Ezekiel 41

Mien Bible (Thai Script) © Thailand Bible Society, 2007

← Chapter 40 Jump to: Chapter 42 →

1วั้ว ล่าน เมี่ยน แอ๋ง ต้อ เยีย เปียะ หฒั่ง ทิน-ฮู่ง เญย เปย๊า, ต้ม ทีง วั้ว. นิ่น ฯฒฯ เดาะ เดี้ยว. ปูงๆ จั๊ง จุ๊ เดาะ.

2เปียะ ต้ม ทีง เญย เจ๊า จั๊ง เหฒียบ เดาะ. อี ปูง กะเฮลน ปยา เดาะ. นิ่น หย่า เดาะ ต้ม ทีง กะญั์ว ด๊าว เฝย เหฒียบ เดาะ, จั๊ง หญี่ เหฒียบ เดาะ.

3นิ่น แอ๋ง เปียะ กะญั์ว วั้ว ฉง. เปียะ เญย เจ๊า อี ปูง กะเฮลน เญย เดี้ยว จั๊ง อี เดาะ. เปียะ เญย เจ๊า จั๊ง จุ๊ เดาะ. เจ๊า เปียะ เญย อี ปูง กะเฮลน เญย หฌ่ง จั๊ง เสี่ย เดาะ.

4นิ่น แอ๋ง เดาะ น้าย ฉง ด๊าว หญี่ เหฒียบ เดาะ, จั๊ง หญี่ เหฒียบ เดาะ. น้าย ฉง เยียม ต้ม ทีง เญย วั้ว ด่าง แหมง. นิ่น ก๊อง บั๋ว เยีย, “น้าย เซ เก้า ธีง-เหฑ่ง เจี๋ย วั้ว ฉง.”

5นิ่น แอ๋ง เดาะ หฒั่ง ทิน-ฮู่ง เญย เปย๊า เญย หฌ่ง, โฮ์ จุ๊ เดาะ. ธับ ฮวีง ก๋อม กะเหญี่ย วั้ว เต๋ย ฉงๆ จั๊ง เปยย เดาะ.

6น้าย เต๋ย ฉง ม่าย ปัว ฑั่ง. เหยียด ฑั่ง ลับ เหยียด ฑั่ง. ฑั่งๆ ม่าย ฟ่า เหฒียบ ฉง. หฒั่ง ทิน-ฮู่ง เญย เปย๊า เญย หฌ่ง ม่าย เต๋ย แป๊ด ธ้วด เญย ต๋อง เหว่ย เซ่ง กะเหญี่ย วั้ว เต๋ย ฉง, ปุน น้าย เต๋ย ธับ ธ้วด เญย ต๋อง ไม้ หฒุ ปั่ง หฒั่ง ทิน-ฮู่ง เญย เปย๊า เญย หฌ่ง.

7เว่ย ก๋อม กะเฮลน น้าย เต๋ย ฉง เหยียด ฑั่ง จั๊ง เต๋ย, เหยียด ฑั่ง จั๊ง เต๋ย. เหยียด ฑั่ง ปั่ง เหยียด ฑั่ง ฝาว. น้าย เต๋ย ฉง เหยียด เฒย ฮลัง เหยียด เฒย จั๊ง. เยียม หฒั่ง ทิน-ฮู่ง เญย เปย๊า กะเฮลน ม่าย เทย. ฮนั้ง หน่าย, หาย เต้า เยียม กะเดี๊ย วั้ว ฑั่ง อ๋อย ฝาว กู้ หงว่าย วั้ว ฑั่ง อ๋อย หฒุ กัน น้าย เต๋ย เทย ยั่ง บุด๋ง วั้ว ฑั่ง ฝาว.

8เยีย หย่า ปวัด หฒั่ง ทิน-ฮู่ง เญย เปย๊า ฮวีง ก๋อม เญย ต๋อง ติ้น ฝาว. เว่ย ก๋อม วั้ว เต๋ย ฉง เญย กอน-โด๊ะ ฮลัง ด่ง เหยียด ติ้ว เดาะ เญย ปย๊า, เซ จุ๊ เดาะ.

9วั้ว เต๋ย ฉง กะเหญี่ย แหมง เญย หฌ่ง โฮ์ ปยา เดาะ. ติ้น ต้าย เหฒ่ง เหฌี่ย เญย เดา หธ่อ ม่าย ปยา เดาะ. เยียม น้าย เต๋ย ธับ ธ้วด เญย ต๋อง

10มี่ง เถา ไซ เมี่ยน วั้ว เต๋ย เปย๊า บุด๋ง ขูง เญย ต๋อง ม่าย หญี่ เหฒียบ เดาะ จั๊ง เว่ย ก๋อม หฒั่ง ทิน-ฮู่ง เญย เปย๊า.

11ธับ ธ้วด กะเฮลน วั้ว เต๋ย ฉงๆ เญย แก้ง ฮวิน มี่ง ติ้น ต้าย เหฒ่ง เหฌี่ย เญย เดา. ม่าย เหยียด เต้า แก้ง ฮวิน มี่ง ป๊ะ ปูง, ม่าย เหยียด เต้า ฮวิน มี่ง น่าม ปูง. เว่ย ก๋อม เหฒ่ง เหฌี่ย เญย เดา ม่าย ปยา เดาะ จั๊ง.

12ม่าย นอม เปย๊า ฮวิน มี่ง หฒั่ง ทิน-ฮู่ง เญย เปย๊า ไฟ ปูง แหมง วั้ว เต๋ย ขูง-ต๋อง. วั้ว นอม เปย๊า จั๊ง เธี้ยด เหฒียบ เดาะ, ด๊าว จั๊ว เหฒียบ เดาะ. เว่ย ก๋อม เญย หฌ่ง โฮ์ ปยา เดาะ.

