Ezekiel 47

Mien Bible (Thai Script) © Thailand Bible Society, 2007

← Chapter 46 Jump to: Chapter 48 →

1วั้ว ล่าน เมี่ยน แอ๋ง ต้อ เยีย หฑวน เถา หฒั่ง ทิน-ฮู่ง เญย เปย๊า เญย แก้ง ด่าง. เยีย ปวัด แก้ง กะเดี๊ย ม่าย ววม เหลี่ยว ธ้วด มี่ง ตง ปูง (เหว่ย หฒุ หฒั่ง ทิน-ฮู่ง เญย เปย๊า ฮวิน ตง ปูง). น้าย เต๋ย ววม เยียม หฒั่ง ทิน-ฮู่ง เญย เปย๊า เญย แก้ง ด่าง กะเดี๊ย เหลี่ยว ธ้วด น่าม ปูง, เหฒี่ย-ต้อง เญย น่าม ปูง กะเฮลน.

2นิ่น แอ๋ง ต้อ เยีย ธ้วด ป๊ะ ปูง เญย แก้ง, ต้อ เยีย เยียม กะเหญี่ย แหมง ฮวีง มี่ง เถา ฮวิน มี่ง ตง ปูง กะเหญี่ย วั้ว คัง แก้ง. ปวัด ววม เยียม น่าม ปูง เหลี่ยว ธ้วด.

3วั้ว ล่าน เมี่ยน นั้น เจี๊ยน เดาะ เญย ฮลาง ยั่ง ตง ปูง มี่ง เดาะ เหยียด ธิน เดาะ. นิ่น ต้อ เยีย ยั่ง ววม มี่ง. ววม แบ่ง เหฒา-เหมว่ย ฮนั้ง.

4นิ่น แอ๋ง เดาะ เหยียด ธิน เดาะ หย่า ปุน เยีย ยั่ง ววม มี่ง. ววม โด เถา ธี่ง เบาะ. นิ่น แอ๋ง เดาะ เหยียด ธิน เดาะ หย่า ปุน เยีย ยั่ง ววม มี่ง. ววม ฯฒฯ แบ่ง จ๊าย.

5นิ่น แอ๋ง เดาะ เหยียด ธิน เดาะ, ววม ฯฒฯ เป๋น โด๊ะ หมี่ อ๊ะ. ยั่ง เจี๋ย ไม้ ตุ๊ เหว่ย หฒุ ววม ฝาว เถา โด เก๋า ไฮ่ เฒี่ยว ตุ๊ อ๊ะ.

6นิ่น ก๊อง บั๋ว เยีย, “ป้าม เมี่ยน อ้า! เม่ย ปวัด น้าย ไฟ?” นิ่น แอ๋ง ต้อ เยีย กัน โด๊ะ-เฮลน หฑวน.

7หฑวน เญย เฒี่ยง โห่ เยีย ปวัด อี ปูง โด๊ะ-เฮลน, น้าย ปูง เหธา วั้ว ปูง, ม่าย เดี๋ยง ธั้ม ไห่.

8นิ่น ก๊อง บั๋ว เยีย, “น้าย เต๋ย ววม เหลี่ยว หูง เจี๊ยน ตง ปูง เญย เดา มี่ง เถา อาลาบา, แอ๋ง เหฌี่ย มี่ง เปียะ ค้อย. วั้ว เต๋ย ววม เหลี่ยว เปียะ ค้อย, ววม-ฑ่าย ฯฒฯ ทิ้ว เป๋น ววม-ฒ้าม.

9น้าย ติ้ว โด๊ะ เหลี่ยว มี่ง เถา หาย, ม่าย แหม่ง เญย กะน้าย กั๊บ ฒุ้น เยียม วั้ว ธั้ม เญย, หย่า ม่าย เบย์า ธั้ม เญย. เหว่ย หฒุ น้าย เต๋ย ววม เหลี่ยว เหฌี่ย น้าย, ค้อย เญย ววม ฯฒฯ ฒ้าม มี่ง. ฮนั้ง หน่าย, โด๊ะ มี่ง เถา หาย, หญู่งๆ ฯฒฯ ม่าย แหม่ง อ๊ะ.

10ม่าย ป์อง เบย์า เมี่ยน โซ้ว วั้ว ค้อย-เฮลน. เยียม เอนเกดี มี่ง เถา เอนเอกลาอิม ฯฒฯ ม่าย พุย มู์ง เญย ต๋อง. ม่าย เหฒีย! เหฒีย หญู่ง เบย์า, ด่ง เยียม ต้ม ค้อย เญย เบย์า.

11มป่า ววม-ฌ่าง เหธา ด้อง เญย ต๋อง ไม้ ไฮ่ ฒ้าม. อ๋อย หฒุ กวั่ง เจี๊ยน วั้ว เป๋น เฑ้า.

