ปวัด หิ่น ย่าง เญย สี่ จ๊า เญย หย่า โบ๊ว กว๋า ก๊อง-แปะ เญย หว่า.”

8“‘เหว่ย น้าย เฒี้ยว ทิน-ฮู่ง ก๊อง, “เหว่ย หฒุ เม่ย บัว โต่ว หว่า เมี่ยน ก๊อง หว่า จ๊า หย่า ปวัด หิ่น ย่าง เญย สี่ เซ ก๊อง-แปะ ฮนั้ง, เยีย ฯฒฯ เหธา เม่ย บัว ต๋อย-เตก.” น้าย เซ เฒี้ยว ทิน-ฮู่ง ก๊อง เญย หว่า.

9“เยีย เญย ปั์ว อ๋อย โหฒว ปุน ปวัด หิ่น ย่าง เญย สี่ จ๊า เญย เหธา โบ๊ว กว๋า ก๊อง ก๊อง-แปะ เญย หว่า วั้ว เต๋ย โต่ว หว่า เมี่ยน. นิ่น บัว ฯฒฯ ไม้ ตุ๊ เยียม เยีย เญย แปะ ฝีง เญย หวุ่ย กะญั์ว หย่า ไม้ ม่าย นิ่น บัว เญย บั๋ว เยียม อิสะลาเอน เญย เฒ้ย-ฟุน เญย เมี่ยน โฮ์ว ตาน, หย่า ไม้ ตุ๊ เปียะ อิสะลาเอน เต่ย-ปูง. เม่ย บัว ฯฒฯ ฮิ้ว ตุ๊ เยีย เซ เฒี้ยว ทิน-ฮู่ง.

10“‘“น้าย เต๋ย โต่ว หว่า เมี่ยน ดั๊ว เยีย เญย แปะ ฝีง. นิ่น บัว ก๊อง, ‘แป้ง ออน’ มป่า ไม้ ม่าย เหยียด เต๋ย แป้ง ออน. แปะ ฝีง เหธย ฒี่ง หลาด เญย เฒี่ยง โห่, น้าย เต๋ย โต่ว หว่า เมี่ยน หล่ง ฮวุย-แปะ ฑ้าด เจี๊ยน.

11เหว่ย น้าย อ๋อย หฒุ บั๋ว หล่ง ฮวุย-แปะ ฑ้าด ฒี่ง หลาด วั้ว เต๋ย เมี่ยน, หลาด อ๋อย บาง อ๊ะ. อ๋อย ตุ้ย ต้ม บยู่ง เหฌี่ย, ตุ้ย ต้ม เปาะ หย่า ป์อง ต้ม หฑยาว.

12ฒี่ง หลาด บาง เญย เฒี่ยง โห่, เมี่ยน ฯฒฯ หน่าย, ‘เม่ย บัว ฑ้าด ฒี่ง หลาด วั้ว เต๋ย ฮวุย-แปะ เยียม หาย?’”

13“‘เหว่ย น้าย เฒี้ยว ทิน-ฮู่ง ก๊อง, “เยีย อ๋อย เฉีย เจี์ย เจี๊ยน เญย ปุน ต้ม หฑยาว ป่วน, โน์ว เจี๊ยน ปุน ตุ้ย ต้ม บยู่ง, หย่า เฉีย เจี์ย เจี๊ยน ปุน ตุ้ย ต้ม เปาะ เหมียด น้าย นอม ฒี่ง หลาด.

14เยีย อ๋อย แธะ เม่ย บัว ฑ้าด ฮวุย-แปะ เญย ฒี่ง หลาด เหฌี่ย, หย่า แธะ เหฌี่ย เถา เดา ปุน กอน-โด๊ะ ธ้วด ต้าย. ฒี่ง หลาด บาง เหฌี่ย เญย เฒี่ยง โห่ เม่ย บัว ฯฒฯ เยียม หน่าย บุด๋ง หฒุ เหมียด. เม่ย บัว ฯฒฯ ฮิ้ว ตุ๊ เยีย เซ เฒี้ยว.

15เยีย อ๋อย ปุน เยีย เญย กะเฉีย ปยุ้ย ธ้วด เหฑ่ง, โหฒว ปุน น้าย นอม ฒี่ง หลาด เหธา ฑ้าด ฮวุย ฒี่ง หลาด เญย เมี่ยน. เยีย ฯฒฯ ก๊อง บั๋ว เม่ย บัว, ‘ฒี่ง หลาด ไม้ ม่าย อ๊ะ. หล่ง ฮวุย-แปะ ฑ้าด ฒี่ง หลาด เญย เมี่ยน หย่า ไม้ ม่าย อ๊ะ.

16เซ ไม้ ม่าย อิสะลาเอน เญย โต่ว หว่า เมี่ยน, ต้ง โต่ว หว่า ก๊อง เถา เยลูซาเลม หย่า ปวัด หิ่น ย่าง เญย สี่ ก๊อง แป้ง ออน เญย เจ๊า ต๋อย ไม้ ม่าย แป้ง ออน เญย เฒี่ยง โห่.’” น้าย เซ เฒี้ยว ทิน-ฮู่ง ก๊อง เญย หว่า.’

