Ezekiel 26

Mien Bible (Thai Script) © Thailand Bible Society, 2007

← Chapter 25 Jump to: Chapter 27 →

1เยียม เยีย บัว หฒุ ธ้าง มี่ง เหฒียบ เยี้ยด หฮญัง, เหฒียบ เยี้ยด หฮลา, แซง-เยี้ยด วั้ว ฮนอย, เยีย ตุ๊ ฒิบ เฒี้ยว เญย หว่า ก๊อง,

2“ป้าม เมี่ยน อ้า! เหว่ย หฒุ ไทละ ก๊อง เยลูซาเลม ฒี่ง, ‘อ๊า ฮ่า! หม่าน ฝีง เญย ฒี่ง แก้ง หว่าย หมี่ อ๊ะ, เซ ตอง เจี๊ยน เยีย คอย ฆอย หมี่ อ๊ะ. นิ่น เป๋น ป่าย ฮวาง เญย ต๋อง, เยีย ฯฒฯ ตุ๊ หลง เจี๊ยน ฝาว.’

3เหว่ย น้าย เฒี้ยว ทิน-ฮู่ง ก๊อง, ‘โอ ไทละ ฒี่ง อ้า! อี้ หฒั่น เยีย เหธา เม่ย โหฒว วิน-วั้ง อ๊ะ. เยีย ฯฒฯ ต้อ ธั้ม-กั๊วะ เมี่ยน ต้าย เบ๊าะ เม่ย, ฮนั้ง ค้อย เจี์ย หล่าง นอ.

4นิ่น บัว อ๋อย เบ๊าะ หว่าย ไทละ เญย ฒี่ง หลาด, หย่า แธะ เหฑ่ง นิ่น เญย ฒี่ง ล่าว. เยีย อ๋อย กว้าย เหฑ่ง นิ่น เญย เนีย ปุน เป๋น ฌัง เญย หละเปย๊ย-ฒอง.

5นิ่น ฯฒฯ เป๋น เยียม ค้อย กะญั์ว พุย มู์ง เญย ต๋อง. นิ่น หย่า เป๋น หม่าน กั๊วะ เมี่ยน ต้าย ลู้ เญย ต๋อง, เหว่ย หฒุ เยีย, เฒี้ยว ทิน-ฮู่ง, ก๊อง ลิ์ว อ๊ะ.

6ไทละ เญย เมี่ยน, ต้ง เยียม เดา จั๊ง เญย ต๋อง, อ๋อย หฒุ หฑุ ด๊าว ไต๋. นิ่น บัว ฯฒฯ ฮิ้ว ตุ๊ เยีย เซ เฒี้ยว. ’

7“เหว่ย หฒุ เฒี้ยว ทิน-ฮู่ง ฮนั้ง น้าย ก๊อง, ‘เยีย อ๋อย ต้อ บาบีโลน เญย ฮู่ง, เนบูคัดเน้ดซา, เซ หม่าน ฮู่ง เญย ฮู่ง, ต้าย เบ๊าะ ไทละ. นิ่น อ๋อย ต้อ เจี๊ยน ม์า เหธา ม์า-เธีย เหธา เก้ ม์า-แปง เหธา จุน-แปง กวั้น ธั้ม เญย เยียม ป๊ะ ปูง ต้าย.

8นิ่น อ๋อย หล่ง หฑุ ด๊าว เยียม เดา จั๊ง เญย ต๋อง ไต๋ เม่ย เญย เมี่ยน. นิ่น อ๋อย โหฒว หลาด เว่ย เจี๊ยน เบ๊าะ จ๋า, เว้ด เนีย ดุย เจี๊ยน, โป้ว ท้อง-ป้าย ท้อง เจี๊ยน มฆ้อง ต้าย เบ๊าะ เม่ย.

9นิ่น อ๋อย เหลียบ ฒง ฒี่ง หลาด เญย จา-สี่ ฒง ทง ฒี่ง หลาด, หย่า หล่ง เฮลียะ-จา-สี่ เบ๊าะ เม่ย เญย ฒี่ง ล่าว เหฌี่ย.

10นิ่น เญย ม์า ธั้ม! ไห่, ฒู้ง ปุน เนีย-บูง ฝาว ต้าย อ๊บ เจี๊ยน เม่ย. นิ่น เปียะ ฒี่ง แก้ง วั้ว หฒั่น ฮนั้ง ยั่ง ฒง ทง เญย ค้วด เปียะ. เก้ ม์า แปง เหธา เบ๊าะ จ๋า เญย ม์า-เธีย เหธา ทอ กะน้าย เญย ม์า-เธีย เญย เฉีย บุย, ฒู้ง ดั่น ต์ง เม่ย เญย ฒี่ง หลาด.

11นิ่น เญย ม์า เญย เต้ย อ๋อย ธ้าย เม่ย เญย เหยียด ฒู้ง เจ๊า. นิ่น อ๋อย หล่ง หฑุ ด๊าว ไต๋ เม่ย เญย แปะ ฝีง. เม่ย ว้วน ไห่ เญย เดี้ยว ฒู้ง อ๋อย บาง เหฌี่ย เดา.