12เยียม อี ปูง โด๊ะ-เฮลน ม่าย หญู่งๆ เดี๋ยง เญย เปี๊ยว เหว่ย โหฒว หญั่น ฮบ. น่อม หย่า ไม้ ฆาย, เปี๊ยว หย่า ไม้ ตั๋ง. หฮลาๆ ธ้วด เซียง-เปี๊ยว เหว่ย หฒุ ยู์ง น้าย เต๋ย เดี๋ยง เญย ววม เยียม สีง ติ่น เหลี่ยว ธ้วด ต้าย. เดี๋ยง เญย เปี๊ยว หล่ง เป๋น หญั่น เญย กะน้าย. เดี๋ยง เญย น่อม หล่ง โหฒว เดีย.”

13เฒี้ยว ทิน-ฮู่ง ฮนั้ง น้าย ก๊อง, “น้าย เซ เม่ย บัว อ๋อย หฒุ หฒิว เดา เญย กั๊บ-จ๋าย พ้าย ปุน ฆอย เป๋น เหฒียบ เหญ่ย ฝีง อิสะลาเอน เมี่ยน หฑิบ เญย ป่วน. โยเซ้บ ตุ๊ อี โก๊ว.

14อ๋อย หฒุ ปุน ฟี่ บัวะ เญย. เยีย โฮ้ว เจี๊ยน เฒาะ น้าย เต๋ย เดา ปุน เม่ย บัว เญย อง-ถาย. น้าย เต๋ย เดา ฯฒฯ เป๋น เม่ย บัว หฑิบ เญย ป่วน.

15“น้าย เซ เต่ย-ปูง เญย กั๊บ-จ๋าย. “ป๊ะ ปูง เญย กั๊บ-จ๋าย เยียม ต้ม ค้อย มี่ง เฮ้ดโลน ฒี่ง เญย เจ๊า เจี๋ย ฮามัด เญย เจ๊า-คู้ แอ๋ง เจี๋ย มี่ง เถา เสดัด,

16เบโลทา, สิบลาอิม (เซ เยียม ดามัดกัด เหธา ฮามัด บุด๋ง เญย กั๊บ-จ๋าย,) มี่ง เถา เยียม เฮาลาน เญย กั๊บ-จ๋าย, ฮาเซฮัดทิโคน วั้ว นอม ต๋อง.

17ฮนั้ง หน่าย ป๊ะ ปูง เญย กั๊บ-จ๋าย เยียม ค้อย มี่ง เถา ฮาซาเอโนน, กัน ดามัดกัด ป๊ะ ปูง เญย กั๊บ-จ๋าย หย่า ม่าย ฮามัด เญย กั๊บ-จ๋าย เยียม ป๊ะ ปูง. น้าย เซ ป๊ะ ปูง แหมง เญย กั๊บ-จ๋าย.

18“ตง ปูง เญย กั๊บ-จ๋าย เยียม เฮาลาน เหธา ดามัดกัด, เยียม กิเลอาด เหธา อิสะลาเอน บุด๋ง, เซ กัน จอแดน ด้าย มี่ง เถา ตง ปูง เญย ค้อย แอ๋ง เจี๋ย มี่ง เถา ทามา. น้าย เซ ตง ปูง เญย กั๊บ-จ๋าย.

19“น่าม ปูง เญย กั๊บ-จ๋าย เยียม ทามา มี่ง เถา เมลิบัดคาเดด เญย ววม, กัน อียิบ เญย โด๊ะ- ตอน มี่ง เถา ต้ม ค้อย. น้าย เซ น่าม ปูง เญย กั๊บ-จ๋าย.

20“ไฟ ปูง ม่าย ต้ม ค้อย โหฒว กั๊บ-จ๋าย มี่ง เถา เปียะ ฮามัด เญย เจ๊า ต๋อย-หง่าน เญย ต๋อง. น้าย เซ ไฟ ปูง เญย กั๊บ-จ๋าย.

21“เม่ย บัว อ๋อย หฒุ หฒิว อิสะลาเอน เญย ฝีง พ้าย น้าย เต๋ย เดา.

22น้าย เต๋ย เดา อ๋อย หฒุ พ้าย ปุน ฆอย เป๋น เม่ย บัว กั้น หฑิบ เญย ป่วน เหธา เยียม เม่ย บัว บุด๋ง เญย กั้น ฝีง เมี่ยน, เซ ต้ง เยียม เม่ย บัว บุด๋ง ตุ๊ ฝุเจว๊ย ฟุน-ฟะ เญย เมี่ยน ตุ๊ หฑิบ เญย ป่วน. เม่ย บัว อ๋อย หฒุ ฝุน นิ่น บัว ฮนั้ง เยียม อิสะลาเอน บุด๋ง ธ้วด เสย เญย เมี่ยน. อ๋อย หฒุ ปุน นิ่น บัว เยียม อิสะลาเอน ฝีง กะญั์ว ตุ๊ เหธา เจี๊ยน เม่ย บัว หฑิบ นิ่น บัว เญย ป่วน.

23กั้น ฝีง เมี่ยน เยียม เม่ย บัว หาย ฝีง เมี่ยน บุด๋ง, เยียม วั้ว เม่ย บัว อ๋อย หฒุ พ้าย เดา ปุน นิ่น บัว หฑิบ.” น้าย เซ เฒี้ยว ทิน-ฮู่ง ก๊อง เญย หว่า.

← Chapter 46 Jump to: Chapter 48 →