Ezekiel 14

Mien Bible (Thai Script) © Thailand Bible Society, 2007

← Chapter 13 Jump to: Chapter 15 →

1ม่าย เต๋ย อิสะลาเอน เญย เมี่ยน โก๋ ต้าย ล์อ เยีย หย่า เฒว์ย เจี๊ยน เยีย เญย หฑะเฮมียน.

2เยีย หย่า ตุ๊ ฒิบ เฒี้ยว เญย หว่า ก๊อง,

3“ป้าม เมี่ยน อ้า! น้าย เต๋ย เมี่ยน เฒาะ หมิ่ว-ฝัง อัน เจี๊ยน นิ่น บัว เญย เฮญี้ยว หย่า เฒาะ ห่อย นิ่น บัว ป์าม ฒุ์ย, ดิ๊ หฒุ ดอบ เญย กะน้าย, อัน เจี๊ยน นิ่น บัว เญย วั้ว ด่าง แหมง. เยีย หธ่อ หอบ หฒุ ปุน นิ่น บัว หน่าย เยีย ไฟ?

4เหว่ย น้าย เม่ย อ๋อย หฒุ เหธา นิ่น บัว ก๊อง, หย่า บั๋ว นิ่น บัว, ‘เฒี้ยว ทิน-ฮู่ง ฮนั้ง น้าย ก๊อง. “อิสะลาเอน เญย หาย เต้า เฒ้ย-ฟุน เฒาะ หมิ่ว-ฝัง อัน เจี๊ยน เฮญี้ยว หย่า เฒาะ ห่อย นิ่น ป์าม ฒุ์ย ดิ๊ หฒุ ดอบ เญย กะน้าย อัน หฑะเฮมียน, ฆะฮ้า ต้าย ล์อ โต่ว หว่า เมี่ยน, เยีย, เฒี้ยว กั้น, อ๋อย เตา นิ่น หลาย นิ่น เญย หมิ่ว-ฝัง ธั้ม.

5เยีย ฮนั้ง น้าย โหฒว เหว่ย ปุน เยีย ไฮ่ แฑง อิสะลาเอน เญย เฒ้ย-ฟุน เญย เฮญี้ยว หฑวน, เซ กัน นิ่น บัว เญย หมิ่ว-ฝัง ฯฒฯ เล่ย โก เยีย วั้ว เต๋ย เหยียด ฒู้ง เมี่ยน.”’

6“เหว่ย น้าย อ๋อย หฒุ ก๊อง บั๋ว อิสะลาเอน เญย เฒ้ย-ฟุน, ‘เฒี้ยว ทิน-ฮู่ง ฮนั้ง น้าย ก๊อง, “อ๋อย หฒุ ก๊อย เฮญี้ยว กวั่ง ฆอย เม่ย บัว เญย หมิ่ว-ฝัง หย่า ฮวิน เฮมียน ไม้ ตู๋ง หมั่ง เม่ย บัว เหยียด ฒู้ง กั้ม เฑี้ย เญย สี่.

7“‘“อิสะลาเอน เญย เฒ้ย-ฟุน ไฟ เยียม อิสะลาเอน เมี่ยน บุด๋ง เญย หาย ฝีง เมี่ยน, ตะฟ่าน หาย เต้า, ต้ง เล่ย ฆอย เยีย, หย่า เฒาะ นิ่น บัว เญย หมิ่ว-ฝัง อัน เจี๊ยน เฮญี้ยว, เฒาะ ห่อย กั้น ดิ๊ หฒุ ดอบ ป์าม ฒุ์ย วั้ว หญู่ง กะน้าย อัน นิ่น เญย หฑะเฮมียน, ฯฒฯ แอ๋ง ต้าย ล์อ โต่ว หว่า เมี่ยน หน่าย เยีย เถา นิ่น บัว เญย สี่ เหว่ย เถง กั้น ตุ๊ หลง, เยีย, เฒี้ยว กั้น, อ๋อย เตา นิ่น.

8เยีย ฯฒฯ เบี๊ยน เฮมียน ปุน วั้ว ล่าน เมี่ยน. เยีย ปุน นิ่น เป๋น จั๋ง-โห่ หย่า ปุน เมี่ยน หล่ง นิ่น โหฒว โก๊ว ก๊อง. เยีย อ๋อย ปุน นิ่น เยียม เยีย เญย แปะ ฝีง บุด๋ง หฒุ ไพ กวั่ง. เม่ย บัว ฯฒฯ ฮิ้ว ตุ๊ เยีย เซ เฒี้ยว.