12เม่ย เญย ฒิ่น ฒ่อย อ๋อย หฒุ ธ้าง มี่ง. เม่ย เญย หัว หฒุ ลู้ เหฑ่ง. เม่ย เญย ฒี่ง หลาด หย่า อ๋อย หฒุ เบ๊าะ หว่าย. เม่ย เหฑว่ย ไห่ เญย เปย๊า หย่า หฒุ แธะ หว่าย. เม่ย เญย หละเปย๊ย เหธา เดี๋ยง เหธา เบ๊าะ ฮู้ เญย กะน้าย ฒู้ง หฒุ ฒอย เหฌี่ย ค้อย กะญั์ว.

13เยีย ฯฒฯ ปุน เม่ย ป๋าว ฑูง เญย เฉีย เซ้ก. เม่ย เญย ต้าน ป้า เญย เฉีย ไม้ ตุ๊ แอ๋ง ไฮ์.

14เยีย อ๋อย ปุน เม่ย เป๋น ฌัง เญย หละเปย๊ย-ฒอง, โหฒว พุย มู์ง เญย ต๋อง. เม่ย เหยียด ลิ์ว ไม้ ตุ๊ แอ๋ง เหธย เจี์ย, เหว่ย หฒุ เยีย, เฒี้ยว, ก๊อง ลิ์ว อ๊ะ. น้าย เซ เฒี้ยว ทิน-ฮู่ง ก๊อง เญย หว่า.’

15“เฒี้ยว ทิน-ฮู่ง ฮนั้ง น้าย ก๊อง บั๋ว ไทละ, ‘เยียม เม่ย บุด๋ง หฒุ ไต๋ หฒุ มุน เญย เมี่ยน ฌุ่น เจี๊ยน วั้ว หฒั่น, หลาย เม่ย หฒุ บาง เญย เฉีย, ค้อย-เฮลน ฒู้ง อ๋อย หฒุ ดั่น ต์ง ไม้ เฒ์ย?

16วั้ว หฒั่น ปั่ง ค้อย เญย หฒวัง เจียน ฯฒฯ เหฌี่ย นิ่น บัว เญย เหว่ย, ไจ๊ ฆอย นิ่น บัว ม่าย เญย ลุย-ด๊าว, ไจ๊ ฆอย หธง ต้าย เญย ลุย-เปี้ยง, ซิน หฒิน ญั่นๆ เญย. นิ่น บัว ฯฒฯ เฒว์ย เหฌี่ย เดา ซิน หฒิน เจี๊ยน ไม้ ตี้ง, หย่า เถง เม่ย กั้ม เหฑีย ไห่.

17นิ่น บัว อ๋อย เหว่ย เม่ย ป๋าว ติ้ว หน่าน ฒี่ง ฑูง ก๊อง เถา เม่ย, ฯฒฯ ฮนั้ง น้าย ก๊อง, “‘“เม่ย น้าย นอม ม่าย เม่ง โห่ เญย ฒี่ง อ้า! เม่ย เยียม วั้ว ค้อย หฒุ เหมียด เหฑ่ง. เม่ย เยียม ค้อย โหฒว ว้วน เญย ต๋อง. เม่ย เหธา เม่ย เญย เมี่ยน โหฒว ปุน เยียม วั้ว ค้อย เญย เหยียด ฒู้ง เมี่ยน กั้ม เหฑีย ไห่.

18อี้ หฒั่น เยียม เม่ย บาง เญย ฮนอย ค้อย-โฑว ญั่นๆ เญย. เยียม ค้อย เญย หฒวัง ค้อย-โฑว กั้ม เหฑีย ไห่ เหว่ย หฒุ เม่ย เจี๋ย หมี่ อ๊ะ.”’

19“เฒี้ยว ทิน-ฮู่ง ฮนั้ง น้าย ก๊อง, ‘ไทละ ฒี่ง อ้า! เยีย ปุน เม่ย เป๋น ฒี่ง ฮวาง, ฮนั้ง ไม้ ม่าย เมี่ยน เยียม เญย ฒี่ง. เยีย ต้อ ค้อย เญย ววม ต้าย เหยียม เม่ย, แอ๋ง ปุน ต้ม ววม ก๊ม เจี๊ยน เม่ย.

20วั้ว หฒั่น เยีย อ๋อย ฟ้ง เม่ย เหฌี่ย เปียะ เยี่ยม เกน, ปุน เม่ย เหธา โล์-ฮนอย เญย เมี่ยน เยียม เดา-เดี๊ย โด เญย ต๋อง, เยียม เจี๊ยน โล์-ฮนอย บาง หว่าย เญย ต๋อง, เซ เหธา เจี๊ยน เหฌี่ย มี่ง เยียม เยี่ยม เกน วั้ว เต๋ย เมี่ยน เยียม, เหว่ย ไม้ ปุน หาย เต้า เยียม เม่ย กะญั์ว. เม่ย หย่า ไม้ ตุ๊ เยียม ย่าง เกน.

21เยีย อ๋อย ปุน เม่ย เญย เซ้ด เมว์ย ฮนอย โค้ว. ยั่ง น้าย เจี๋ย ฯฒฯ ไม้ ม่าย เม่ย อ๊ะ. ไม้ กุ๊น เมี่ยน ล์อ เม่ย, นิ่น บัว เหยียด ลิ์ว ล์อ ไม้ ปวัด เม่ย.’ น้าย เซ เฒี้ยว ทิน-ฮู่ง ก๊อง เญย หว่า.”

← Chapter 25 Jump to: Chapter 27 →