17“ป้าม เมี่ยน อ้า! เม่ย อ๋อย หฒุ ฮวิน เฮมียน ต๋อย เม่ย เญย แปะ ฝีง เญย เซียะ, เซ เอย กั้น เญย เฮญี้ยว ฮนั้ม ธ้วด ต้าย โต่ว หว่า วั้ว เต๋ย. เม่ย อ๋อย หฒุ โต่ว หว่า ก๊อง นิ่น บัว.

18อ๋อย หฒุ ก๊อง, ‘เฒี้ยว ทิน-ฮู่ง ฮนั้ง น้าย ก๊อง. “เม่ย บัว มเซียะ ตอน อ๋อย หฒุ โค้ว อ๊ะ. เม่ย บัว ลุ่น ม่าย ฟ้าด เญย ปั์ว-โคว หย่า โหฒว บย์อง มฆ้อง เดีย ผุย เมี่ยน ฮลัง เมี่ยน ไอ๊, เหว่ย เฒาะ เยีย เญย แปะ ฝีง เญย แหม่ง. เม่ย บัว อ๋อย ม่าย หัด ม์า กุ๊น เยีย เญย แปะ ฝีง, ปุน นิ่น บัว นั่ง ไฟ ไต่, เหว่ย โต้ว กั้น ตุ๊ หลง ไฟ?

19เม่ย บัว เหว่ย อี เหฒีย เญา เบย้า บาลี เหธา ติ๊ เตียน ฌั้ว ปุน เยีย เยียม เยีย เญย แปะ ฝีง บุด๋ง หฒุ เมี่ยน หมั่ง เผีย. เม่ย บัว ก๊อง-แปะ ดั๊ว แปะ ฝีง หมวัง เม่ย ก๊อง-แปะ ดั๊ว เญย หว่า. ไม้ หอบ หฒุ ไต่ เญย เมี่ยน, เม่ย บัว ปุน นิ่น หฒุ ไต่ หมี่ อ๊ะ. ไม้ หอบ หฒุ ม่าย แหม่ง เฒี่ยง วั้ว เต๋ย, เม่ย บัว หย่า เลี่ยว นิ่น เญย แหม่ง.

20“‘เหว่ย น้าย เฒี้ยว ทิน-ฮู่ง ฮนั้ง น้าย ก๊อง, “หมั่ง ม่าะ! เยีย อ๋อย โหฒว ปุน เม่ย ม่าย ฟ้าด เญย ปั์ว-โคว, ต้ง เม่ย บัว หล่ง กุ๊น เมี่ยน เญย แหม่ง ฮนั้ง ฮลบ เหนาะ นอ. เยีย อ๋อย ฮลุด น้าย เต๋ย ปั์ว-โคว ธ้วด เม่ย เญย ปั์ว. เยีย อ๋อย ปู๋ง ต้ง เม่ย บัว เฒาะ วั้ว เต๋ย เมี่ยน เญย แหม่ง ฮนั้ง ปู๋ง เหนาะ นอ.

21เยีย หย่า อ๋อย เธี้ย กวั่ง เม่ย บัว บย์อง มฆ้อง เญย เดีย, เหฌียว เยีย เญย แปะ ฝีง เปย๋า ดุ๊ด เม่ย บัว เญย ปั์ว-เดี๊ย. เยียม น้าย มี่ง นิ่น บัว ไม้ เยียม เม่ย บัว เญย ปั์ว-เดี๊ย เป๋น หฒุ เฒาะ เญย กะน้าย. เม่ย บัว ฯฒฯ ฮิ้ว ตุ๊ เยีย เซ เฒี้ยว.

22เยีย ไม้ ปุน คู้ เมี่ยน เฮญี้ยว มุน มป่า เม่ย บัว หล่ง ก๊อง-แปะ เญย หว่า ปุน นิ่น บัว เฮญี้ยว หนัม. เม่ย บัว หย่า เถง เจี๊ยน เอ๊าะ เมี่ยน, ไม้ ปุน นิ่น ฮวิน ฆาง หฑวน, เล่ย ฆอย เอ๊าะ สี่, เหฌียว นิ่น เญย แหม่ง.

23เหว่ย น้าย เม่ย ไม้ ตุ๊ แอ๋ง ปวัด จ๊า หิ่น ย่าง เญย สี่ หย่า ไม้ ตุ๊ แอ๋ง โบ๊ว กว๋า. เยีย อ๋อย เหฌียว เยีย เญย แปะ ฝีง เปย๋า ดุ๊ด เม่ย บัว เญย ปั์ว-เดี๊ย. เม่ย บัว ฯฒฯ ฮิ้ว ตุ๊ เยีย เซ เฒี้ยว. ”’”

← Chapter 12 Jump to: Chapter 14 →