9“‘“สี ก๊อง ม่าย เต้า โต่ว หว่า เมี่ยน หฒุ ดั๊ว ก๊อง เหยียด โจ๋ว โต่ว เญย หว่า, เซ เยีย, เฒี้ยว, ดั๊ว วั้ว เต้า โต่ว หว่า เมี่ยน. เยีย ฯฒฯ ซูง เยีย เญย ปั์ว เหธา นิ่น ต๋อย-เตก, เฒาะ นิ่น เยียม เยีย เญย แปะ ฝีง, อิสะลาเอน เมี่ยน บุด๋ง, เหมียด เหฑ่ง.

10นิ่น บัว ฯฒฯ เหว่ย กั้น โหฒว ต่อง เญย ฒุ์ย ดาม-ตอง. วั้ว เต้า โต่ว หว่า เมี่ยน เหธา โท้ หน่าย เญย เมี่ยน ฯฒฯ หฒุ ตี่ง ฒุ์ย ฟี่ ฮนั้ง เญย.

11เยีย ฮนั้ง น้าย โหฒว เหว่ย ปุน อิสะลาเอน เญย เฒ้ย-ฟุน ไม้ แอ๋ง เล่ย ฆอย เยีย, หย่า ไม้ แอ๋ง ป์าม ฒุ์ย กั๊วะ กั้น ม่าย หวุย. ฮนั้ง หน่าย นิ่น บัว ฯฒฯ เป๋น เยีย เญย แปะ ฝีง, เยีย หย่า โหฒว นิ่น บัว เญย ทิน-ฮู่ง.”’ น้าย เซ เฒี้ยว ทิน-ฮู่ง ก๊อง เญย หว่า.”

12เยีย แอ๋ง ตุ๊ ฒิบ เฒี้ยว เญย หว่า ก๊อง,

13“ป้าม เมี่ยน อ้า! สี ก๊อง หาย นอม กั๊วะ เญย เมี่ยน ป์าม ฒุ์ย, ไม้ เหฒียบ ฒัวะ เญย โหฒว ปุน เยีย, เยีย ฯฒฯ ซูง เยีย เญย ปั์ว เหธา วั้ว นอม เต่ย-ปูง ต๋อย-เตก, ปุน นิ่น บัว เญย ล่าง หฒิ ตั๋ง, ปุน นิ่น บัว หง่อ หฮนาง, หย่า เฒาะ เมี่ยน เหธา เฮยี่ย ฒ่อย เหมียด เหฑ่ง.

14ไม้ กุ๊น ม่าย น้าย เต๋ย ปัว ล่าน เมี่ยน, โนยา, ดานีเอน เหธา โย้บ เยียม หน่าย นอม เต่ย-ปูง กะญั์ว, เหว่ย นิ่น บัว โหฒว เญย คู้ สี่ นิ่น บัว ไฮ่ เหฌียว นิ่น บัว กั้น เญย แหม่ง ฮนั้ง.” น้าย เซ เฒี้ยว ทิน-ฮู่ง ก๊อง เญย หว่า.

15“สี ก๊อง เยีย ปุน เธี้ยว เญย เฮยี่ย ฒ่อย เจี๋ย น้าย นอม เต่ย-ปูง หงาด เมี่ยน ฯฒฯ ปุน เต่ย-ปูง ฮวาง หมี่ อ๊ะ, หลาย น้าย เต๋ย เฮยี่ย ฒ่อย, ไม้ ม่าย หาย เต้า เจี๋ย ตุ๊ เต่ย-ปูง.

16เฒี้ยว ทิน-ฮู่ง ก๊อง, ‘เยีย เฒี้ยง เจี๊ยน เยีย กั้น เญย แหม่ง ก๊อง, ไม้ กุ๊น น้าย เต๋ย ปัว ล่าน เมี่ยน เยียม น้าย นอม เต่ย-ปูง กะญั์ว, เลี่ยม นิ่น บัว เญย น่าม โญ์ว หย่า เหฌียว ไม้ ตุ๊. ขูง ไฮ่ เหฌียว ตุ๊ กั้น ฮนั้ง, มป่า วั้ว นอม เต่ย-ปูง อ๋อย ฮวาง เหฑ่ง.