13วั้ว ล่าน เมี่ยน แอ๋ง เดาะ หฒั่ง ทิน-ฮู่ง เญย เปย๊า, ม่าย เหยียด แป๊ะ เดาะ ด๊าว. หฒั่ง ทิน-ฮู่ง เญย เปย๊า เหธา ฆะฮ้า แหมง เญย ขูง-ต๋อง เหธา เปย๊า แอ๋ง เหธา วั้ว นอม เปย๊า เญย หฌ่ง ม่าย เหยียด แป๊ะ เดาะ ด๊าว.

14หฒั่ง ทิน-ฮู่ง เญย เปย๊า ตง ปูง แหมง, เลี่ยม เปย๊า เลี่ยม หลาด กะญั์ว เญย ขูง-ต๋อง, ด๊าว เหยียด แป๊ะ เดาะ.

15นิ่น แอ๋ง เดาะ เยียม ไฟ ปูง ฮวิน หฒั่ง ทิน-ฮู่ง เญย เปย๊า ฆะฮ้า ฆาง วั้ว นอม เปย๊า, เลี่ยม อี ปูง กะเฮลน เญย หฌ่ง, ม่าย เหยียด แป๊ะ เดาะ ด๊าว. หฒั่ง ทิน-ฮู่ง เญย เปย๊า เหธา ธับ ธ้วด เปย๊า กะเหญี่ย หฑะเฮมียน แหมง เญย ต๋อง, กะญั์ว เญย ต้ม ทีง เหธา เก้า ธีง-เหฑ่ง เจี๋ย เญย ต๋อง

16ม่าย เดี๋ยง-เป๊น แน้ด เจี๊ยน หฌ่ง. ปัว ฉง ฒู้ง ม่าย ฟง ม่วน เว่ย ก๋อม หย่า ม่าย ฟง ม่วน เญย ชอง โด เญย. ต๋อย เจี๊ยน แก้ง ด่าง ม่าย เดี๋ยง-เป๊น แน้ด เจี๊ยน เยียม กะเดี๊ย เดา เถา ฟง ม่วน. น้าย เต๋ย ฟง ม่วน ม่าย กะน้าย แบะ เจี๊ยน.

17เลี่ยม แก้ง กู้ หงว่าย ขูง เญย ต๋อง, ไม้ กุ๊น เยียม กะญั์ว เจี๋ย วั้ว ฉง ไฟ กะเหญี่ย วั้ว ฉง, เยียม กะญั์ว เจี๋ย วั้ว ฉง เหธา ต้ม ทีง เว่ย ก๋อม เญย หฌ่ง ม่าย ติว ต้าย เญย ฝัง,

18ฮนั้ง เคลูบิม เหธา ตาว-เดี๋ยง เญย ฝัง. อี เต้า เคลูบิม บุด๋ง ม่าย ฒู่ง ตาว-เดี๋ยง. เต้าๆ เคลูบิม ม่าย อี นอม เฮมียน.

19เมี่ยน เญย เฮมียน ฮวิน มี่ง วั้ว ปูง ตาว-เดี๋ยง. เซี่ยน หลุน เญย เฮมียน ฮวิน น้าย ปูง ตาว-เดี๋ยง. เฒี่ยง นอม เปย๊า กะญั์ว ม่าย น้าย เต๋ย ฝัง ติว ก๋อม.

20เยียม กะเดี๊ย เดา เถา แก้ง กู้ หงว่าย ม่าย เคลูบิม เหธา ตาว-เดี๋ยง ติว เจี๊ยน หฌ่ง.

21เปียะ ต้ม ทีง วั้ว เต้า แก้ง เญย แก้ง โหฒ่ว เฝย-ปูง ฟี่ เฌี้ยด เญย. เยียม เก้า ธีง-เหฑ่ง เจี๋ย วั้ว ฉง หฑะเฮมียน แหมง ม่าย หญู่ง กะน้าย

22ฮนั้ง หล่ง เดี๋ยง โหฒว ต้าย เญย เหฒี่ย-ต้อง. เซ ปัว เดาะ ฮลัง, อี เดาะ ด๊าว, อี เดาะ จั๊ง. น้าย นอม กะน้าย เญย เก๊าะ เหธา เซ่ง เญย กะน้าย, เลี่ยม เว่ย ก๋อม เตี้ย เญย กะน้าย หล่ง เดี๋ยง โหฒว. วั้ว ล่าน เมี่ยน บั๋ว เยีย, “น้าย เซ เยียม เฒี้ยว เญย หฑะเฮมียน เญย เตี้ย.”

23ต้ม ทีง เหธา เก้า ธีง-เหฑ่ง เจี๋ย วั้ว ฉง เญย แก้ง, เหยียด คัง ม่าย เหยียด ต๋อย.

24เหยียด เต้า แก้ง ม่าย อี คว้าย. เหยียด คว้าย ฑิบ เจี๊ยน ไฮ่ คอย มี่ง คอย ต้าย.

25เปียะ ต้ม ทีง เญย แก้ง ติว เจี๊ยน เคลูบิม เหธา ตาว-เดี๋ยง ฮนั้ง ติว เจี๊ยน หฌ่ง วั้ว นอ. ธับ ธ้วด หฑะเฮมียน แหมง วั้ว ฉง กะเหญี่ย ม่าย เดี๋ยง แบะ เจี๊ยน กู้ หงว่าย.

26น้าย ฉง อี ปูง ม่าย ฟง ม่วน, ฟง ม่วน เญย ชอง โด เญย. อี ปูง หฌ่ง กะเฮลน ติว เจี๊ยน ตาว-เดี๋ยง.

← Chapter 40 Jump to: Chapter 42 →