Ezekiel 29

Mien Bible (Thai Script) © Thailand Bible Society, 2007

← Chapter 28 Jump to: Chapter 30 →

1เยีย บัว หฒุ กว๊าด มี่ง ตะเหฒียบ หฮญัง, เหฒียบ หฮลา, เหฒียบ เหญ่ย วั้ว ฮนอย, เยีย ตุ๊ ฒิบ เฒี้ยว เญย หว่า ก๊อง,

2“ป้าม เมี่ยน อ้า! เม่ย อ๋อย หฒุ ฮวิน เฮมียน มี่ง โต่ว หว่า ก๊อง อียิบ เญย ฮู่ง, ฟาโล, เหธา ก๋อม อียิบ เต่ย-ปูง.

3กุ๊น ก๊อง อ๊ะ. อ๋อย หฒุ ก๊อง, ‘เฒี้ยว ทิน-ฮู่ง ฮนั้ง น้าย ก๊อง, “‘“อียิบ เญย ฮู่ง, ฟาโล อ้า! เยีย โหฒว เม่ย เญย วิน-วั้ง อ๊ะ. เม่ย เซ เหยียด เต้า ต้ม จูง-ฮู่ง เปว๋ย เจี๊ยน เม่ย กั้น เญย โด๊ะ กะญั์ว ก๊อง, “ไนอา ด้าย เซ เยีย เญย, เยีย เหฒย ต้าย.”

4เยีย, ทิน-ฮู่ง, อ๋อย หล่ง ต้ม ติ๋ว ขวัง เจี๊ยน เม่ย เญย ฮ่า ป้า, แอ๋ง ปุน เยียม เม่ย เญย โด๊ะ เญย เบย์า แน้ด เจี๊ยน เม่ย เญย เจี๋ย. เม่ย เญย เหยียด ฒู้ง โด๊ะ เญย เบย์า แน้ด เจี๊ยน เม่ย เญย เจี๋ย, เยีย ฯฒฯ เยียม เม่ย เญย โด๊ะ กะญั์ว ทอ เม่ย ธ้วด ต้าย.

5เยีย อ๋อย เฒาะ เม่ย, เลี่ยม เม่ย เญย เหยียด ฒู้ง โด๊ะ เญย เบย์า, ฒอย กวั่ง เต่ย-ปูง-ฮวาง กะญั์ว. เม่ย อ๋อย ด๊อด เหฌี่ย หล่ม-ฮวาง หย่า ไม้ ม่าย หาย เต้า เซียว ฒุ้น ปย๊บ เม่ย. เยีย เฒาะ เม่ย ปุน เดา-เป้ย เญย เฮยี่ย ฒ่อย เหธา ด๊าม-ลู่ง เญย เหนาะ โหฒว หญั่น ฮบ.”

6วั้ว หฒั่น เยียม อียิบ เญย หฒวัง เมี่ยน ฯฒฯ ฮิ้ว ตุ๊ เยีย เซ เฒี้ยว. “‘“เม่ย เหว่ย อิสะลาเอน เมี่ยน ฮนั้ง ติ้ว หลัวะ ติ ปย๊า-บย่า.

7นิ่น บัว หล่ง ปั์ว นั้น เจี๊ยน เม่ย, เม่ย ฯฒฯ เน้า หมี่ อ๊ะ. นิ่น บัว เหยียด ฒู้ง เญย บะเต้า หฒุ เป๊ด หว่าย. นิ่น บัว เปว่ย เม่ย, เม่ย ฯฒฯ เน้า หมี่ อ๊ะ, ว้วด หฒุ นิ่น บัว เหยียด ฒู้ง เญย จ๊าย.

8“‘เหว่ย น้าย เฒี้ยว ทิน-ฮู่ง ฮนั้ง น้าย ก๊อง, เยีย อ๋อย หล่ง หฑุ ด๊าว โหฒว ปุน เม่ย. เยีย อ๋อย เยียม เม่ย บุด๋ง เฒาะ เม่ย เญย เมี่ยน เหธา แซง-คู้ ไพ กวั่ง.

9อียิบ เต่ย-ปูง ฯฒฯ เป๋น ป่าย หว่าย เญย เดา-ฮวาง. วั้ว หฒั่น นิ่น บัว ฯฒฯ ฮิ้ว ตุ๊ เยีย เซ เฒี้ยว. “‘เม่ย ก๊อง, “ไนอา ด้าย เซ เยีย เญย. เยีย เหฒย ต้าย.”

10เหว่ย น้าย เยีย เหธา เม่ย แอ๋ง เหธา เม่ย เญย เหยียด ฒู้ง โด๊ะ โหฒว วิน-วั้ง. เยีย อ๋อย ปุน อียิบ เต่ย-ปูง เป๋น ป่าย หว่าย เญย เดา-ฮวาง เยียม มิกโดน เถา สิเอเน แอ๋ง เจี๋ย มี่ง เถา เอทีโอเปีย เญย กั๊บ-จ๋าย.

11ไม้ ม่าย เมี่ยน เญย เหฒา ไฟ แซง-คู้ เญย เต้ย เจี๋ย วั้ว นอม เต่ย-ปูง. ไม้ ม่าย หาย เต้า เยียม หน่าย ปวั๊ง เฝย เหฒียบ หฮญัง.