17“ไฟ สี ก๊อง เยีย ต้อ หฑุ ด๊าว ห่อย วั้ว นอม เต่ย-ปูง ฯฒฯ ก๊อง, ‘ปุน หฑุ ด๊าว เจี๋ย วั้ว นอม เต่ย-ปูง อ๊ะ,’ เยีย ฯฒฯ เฒาะ เต่ย-ปูง เญย เมี่ยน, เลี่ยม เมี่ยน เลี่ยม แซง-คู้, ไต๋ เหฑ่ง.”

18เฒี้ยว ทิน-ฮู่ง ก๊อง, “เยีย เฒี้ยง เยีย กั้น เญย แหม่ง ก๊อง, ไม้ กุ๊น วั้ว เต๋ย ปัว ล่าน เมี่ยน เยียม หน่าย กะญั์ว, นิ่น บัว เลี่ยม กั้น เญย น่าม โญ์ว เหฌียว ไม้ ตุ๊. ขูง ไฮ่ เหฌียว ตุ๊ กั้น ฮนั้ง.

19“ไฟ สี ก๊อง เยีย ปุน ววน-แป่ง เปียะ วั้ว นอม เต่ย-ปูง, หย่า ปุน เยีย เญย กะเฉีย แป๊ด ธ้วด เหมียด นิ่น บัว, เลี่ยม เมี่ยน เหธา แซง-คู้ เหมียด เหฑ่ง,

20ไม้ กุ๊น โนยา, ดานีเอน เหธา โย้บ เยียม น้าย นอม เต่ย-ปูง กะญั์ว, เฒี้ยว ทิน-ฮู่ง ก๊อง เยีย เฒี้ยง เจี๊ยน เยีย กั้น ก๊อง, นิ่น บัว เลี่ยม กั้น เญย น่าม โญ์ว เหฌียว ไม้ ตุ๊. นิ่น บัว ขูง เหว่ย กั้น โหฒว เญย คู้ สี่ เหฌียว ตุ๊ กั้น เญย แหม่ง ฮนั้ง.

21“เหว่ย น้าย เฒี้ยว ทิน-ฮู่ง ก๊อง, ‘เยีย ตี่ง เยลูซาเลม เมี่ยน เญย ฒุ์ย ปุน นิ่น บัว หฒุ น้าย เต๋ย เปยย หญู่ง เหฒะ หน่าน เก้า เธี้ยว ด่ง หาย ธั้ม. เซ ปุน นิ่น บัว หฒุ หฑุ ด๊าว, หง่อ หฮนาง, เธี้ยว เญย เฮยี่ย ฒ่อย เหธา ววน-แป่ง ปุน เมี่ยน เหธา แซง-คู้ หฒุ เหมียด เหฑ่ง.

22มป่า เยียม หน่าย กะญั์ว ม่าย ตุ๊ แหม่ง ธ้วด เหฒ่ง เหฌี่ย เญย เมี่ยน ต้อ นิ่น บัว เญย น่าม โญ์ว ธ้วด. นิ่น บัว ธ้วด เถา เม่ย บัว หน่าย, เม่ย บัว ตุ๊ ปวัด นิ่น บัว โหฒว เญย สี่. เม่ย บัว ฯฒฯ ไฮ์ เฮญี้ยว เก้า ฟง เหว่ย เยีย ปุน เยลูซาเลม หฒุ เญย เหฒะ หน่าน, เซ เยีย ปุน วั้ว นอม ฒี่ง หฒุ เญย เหยียด ฒู้ง สี่.

23เม่ย บัว ตุ๊ ปวัด นิ่น บัว เญย เจ๊า เหธา นิ่น บัว โหฒว เญย สี่, เม่ย บัว ฯฒฯ เฮญี้ยว ฟง เต๋ย, หย่า ฮิ้ว ตุ๊ เยีย เยียม เยลูซาเลม โหฒว เญย เหยียด ฒู้ง สี่ ม่าย กอน-แป๋ง.’ น้าย เซ เฒี้ยว ทิน-ฮู่ง ก๊อง เญย หว่า.”

← Chapter 13 Jump to: Chapter 15 →