12เป๊ย ป่าย ฮวาง เญย หฒวัง กั๊วะ, เยีย อ๋อย ปุน อียิบ เป๋น เก้า ป่าย ฮวาง เญย เต่ย-ปูง. เป๊ย ลู่ง เดี๊ย เหยียด ฒู้ง ป่าย ฮวาง เญย ฒี่ง, อียิบ เญย ฒี่ง ฒู้ง เก้า ป่าย ฮวาง เจี๋ย ปวั๊ง เฝย เหฒียบ หฮญัง. เยีย อ๋อย ปุน อียิบ เมี่ยน ฟ้าด หฑาน มี่ง เยียม หม่าน กั๊วะ หม่าน ฝีง บุด๋ง.

13“‘เหว่ย หฒุ เฒี้ยว ทิน-ฮู่ง ฮนั้ง น้าย ก๊อง, เจี๋ย ลิ์ว เฝย เหฒียบ หฮญัง, เยีย อ๋อย เสี่ยว ฒุ้น หฒุ หฑาน มี่ง เยียม หม่าน ฝีง บุด๋ง เญย อียิบ เมี่ยน.

14เยีย อ๋อย ปุน อียิบ แอ๋ง ตุ๊ หลง ฮนั้ง โล์ วั้ว นอ, หย่า อ๋อย ต้อ อียิบ เมี่ยน เยียม นิ่น บัว เญย ป๊วน-เต่ย, ปัดโล้ด วั้ว. เยียม วั้ว นิ่น บัว ฯฒฯ เป๋น นอม เมา เญย กั๊วะ.

15เป๊ย หม่าน กั๊วะ, อียิบ เซ เก้า เมา เจี๋ย เญย กั๊วะ, เหยียด ลิ์ว ไม้ ไฮ่ ท่าย กั้น เก้า โฮล กั้น นอม กั๊วะ. เยีย อ๋อย ปุน นิ่น บัว เป๋น นอม ไฝ เญย กั๊วะ ฯฒฯ เหยียด ลิ์ว ไม้ ไฮ่ แอ๋ง กุ๊น กั้น นอม กั๊วะ.

16เหยียด ลิ์ว ไม้ ไฮ่ เป๋น อิสะลาเอน เญย เฒ้ย-ฟุน เขา เญย กั๊วะ. ฮนั้ง หน่าย อิสะลาเอน เญย เฒ้ย-ฟุน ไฮ่ จั๋ง หฒุ นิ่น บัว ฮวิน หฑวน มี่ง เขา อียิบ ป์าม ฒุ์ย. นิ่น บัว ฯฒฯ ฮิ้ว ตุ๊ เยีย เซ เฒี้ยว ทิน-ฮู่ง. ’”

17เยีย บัว หฒุ กว๊าด มี่ง หญี่ เหฒียบ เธี้ยด วั้ว หฮญัง, ฒี่ หฮลา แซง-เยี้ยด, เยีย ตุ๊ ฒิบ เฒี้ยว เญย หว่า ก๊อง,

18“ป้าม เมี่ยน อ้า! บาบีโลน เญย ฮู่ง, เนบูคัดเน้ดซา, ปุน นิ่น เญย จุน-แปง กวั้น โหฒว กง เฮนี้ย, เถา นิ่น บัว เหยียด ฒู้ง มฆ้อง ฌัง เหฑ่ง. โม์ว เต้า แปง เญย บะเต้า หย่า ท้าด เหฑ่ง. ไม้ กุ๊น ฮนั้ง หน่าย, นิ่น บัว ด๊อด ชะ เบ๊าะ ไทละ วั้ว หฒั่น, นิ่น เหธา นิ่น เญย จุน-แปง ไม้ ตุ๊ หาย หญู่ง เหว่ย โหฒว นิ่น บัว เบ๊าะ ไทละ เญย ฟิน-โค้ว.

19เหว่ย น้าย เฒี้ยว ทิน-ฮู่ง ก๊อง, “เยีย อ๋อย เฒาะ อียิบ จิว ปุน บาบีโลน เญย ฮู่ง, เนบูคัดเน้ดซา. นิ่น อ๋อย เปี้ยน เหฑ่ง อียิบ เญย ฒิ่น ฒ่อย, ลู้ เหฑ่ง, ธ้าง เหฑ่ง นิ่น บัว เญย กะน้าย, หล่ง โหฒว นิ่น เญย จุน-แปง กวั้น เญย ฟิน-โค้ว.

20เยีย เฒาะ อียิบ เต่ย-ปูง จิว ปุน นิ่น เหว่ย โหฒว นิ่น บัว ธ้วด ชะ โหฒว เญย ฟิน-โค้ว, เหว่ย หฒุ นิ่น บัว เถง เยีย โหฒว. น้าย เซ เฒี้ยว ทิน-ฮู่ง ก๊อง เญย หว่า.

21“เถา วั้ว ฮนอย, เยีย อ๋อย ปุน อิสะลาเอน เญย เฒ้ย-ฟุน แอ๋ง เฮ้น เจี์ย ต้าย หย่า ปุน เม่ย, เอเสเคน, เยียม นิ่น บัว บุด๋ง ก๊อง. นิ่น บัว ฯฒฯ ฮิ้ว ตุ๊ เยีย เซ เฒี้ยว.

← Chapter 28 Jump to: Chapter 30 →